استاد اسكندريه هوه استاد متعدد الاستخدامات موجود فى مدينة اسكندريه فى مصر. الملعب ده دلوقتى بيستعملوه فى ماتشات كورة القدم و استخدم فى بطولة كاس الأمم الافريقيه لكرة القدم 2006 اللى إتعملت فى مصر. الاستاد ده هو اقدم استاد فى مصر و افريقيا حيث انه إتبنى سنة 1929 ، و الاستاد ده بيساع حوالى 20،000 متفرج. و هو بيعتبر الاستاد الرسمى لنادى الاتحاد السكندرى , اللى موقعه فى حى محرم بك. الاستاد ده لما بيكون مليان بجماهير الاتحاد, بيعتبر من اشرس استادات العالم, عشان جماهير الاتحاد مابتحبش الخساره على ارضها. بس برضه شاف لقاءات دولية كتيره على مر السنين. و معروف عنه انه كان اول ملعب فى بلاد جامعة الدول العربيه اتركبت فيه ابراج نور.
