S kanonische Rächt

S kanonische Rächt isch s Chillerächt vo dr römisch-katholische Chille vom latiinische Ritus und vo de katholische Ostchillene. Es reglet die intärne Aagläägehäite vo dr chirchlige Gmäinschaft und gseet für e hufe Beriich en äigeni Grichtsbarkäit vor. Si Naame chunnt vo griechisch/latiinisch canon (‚Richtschnuer‘), wil die äinzelne Normkomplex im Codex vom kanonische Rächt as Canones bezäichnet wärde.

Site us em *Decretorum Libri XX* vom Burchard vo Worms, em Kanonische Rächtsbuech us em 11. Joorhundert.

D Sammlig und Kodifizierig vom Chillerächt het im Middelalter aagfange und s Resultat isch dr Corpus Iuris Canonici gsi, wo bis 1917 die maassgääbligi Gsetzsammlig vo dr römisch-katholische Chille bliibe isch. 1917 isch für die latiinischi Chille dr nöibearbäiteti Codex Iuris Canonici erschiine, wo noch em Wunsch vom Babst Johannes XXIII. im Ufdraag vom 2. Vatikanische Konzil bis 1983 vollständig überarbäitet worde isch. Für die katholische Ostchillene isch 1990 dr Codex Canonum Ecclesiarum Orientalium erloo worde.

S Rächt vo dr katholische Chille het d Entwigglig vom dütsche Brozässrächt, vor allem vom Stroofbrozäss, stark voraabrocht. Au s Schuldrächt isch zum Bischbil dur e Grundsatz pacta sunt servanda (‚Verdrääg müesse iighalte wärde‘), wo us em kanonische Rächt stammt, wääsentlig beiiflusst worde, wil eso die strängi Förmligkäit vom Römische Rächt het chönne überwunde wärde. Im Eherächt het s d Verwandtehüroot iigschränggt und het die gegesitig Pflicht zur ehelige Dröiji begründet. S kanonische Rächt isch bi dr Vermiddlig vom moraltheologische Begriff vo dr Stroof an s wältlige Stroofrächt vo zentraler Bedütig, isch aber hüte nume no innerhalb vo dr römisch-katholische Chille rächtens.

Weblingg

Commons: S kanonische Rächt – Sammlig vo Multimediadateie

Kanonischi Gsetzbüecher im Vollteggst uf dr Site vo dr Kongregazioon für e Klerus
Skriptum Einführung in das Kirchenrecht (vom Ulrich Rhode; PDF-Datei; 451 kB)
Skriptum Grundbegriffe des Kirchenrechts (Site cha nüme abgrüeft wärde; Suche im Webarchiv)[1] [2] (Vorlääsig von Johann Hirnsperger; PDF-Datei; 7,15 MB)
Skriptum Universalkirchliche Verfassungsstrukturen (Site cha nüme abgrüeft wärde; Suche im Webarchiv)[3] [4] (Vorlääsig von Johann Hirnsperger; PDF-Datei; 383 kB)
Skriptum Teilkirchenrecht (Site cha nüme abgrüeft wärde; Suche im Webarchiv)[5] [6] (Vorlääsig von Johann Hirnsperger; PDF-Datei; 341 kB)

Dä Artikel basiert uff ere fräie Übersetzig vum Artikel „Kanonisches_Recht“ vu de dütsche Wikipedia. E Liste vu de Autore un Versione isch do z finde.

Bitte gib au Achtig uf dr Hiwis zue Rechtstheme!