Roald Amundsen

Dr Roald Engelbregt Gravning Amundsen (* 16. Juli 1872 in Borge, hüte Fredrikstad, Norwääge; † vermuetlig 18. Juni 1928 in dr Arktis in dr Näächi vo dr Bääreninsle) isch en erfolgriiche norwäägische Polarforscher gsi.

Dr Amundsen und säggs anderi si vo 1903 bis 1906 as Ersti uf em Schiff Gjøa dur d Nordwestpassaasche gfaare.

Am 14. Dezämber 1911 si är und vier Begläiter as ersti Mensch bim geografische Südpol aachoo, no vor sim britische Rival Robert Falcon Scott, wo am am 18. Januar am Pol gsi isch und denn uf dr Räis zrugg umchoo isch.

1918 isch er vom norwäägische Tromsø us dur d Nordostpassaasche uf Nome z Alaska gfaare, und isch dört 1920 aachoo. Vor iim het das nume dr Adolf Erik Nordenskiöld fertigbrocht.

Wil weder dr Robert Peary no dr Frederick Cook oder dr Richard Byrd chönne bewiise, ass si am geografische Nordpol gsi si, isch s mööglig, ass dr Amundsen au zu de erste Mensche ghöört, wo dört aachoo si. Zämme mit 15 andere Expedizionsmitgliider isch er am 12. Mai 1926 uf eme transarktische Flug im Luftschiff Norge am Nordpol aachoo.

Dr Amundsen isch 1928 umchoo, won er e Rettigsflug gmacht het, zum em italiänische Polarforscher Umberto Nobile go z hälfe, wo mit sim Luftschiff in dr Arktis in Noot groote isch. Mä het si Liiche nie gfunde.

Litratuur

Amundsen, Roald: The South Pole, Vol. I und Vol. II, John Murray, London 1912 (abgrüeft im Internet Archive am 11. Septämber 2009).
Riffenburgh, Beau: Nimrod. (Übersetzt vom Sebastian Vogel). Berlin Verlag, Berlin 2006, ISBN 3-8270-0530-2.
Brennecke, Detlef: Roald Amundsen; Reinbek bei Hamburg (Rowohlt) 1995, ISBN 3-499-50518-5
Huntford, Roland: Scott & Amundsen; München (Heyne) 2000, ISBN 3-453-17790-8
Langner, Rainer-K.: Duell im ewigen Eis; Frankfurt am Main (Fischer) 2005, ISBN 3-596-14908-8
Bomann-Larsen, Tor: Amundsen. Bezwinger beider Pole; Hamburg (Mare) 2007, ISBN 3-86648-068-7
Peter Laufmann; Scott und Amundsen. Der tödliche Wettlauf zum Pol, Frederking & Thaler, München 2011 ISBN 978-3-89405-905-7
Christian Jostmann: Das Eis und der Tod: Scott, Amundsen und das Drama am Südpol. C. H. Beck Verlag, München 2011, ISBN 978-3-406-62094-2

Weblingg

Commons: Roald Amundsen – Sammlig vo Multimediadateie

Dä Artikel basiert uff ere fräie Übersetzig vum Artikel „Roald_Amundsen“ vu de dütsche Wikipedia. E Liste vu de Autore un Versione isch do z finde.