Sura z Babylonie

Sura
Sura (Irak) Sura	Sura
	Sura
Koordinate	31° 53′ N, 44° 27′ OKoordinate: 31° 53′ N, 44° 27′ O
Basisdate
Staat	Irak
	Vorlage:Infobox Ort/Wartung/ISO
Iiwooner	0
	Het bis zum 11. Joorhundert existiert

Sura isch en antiki Stadt im südlige Babylonie am westlige Ufer vom Euphrat gsi. Si het bis öbbe zum 11. Joorhundert existiert.

Z Sura het sich e jüdischi Akademii befunde, wo näbe Pumbedita s wichdigste Zentrum vo dr jüdische Gleersamkäit in Babylonie gsi isch.^[1] Dr grösst Däil vom Babylonische Talmud isch do entstande.

D Stadt

D Umgääbig isch für iiri groossi Fruchtbarkäit bekannt gsi. In dr Region vo Sura het mä Rääbe, Obst, Wäize und Rogge aabaut und Veezucht betriibe; d Fälder si us em Euphrat bewässeret worde.

D Akademii

Im Joor 225 het dr Rav Abba Arikha z Sura en Akademii gründet. Bis zum Ändi vom 3. Joorhundert het si e füerendi Stellig gha, isch denn aber vo Pumbedita überdroffe worde. Zur Zit vom Rav Aschi (352–427) het Sura wider an Bedütig gwunne. Noch em Dr Rav Aschi isch äine vo de wichdigste Autore vom Babylonische Talmud gsi und noch sim Dood isch die religiösi Bedütig vo Sura immer chliiner worde. Under de Perserköönig Peroz I. und Yazdegerd II. si d Juude verfolgt worde und d Zaal vo de Gleerte und Studänte het abgnoo.

Noch dr islamische Eroberig het d Akademii Sura an Bedütig gwunne, wo dr Exilarch Salomo ben Chisdai dr Läiter vo dr Akademii vo Pumbedita, Samuel, im Joor 730 zum Gaon vo Sura ernennt het.^[2] E Biinaame vo Sura us dere Zit isch Jeschiwat Resch Galuta (aram. „Jeschiwa vom Exilarch“) gsi. Am Aafang vom 10. Joorhundert isch d Akademii vo Sura uf Bagdad züüglet, het aber under em Saadia Gaon, wo 928 zu iirem Läiter ernennt worde isch, no äinisch e füerendi Rolle afo spiile. Bis zum 10. Joorhundert isch d Meerhäit vo dr Bevölkerig vo Sura jüdisch gsi. Wo denn aber dr Benjamin vo Tudela um 1170 dur d Gegend gräist isch, het er kä jüdischi Siidlig me gfunde und het d Stadt as e Ruinefäld beschriibe.

Litratuur

Encyclopaedia Judaica, Bd. 15, S. 521–523

Fuessnoote

↑ Michael Krupp: Der Talmud. Eine Einführung in die Grundschrift des Judentums mit ausgewählten Texten. Gütersloher Verlags-Haus, Gütersloh 1995, ISBN 3-579-00772-6, S. 91.
↑ Haim Hillel Ben-Sasson (Hrsg.): Geschichte des jüdischen Volkes. Von den Anfängen bis zur Gegenwart. 5. um ein Nachwort erweiterte Auflage des Gesamtwerkes, Sonderausgabe. C. H. Beck, Münche 2007, ISBN 978-3-406-55918-1, S. 524.

Dä Artikel basiert uff ere fräie Übersetzig vum Artikel „Sura_(Babylonien)“ vu de dütsche Wikipedia. E Liste vu de Autore un Versione isch do z finde.

[1] Michael Krupp: Der Talmud. Eine Einführung in die Grundschrift des Judentums mit ausgewählten Texten. Gütersloher Verlags-Haus, Gütersloh 1995, ISBN 3-579-00772-6, S. 91.

[2] Haim Hillel Ben-Sasson (Hrsg.): Geschichte des jüdischen Volkes. Von den Anfängen bis zur Gegenwart. 5. um ein Nachwort erweiterte Auflage des Gesamtwerkes, Sonderausgabe. C. H. Beck, Münche 2007, ISBN 978-3-406-55918-1, S. 524.

[1]

[2]