Parlamento Europeu
O Parlamento Europeu ye o parlamento propio d'a Unión Europea, esleito dreitament por os ciudadans europeus dende 1979 en as ditas Eleccions a o Parlamento Europeu, estando asinas a unica institución supranacional d'o mundo que ye esleita en unas eleccions. O mandato d'os deputatos ye de 5 anyadas, y representan, alto u baixo, a 490 millons de presonas, estando asinas o segundo electorato democratico mas gran d'o mundo, dimpués d'a India.
O parlamento ye formato actualment por 736 deputatos,[1] esleitos por cadagún d'os países que fan parte d'a Unión, ye unicameral y comparte o poder lechislativo en a Unión Europea con o Consello d'a Unión Europea. A suya seu oficial se troba en a ciudat francesa d'Estrasburgo, en Alsacia, en a muga con Alemanya. En estar esleitos, os deputatos s'agrupan no pas seguntes o suyo orichen nacional, sino seguntes as suyas afinidatz politicas.
Vinclos externos
Se veigan as imáchens de Commons sobre o Parlamento Europeu.- (bg) (cs) (da) (de) (el) (en) (es) (et) (fi) (fr) (hu) (it) (lt) (lv) (mt) (nl) (pl) (pt) (ro) (sk) (sl) (sv) Pachina web oficial d'o Parlamento Europeu.
Referencias
- ↑ (en) Welcome to the European Parliament, en a pachina web d'o Parlamento Europeu.