Lisa Blount
Lisa Blount | |
|---|---|
| Vida | |
| Nacimientu | Fayetteville, 1 de xunetu de 1957[1] |
| Nacionalidá |
 Estaos Xuníos |
| Llingua materna | inglés |
| Muerte | Little Rock, 25 d'ochobre de 2010[2] (53 años) |
| Causa de la muerte | enfermedá cardiovascular |
| Familia | |
| Casada con | Ray McKinnon (1998 – 2010) |
| Estudios | |
| Estudios |
Universidad Estatal de Valdosta (es)  Jacksonville High School (en) |
| Llingües falaes | inglés |
| Oficiu | productora de cine, actriz de televisión, actriz de cine, actriz |
| Altor | 1,75 m |
| Premios |
ver
|
| Nominaciones |
ver
|
| IMDb | nm0089408 |
 | |
Lisa Blount (1 de xunetu de 1957, Fayetteville – 25 d'ochobre de 2010, Little Rock) foi una actriz de cine y televisión y productora estauxunidense, gallardoniada en 2001 con un Óscar de Hollywood al meyor curtiumetraxe.
Vida personal
[editar | editar la fonte]Blount nació'l 1 de xunetu de 1957 en Fayetteville, Arkansas, y creció en Jacksonville, tamién nesi Estáu del sur de los EEXX. Dempués de graduase nel Jacksonville High School, Blount estudió teatru en laValdosta State University, y empezó la so carrera como actriz nel cine y la televisión a finales de la década de los 70.
Casóse en dos causes: la primera d'elles con Christopher Tufty, de quien se divorciaría. En 1998 contraería matrimoniu col actor y cineasta Ray McKinnon, con quien coincidiera na película La tienda (1993), na que dambos actuaben, y permaneceríen xuníos hasta la muerte de l'actriz.
El miércoles 27 d'ochobre de 2010, Lisa Blount foi topada muerta na so casa de Little Rock pola so madre.[3]D'alcuerdu a los exámenes forenses, la policía del condáu de Pulaski esplicó a un mediu local, Arkansas Democrat-Gazette que Blount podría morrer unos dos díes enantes del so afayu, según que nun presentaba evidencies que pudieren faer pensar nuna muerte violenta.[4][5]
La madre de l'actriz esplicó a otru mediu, RadarOnline.com, que la so fía sufría d'una enfermedá conocida como Púrpura trombocitopénica idiopática (PTI), na qu'unos niveles baxos de plaquetes favorecen l'apaición de coágulos, hemorraxes y hematomes. Creo qu'eso pudo contribuyir a lo qu'asocedió, pos cuando la atopé ella tenía un aspeutu púrpura nel so pescuezu, que paecía como sangre superficial (I think that might have been part of the problem when she passed away because when I found her she had a purple look on her neck that looked like blood on the surface), declaró Louise Blount.[6]
Trayeutoria
[editar | editar la fonte]El so papel más recordáu ye'l de Linette Pomeroy nel gran ésitu de los 80 An Officer and a Gentleman (An Officer and a Gentleman, 1982). Nesta película, Blount yera l'amiga del personaxe qu'interpretaba Debra Winger, quien caltenía un romance col oficial interpretáu por Richard Gere. Na decada del los 80 participo nun capitulo de la famosa serie de tv LLUZ de LLUNA, nel capitulo "L'home que falaba en suaños". Otros títulos pa la gran pantalla nos qu'intervieno fueron El príncipe de les tiniebles (Prince of Darkness, 1987), de John Carpenter; Gran bola de fueu (Great Balls of Fire, 1989), xunto a Dennis Quaid, Winona Ryder y Alec Baldwin; Blind Fury (1989), acompañando a Rutger Hauer o La tienda (Needful Things, 1993), basada nuna obra de Stephen King, y en que nel so repartu Blount coincidiría con Ed Harris, Max Von Sydow, Bonnie Bedelia o Amanda Plummer.
Blount alternó les sos apaiciones na gran pantalla con intervenciones en diverses series, yá fora en papeles recurrentes o como estrella convidada. Ente les series nes qu'intervieno atópense El autoestopista, Starman, Murder, She Wrote, Picket Fences, The Client o La xuez Amy. Un papel destacable de Blount nesti mediu sería'l de Bobbi Stakowski, madrasca de Jim Profit en Profit, serie de la cadena Fox de curtia vida (1996-1997), pero reconocida pola crítica americana.
Na so última década, Blount empezara a desenvolver una actividá como productora, llegando a recoyer en 2002 un Premiu Óscar de Hollywood al Meyor Curtiumetraxe (Academy Award for Live Action Short Film) por The Accountant (2001), que recoyó al pie del so home'l cineasta Ray McKinnon. En 2004, Blount produció y actuó na película Chrystal, na que tuvo acompañada d'otru actor natural d'Arkansas, Billy Bob Thornton.
Filmografia escoyida
[editar | editar la fonte]Cine
- September 30, 1955 (1977)
- The Swap (1979)
- Muertos y soterraos (1981)
- An Officer and a Gentleman (1982)
- Suaños radioactivos (1984)
- Cut and Run (1985)
- Annihilator (1986)
- El príncipe de les tiniebles (1987)
- South of Reno (1988)
- Out Cold (1989)
- Gran bola de fueu (1989)
- Blind Fury (1989)
- Femme Fatale (1991)
- La tienda (1993)
- Stalked (1994)
- Box of Moon Light (1996)
- If...Dog...Rabbit... (1999)
- Birdseye (2002)
- Chrystal (2004)
- Randy and the Mob (2007)
Televisión
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.arkansasbusiness.com/article.aspx?aID=124320.54928.136461.
- ↑ [http://latimesblogs. latimes.com/afterword/2010/10/actress-llisa-blount-memorable-for-officer-and-a-gentleman-found-dead-at-53.html "Actress Lisa Blount, memorable for 'An Officer and a Gentleman', is found dead at 53"], Los Angeles Times. 27 d'ochobre de 2010
- ↑ "Óscar-winning actress Lisa Blount dies at 53", Arkansas Democrat-Gazette. October 27, 2010
- ↑ "Lisa Blount Found Dead on Wednesday", The News of Today
- ↑ «[http://www.radaronline.com/esclusives/2010/10/exclusive- interview-officer-and-a-gentleman-star-llisa-blount-lived-excruciating "EXCLUSIVE INTERVIEW: An Officer And A Gentleman Star Lisa Blount Lived In Excruciating Pain, Says Mom"]».
