Helsinki
| Helsinki | |||
| Localidat de Finlandia | |||
| |||
 Anvista de Helsinki. | |||
| Estau • Provincia • Rechión |
 FinlandiaFinlandia d'o Sud Uusimaa | ||
| Población • Total |
23000 hab. (1875) | ||
| Altaria • Meyana |
0 m. | ||
| Codigo postal | 00100–00990 | ||
| Coordenadas | |||
| Web oficial | |||
Helsinki (Helsinki, en finlandés, Helsingfors en sueco, Helsset en sami) ye a capital de Finlandia, amás d'estar a ciudat con mayor numero d'habitants d'o país.
A suya población ye de 620.982 habitants (2014) en una superficie de 715,55 km², con una densidat de población de 2.906,4 hab/km².
A ciudat se troba situata en a parti sud d'o país, a o canto d'o golfo de Finlandia en a mar Baltica.
Historia
En 1550 o rei Gustavo I de Suecia establió a ciudat de Helsinki, con a finalidat de rivalizar con a ciudat hanseatica de Reval (hué Tallinn, a capital d'Estonia), y li dió o nombre sueco de Helsingfors. Sindembargo, a importancia d'o lugar estió radida, dica que se construyó una fortaleza, Sveaborg (hue conoixita con o nombre en finlandés de Suomenlinna, a fortaleza de Finlandia).
O día 11 de mayo de 1713, tropas d'o Imperio ruso conquirioron a ciudat a os suecos.[1]
Dende l'anexión por o Imperio ruso d'o Gran Ducato de Finlandia en 1809, dimpués d'a Guerra Finlandesa (1808-1809) con Suecia, a ciudat creixió, pus o zar Alexandre I de Rusia cambeó a capital de Finlandia de Turku ta Helsinki, ta reducir asinas o peso de l'herencio cultural sueco en o país. En 1827 se cambeó tamién a seu d'a unica Universidat d'o país de Turku ta Helsinki (hué ye a Universidat de Helsinki).
O centro historico de Helsinki, construito en estilo neoclasico ta pareixer-se a la ciudat rusa de Sant Petersburgo, a capital de l'Imperio ruso, ye un claro herencio d'ixas embueltas.
Encara que a Guerra Civil finlandesa fació estrozas en a ciudat, ista se recuperó a escape, y se facioron plans ta o ixamplamiento d'a ciudat seguntes planos d'os millors arquitectos, encara que denguno se plegó de rematar.
Mientres a Guerra d'Ibierno (1939-1940) y a Guerra de Continación (1941-1944), en a Segunda Guerra Mundial, a ciudat fue bombardeyata por l'Exercito Royo sovietico, encara que no se destruyoron a mayor parti d'as ciudatz europeas d'ixas calendatas.
Presonalidatz naixitas de Helsinki
- Linus Torvalds, incheniero de software qui desembolicó Linux.
Se veiga tamién
Vinclos externos
Se veigan as imáchens de Commons sobre Helsinki.- (de)/(en)/(fi)/(ru)/(sv) Pachina web municipal.
