Castroviejo
 Castroviejo | |
|---|---|
 | |
| Alministración | |
| País |  España |
| Autonomía |  La Rioxa |
| Tipu d'entidá | conceyu de La Rioxa |
Alcalde de Castroviejo (es)  | José Domingo Ceniceros Lacalle |
| Nome oficial | Castroviejo (es)[1] |
| Códigu postal |
26315 |
| Xeografía | |
| Coordenaes | 42°19′47″N 2°39′42″W / 42.329722222222°N 2.6616666666667°O |
  Castroviejo Castroviejo (España) | |
| Superficie | 20.75 km² |
| Altitú | 949 m |
| Llenda con | Arenzana de Arriba, Bezares, Santa Coloma, Nestares, Torrecilla en Cameros, Pedroso, Ledesma de la Cogolla y Camprovín |
| Demografía | |
| Población |
62 hab. (2023) - 33 homes (2019) - 21 muyeres (2019) |
| Porcentaxe | 0.02% de La Rioxa |
| Densidá | 2,99 hab/km² |
| Más información | |
| Estaya horaria | UTC+01:00 |
 | |
Castroviejo ye un conceyu de la comunidá autónoma de La Rioxa (España). Asitiáu a 15 km de Nájera y 34 de Logroño aproximao, ye unu de los llugares más apacibles del valle del ríu Yalde; la so escasa población y el redolada montiega que la arredola faen d'esta villa un remanso de paz.
Historia
[editar | editar la fonte]Castroviejo ye ricu en xacimientos arqueolóxicos que se remonten a la Prehistoria. Na aguada sur y sureste del Serradoriu abonden les cueves naturales qu'apurren una secuencia ocupacional que, dende'l Paleolíticu Mediu y Superior, algama'l Neolíticu y les primeres fases de la Edá del Fierro. Sicasí, nun s'atoparon restos que dexen una carauterización específica.
Tampoco se conocen afayos adscritos a dómina celtibérica y romana, magar l'alta concentración de xacimientos d'estos periodos, cuantimás en redol a la ciudá de Tricio, el centru alfareru de mayor desenvolvimientu na Hispania Romana dende mediaos del s. I hasta'l s. IV. Ye induldable que Castroviejo tuvo de xugar un papel importante como abastecedor de combustible (lleña), de magre y agua.
Nel cume del Cuetu del Campu queda una construcción cuadrangular que podría tratase d'un castiellu en roqueru, d'aspeutu similar al de Clavijo. Seique sía'l castiellu de Castroviejo al qu'aluden les fontes lliteraries y onde sufrió presidiu Fernán González tres la so derrota en Cirueña frente a les tropes navarres nel añu 960. Nestos momentos la Rioxa Alta formaba parte del reinu de Navarra.
Amás esisten nesti mesmu llugar enterramientos medievales qu'esplicaría'l nome que recibe anguaño, Ermita Vieya. Podría tratase del monesteriu nel que vivieron les santes Nunilo y Alodia. Na documentación medieval caltenida cítense dacuando dellos personaxes de la llocalidá en calidá de testigos en documentos públicos.[2]
Demografía
[editar | editar la fonte]El conceyu, que tien una superficie de 20,75 km²,[3] cuenta según el padrón municipal pa 2017 del INE con 55 habitantes y una densidá de 2,65 hab./km².
| Gráfica d'evolución demográfica de Castroviejo ente 1842 y 2017 |
 |
|
Población de derechu según los censos de población del INE.[4] Población según el padrón municipal de 2017.[5] |
Economía
[editar | editar la fonte]Evolución de la delda viva
[editar | editar la fonte]El conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.
| Gráfica d'evolución de la delda viva del conceyu ente 2008 y 2014 |
 |
|
Delda viva del conceyu en miles d'Euros según datos del Ministeriu de Facienda y Ad. Públiques.[6] |
La delda viva municipal per habitante en 2014 xubía a 0 €.[7]
Patrimoniu
[editar | editar la fonte]
- Ilesia de San Ildefonso: Del sieglu XVII.
- Ermita de les Santines: (Nunilo y Alodia) del sieglu XVI.
Redolada
[editar | editar la fonte]
La redolada natural ye bien variáu. Nes proximidaes del nucleu urbanu concéntrense los espacios cultivaos, que van sumiendo a midida que internamos nel interior serranu y son reemplazaos por importantes estensiones de carbes y monte. Ente les sos mases forestales cabo destacar los montes mistos de ribera, chopos, sauces, omeros, zrezales, fresnos. En zones más altes atopamos rebollares. Pero ensin batura a duldes, los montes más interesantes son los fayedales, que pueblen les fasteres meyor espuestes, ellí onde s'enllanquen les nubes y atopen bones condiciones de mugor. D'especial relevancia ye la presencia de numberosos texos nes proximidaes del ribayu de los Pinos, cerca del términu conocíu como'l Texu. La repoblación de pinu laricio ye bien importante na zona. Los espacios dedicaos a camperes anguaño ocupen un llugar marxinal.[2]
Presa del ríu Yalde
[editar | editar la fonte]
Rematada en xunu de 2004.[8] Esti proyeutu data de finales de los años ochenta. Consiste nuna presa de 55,5 metros d'altor sobre cimientos, ente Castroviejo y Santa Coloma para embalsar 3,5 anque regula un volume de 5,2 hectómetros cúbicos añales.
Asegura'l suministru d'agua de mesa de les poblaciones de la cuenca del Yalde (1 Hm3); consolida los regadíos de la cuenca del Yalde y Airosa, Uruñuela y Cenicero (3,13 Hm3) pa 777 hectárees; y pa caltener "el caudal ecolóxicu" del ríu Yalde destínase 0,85 Hm3.[2]
Ver tamién
[editar | editar la fonte]Referencies
[editar | editar la fonte]- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ 2,0 2,1 2,2 www.vallenajerilla.com (ed.): «Castroviejo». Consultáu'l 27 de xunu de 2010.
- ↑ Institutu Nacional d'Estadística (ed.): «Población, superficie y densidá por conceyos.». Archiváu dende l'orixinal, el 21 de setiembre de 2013.
- ↑ «Cifres de población y Censos demográficos». Archiváu dende l'orixinal, el 2015-05-26.
- ↑ Institutu Nacional d'Estadística (ed.): «Nomenclátor: Población del Padrón Continuo por Unidad Poblacional».
- ↑ Delda Viva de les Entidaes Llocales
- ↑ División de la delda viva de 2014 (datu del Facienda y Alministraciones Públiques, Delda Viva de les Entidaes Llocales Archiváu 2019-08-16 en Wayback Machine) ente'l númberu d'habitantes del conceyu d'esi mesmu añu (datu del Institutu Nacional d'Estadística, Nomenclátor: Población del Padrón Continuo por Unidad Poblacional).
- ↑ Sociedá Española de Preses y Banzaos
Enllaces esternos
[editar | editar la fonte]
Wikimedia Commons acueye conteníu multimedia sobre Castroviejo.
Datos: Q1647672- Multimedia: Castroviejo