Bison bonasus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Bison bonasus | ||||||||||||||||||
 Bison bonasus en a selva de Białowieża. | ||||||||||||||||||
| ||||||||||||||||||
| ||||||||||||||||||
| Bison bonasus | ||||||||||||||||||
| Linné, 1758 | ||||||||||||||||||
O bisont europeu[1] (Bison bonasus (L., 1758)) ye a especie europea de bisont. Plegó a extinguir-se en estato salvache pero a partir d'eixemplars en catividat que proveniban de Polonia y o Caucas lo reintroducioron primero en o Parque Nacional de Białowieża (Polonia) y dimpués en cualques parques nacionals d'Europa centro-oriental.
S'interpreta que nunca no ha estato present en o cabo occidental d'o continent europeu[2] y que arribó en Europa en o Würm IV dende Norteamerica,[2] (ye muit pareixito a Bison bison). Os primers bisonts europeus modernos ocupaban medios ubiertos, por eixemplo en Dinamarca os primers modernos amanixen en o Dryas primerenco y Preboreal (enta 9950 anyos BP) en una tundra con selvetas que cuan se zarroron pa cutio facioron que desapareixesen os bisonts. As citas de Chulio César en Alemanya y Belchica y Fortunatus en a Galia son dubdosas (podrían referir-se en realidat a Bos primigenius, pero sindembargo parlan de grans rabanyos en migración, como fan actualment os bisonts americanos.
O bisont europeu desapareixió de Suiza en o sieglo VIII, de Francia enta o sieglo X, de Rumanía en 1762,[2] d'os países balticos en 1755,[2] d'Alemanya en 1893,[2] en 1919-1921 de Polonia (selva d'a Białowieża),[2] y en 1919-1925 d'o Caucaso.[2]
O 25 d'agosto de 1923 fue fundata a Sociedat Internacional pa a Preservación d'o Bisont, y gracias a la suya labor estió posible a reintroducción d'a especie en o medio natural. A seu d'esta sociedat estió en realidat o Zoo de Francfurt, on trayoron eixemplars de zoolochicos y coleccions privatas sin distinción de subespecies, y tamién d'a reserva de Schorfheide (a lo nor-nord-este de Berlín), agafatos en 1934 gracias a o intrés que despertó en Hermann Göring, que yera chefe d'as organizacions nacionals alemanas de caza. En ixe inte o numero de bisonts yera por o menos de 56. En l'anyo 2004 nomás en Polonia bi heba mes de 600 eixemplars.[3]
En l'anyo 2004 se publicó en os medios de comunicación que o rei d'Espanya Juan Carlos I mató un bisont en o refuchio de Czerwony Dwor en Polonia, estando prohibita a caza d'o bisont, pagando a cantidat de 7.000 euros.[3]
Zoonimia
[editar | modificar o codigo]
En a "la Flor de las Ystorias d'Orient" parlan de Bufles en l'aria d'a Mar Caspia y o Caucas, podrían estar tanto o Bison bonasus como Bubalus bubalis:
Ye dubdoso si parlan de bisonts en o Libro d'el Trasoro u si se refieren a los uros:
En a "Cronica de los Conquiridors" escriben bisont y en plural bisontes u bisontos:
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 2,2 2,3 2,4 2,5 2,6 (es) ARRIBAS, Óscar. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9
- ↑ 3,0 3,1 (es) El Rey mató al "rey de la pradera".
Vinclos externos
[editar | modificar o codigo]
Se veigan as imáchens de Commons sobre Bison bonasus.
Wikispecies tiene un articlo sobre Bison bonasus.
| Control d'autoridaz |
|
|---|
Datos: Q81091- Multimedia: Bison bonasus / Q81091
- Especies: Bison bonasus