Albula/Alvra
| Albula/Alvra | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Albula |
| BFS-Nr.: | 3542 |
| Poschtleitzahl: | 7492 Alvaneu 7451 Alvaschein 7084 Brienz/Brinzauls 7458 Mon 7472 Surava 7459 Stierva 7450 Tiefencastel |
| Koordinate: | 763607 / 170173 |
| Höchi: | 851 m ü. M. |
| Flächi: | 93,63 km² |
| Iiwohner: | 1327 (31. Dezämber 2022)[1] |
| Website: | www.albula-alvra.ch/home.html |
| Charte | |
 | |
Albula/Alvra isch a politischi Gmaind i da Region Albula im Schwizer Kanton Graubünda.
Geografii
[ändere | Quälltäxt bearbeite]D Gmaind Albula/Alvra ligt im undera Albulatal, am Zämafluss vo da Albula und da Gelgia (Julia). De Ort Tüfakaschta ischt an Verkehrsknotapunkt und ligt zwüscha Thusis und Filisur (und witer i Richtig Albulapass), aber au zwüscha dr Lenzerhaid und Savognin (und witer i Richtig Julierpass). D Gmaind bestoot us da Frakziona (Dörfer) Alvaneu, Alvaschein, Brienz/Brinzauls, Mon, Surava, Stierva und Tüfakaschta.
Da tüüfscht Punkt vo da Gmaind isch underhalb vo da Solis-Brugge, döt wo da Rain digl Lai vo rächts i d Albula mündet, uf 767 m ü. M. une. Öpa 200 Meter nordweschtlich vom Piz Mitgel isch uf 3'098 m da högscht Punkt vom Gmaindsgebiet. Bi da Brugg öber d Albula im Dorf vo Tüfakaschta wird uf de Landcharte a Meereshöchi vo 850 m aagee. Im Gegesatz dezue liit d Haltstell vom Postauto z Stürvis uf 1'365 m obe.
Gschicht
[ändere | Quälltäxt bearbeite]Di politisch Gmaind Albula/Alvra isch am 1. Januar 2015 us da bishäriga Gmainda Alvaneu, Alvaschein, Brienz/Brinzauls, Mon, Surava], Stierva und Tüfakaschta entstanda. Dia betroffna Gmainda hän am 28. Februar 2014 ama entsprächena Beschluss zuegstumma.[2] Uursprüngli hetti Lantsch/Lenz au sölla mitmacha, hät sich dänn aber im September 2013 us dena Fusionsverhandliga zruggzoga.[3]
Zum erschta Gmaindspräsidänt isch an ara Abstimmig am 28. September 2014, mit 235 vo 271 gültiga Stimma, da Daniel Albertin worda. Er isch CVP-Grossroot und damals no Gmaindspräsidänt vo Mon gsi.[4]
Bis Endi 2015 hät d Gmaind zum Krais Alvaschain im Bezirk Albula ghört. Dur d Bündner Gebiatsreform sind d Krais ufghoba und us da Bezirk sind Regiona gmacht worda.
Sprocha
[ändere | Quälltäxt bearbeite]Amtssproche sind gemäss Verfassig, wo am 24. August 2014 an ara Urnaabstimmig i allna betroffana Gmainda beschlossa und vo da Bündner Regierig gnemigt worda isch, Dütsch und Rätoromanisch.[5] Für s Romanisch gilt, dass d Verwaltig s Idiom Surmiran brucht, aber d Schuelsproch isch Rumantsch Grischun.
Weblink
[ändere | Quälltäxt bearbeite]
Commons: Albula/Alvra – Sammlig vo Multimediadateie- Albula/Alvra Offizielli Websita vo da Gmaind (dütsch und rätoromanisch)
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Fusion im Albulatal ist geglückt Südostschweiz online, Artikl vom 28. Februar 2014
- ↑ Lantsch/Lenz will doch nicht zu Gemeinde Alvra Bündner Tagblatt, Artikl vom 22. September 2013
- ↑ Fusionsgemeinde Albula/Alvra hat ersten Gemeindepräsidenten SRF 1, Regionaljournal Graubünda, Mäldig vom 28. September 2014
- ↑ Gemeindeverfassung Albula/Alvra genehmigt Rhätische-Zeitung, Artikel vom 18. September 2014
