Schellenberg

	Schellenberg; Schellabärg
	Municipio de Liechtenstein
	; Schellenberg
Estau; • Districto electoral	Liechtenstein; Unterland
Superficie	3,5 km²
Población; • Total	; 1091 hab. (2019)
Altaria; • Meyana	; 626 m.
Codigo postal	9488
Ríos	Río Rin
Coordenadas	47°13’41’’N 9°32’22’’E
	Schellenberg Schellenberg en Liechtenstein
	Schellenberg Schellenberg en Europa Central
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Schellenberg (en alamanico Schellabärg) ye o municipio de menor altaria y mas chicot de Liechtenstein. Muga a o nord-este y este con Feldkirch (Vorarlberg, Austria), a o sud con Mauren, Eschen y Gamprin, y a l'ueste con Ruggell.

Historia

A zona fue habitada en primeras por os Celtas y dimpués por os Retos. Roma conquirió a zona en l'anyo 15 a. C., convertindo-la en parti d'a provincia de Recia. Dita provincia se convirtiría dimpués en un condau baixo a rechencia de Carlo Magno. O condau fue dividiendo-se progresivament debiu a o herencio de pais a fillos.

A sinyoría de Schellenberg fue mercada por os Contes de Vaduz en 1437 y os dos territorios han continau unius en a practica dende alavez. Dimpués d'a guerra sueva en 1499, os dos territorios cayoron baixo sobiranía feudal d'Austria. Cuantas dinastías de contes han mercau y vendiu istos territorios, dica que en primerías d'o sieglo XVIII fuoron mercaus por a Casa de Liechtenstein, que heba recibiu o reconoiximiento de prencipesca en 1706, pero precisaba alquirir un territorio amán d'a cabeza de l'imperio ta poder fer parti en as votacions d'os Prencipes de l'Imperio. O Emperador unió formalment os territorios de Vaduz y Schellenberg en 1719.

Puestos d'intrés

Casa d'a ciudat de Schellenberg.
Parroquia de Schellenberg.
Museu d'historia d'a ciudad.
Castiello de Schellenberg.
Fortaleza de Eschellemberg.

Comunicacions

O medio de transporte mas emplegau ye o tren, ya que a gara mas amanada ye en Ruggell, a o norte d'o municipio. Atro transporte que se fa servir a sobén ye a becicleta, ya que Schellenberg ye a redolada mas plana de tot o país. L'autobús s'emplega ta desplazar-se grans distancias, como por eixemplo viachar enta Vaduz. O medio menos emplegau ye l'auto.

Esportes

No bi ha un club de fútbol en a ciudat, por ixo gran parti d'a población anima a o FC Ruggell, d'o municipio vecín. Entre atros, destacan os esportes acuaticos, como natación, remo, piragüismo y blincos. Atros esportes con afición son o ciclismo (en Schellenberg se fa toz os anyos una cursa dita Schellenberg's Competition), o tenis y o handbol.