Polje
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un polje ye una depresión gran situada en un macizo karstico.
A suya demominación ye presa de luengas eslavas, a on que significa campo, ye muito recurrent en a toponimia (por eixemplo en o toponimo Polska), y tien a mesma radiz indoeuropea que l'aragonés plan, plana y l'anglés field. Polje se lei en serbocroata /polie/. En aragonés d'as comunidaz aragonesas y castellano gosa coincidir, no siempre, con toponimos en nava, porque a vechetación y uso d'o suelo ye diferent.
Tien forma de val luenga, zarrada, con fondón plan, d'escala kilometrica y contornos irregulars.
As suyas marguins son empinadas y i aflora a roca calsinera. I gosa haber rigachuelos que lo trescruzan y pueden desapareixer de sopetón por un forato que fa de sumidero (ponor).
O polje puet estar embadinau temporalment, ser una zona paulenca u tener augua siempre, constituindo un lago, si l'augua superficial rebasa a capacidat de desaugüe d'o ponor.
O fondón, plan, puet estar cubierto de terra rossa, suelo con archila de descalcificación d'a roca calsinera. Gosan estar por ixo vals muito fértils, y muito diferents d'os terrenos calsinosos d'arredol sobre calsineras masivas.
Poljes en a Peninsula Iberica
[editar | modificar o codigo]En o Prepireneu bi ha presencia de Poljes en as Sierras Exteriors, por eixemplo en Abeles y Ciano (Sierra de Guara) y en Saganta[1] y Estanya (Ribagorza Baixa).
En o Sistema Iberico bi ha sectors con poljes por tener amplas zonas calsinosas. En os Monts Universals bi n'ha en a zona de Guadalaviar, Villar d'el Cobo, Fridas d'Albarracín y naixedero d'o Tacho, (en un texto d'a sinyoría d'Albarracín de 1278 se menciona una nava seca cerca d'o Tacho). A l'este d'a fuesa de Teruel bi n'ha en Torrillas, en Mosqueruela y en Fortanet. Un polje de Torrillas se diz La Nava.[2] En Castellot tenemos os poljes La Hoya del Pinar y Llano de Villasecos, sin salida superficial pero con salida subterrania en a surchencia d'o Salto de San Juan.[3]
Un d'os poljes mayors d'a Península Iberica ye o plan de Zafarraya (Granada), en l'interior d'o macizo de Sierra Gorda.
En a Serranía de Ronda destacan por as suyas grans midas os llanos de Líbar, entre os municipios de Benaoján, Montejaque, Cortes de la Frontera y Villanueva del Rosario.
En Cabra bi ha un polje en un puesto dito La nava dentro de lo Parque Natural de las Sierras Subbeticas
En Cantabria son o polje de Matienzo (Ruesga) y o polje que conforma a Val de Liendo en o termin municipal de Liendo, en as desembocaduras de l'Asón y l'Agüera.
Atros poljes
[editar | modificar o codigo]Talment o polje mes extenso siga Livanjsko polje en Bosnia occidental, con 405 km².
Referencias
[editar | modificar o codigo]- ↑ (es) Ánchel Belmonte Ribas, Guía geológica del Pirineo, Editorial Pirineo, 2003.
- ↑ Jose Luís Peña Monne et al. "Geomorfología de la Provincia de Teruel". Instituto de estudios turolenses, 1984.
- ↑ Eduardo Viñuales Cobos (coordinador): Red natural de Aragón. nº 3, Maestrazgo Prames, 2006. pp46
|
|||||||||
