Ciguñuela

Ciguñuela
Alministración
País	España
Autonomía	Castiella y Lleón
Provincia	provincia de Valladolid
Partíu xudicial	Valladolid
Tipu d'entidá	conceyu d'España
Nome oficial	Ciguñuela (es)
Códigu postal	47191
Xeografía
Coordenaes	41°38′26″N 4°51′25″W / 41.640555555556°N 4.8569444444444°O
	Ciguñuela Ciguñuela (España)
Superficie	30.4 km²
Altitú	698 m
Llenda con	Wamba, Villanubla, Zaratán, Arroyo de la Encomienda, Simancas, Robladillo, Valladolid y Torrelobatón
Demografía
Población	356 hab. (2023); - 194 homes (2019); - 175 muyeres (2019)
Porcentaxe	0.07% de provincia de Valladolid
Densidá	11,71 hab/km²
	cigunuela.es

Ciguñuela ye un conceyu d'España, na provincia de Valladolid (a 12 km de la capital),na comunidá autónoma de Castiella y Lleón. Tien una superficie de 30,40 km² con una población de 384 habitantes (2016) y una densidá de 13,30 hab/km².

Llocalidá asitiada nel Camín de Santiago de Madrid.

Historia

Vista panorámica de la llocalidá, segunda metá del sieglu XX.

Imaxe d'una cai del conceyu, segunda metá del sieglu XX.

A principios del sieglu XX tenía unos 650 habitantes.^[2]

El 21 de xineru de 1916 una disputa ente dos families engarraes acabó con trés muertos y dellos mancaos.^[2]

Economía

Los sos habitantes dedíquense a l'agricultura (cultivos de trigu y cebada), ganadería y sector servicios. El paisaxe de Ciguñuela ye típicamente castellanu. Anchos pandoriales, con una variación del color que va dende'l verde al mariellu según la estación del añu en que s'atope.

Flora y fauna

Al pie de los pandoriales y cultivos yá enantes mentaos, esisten pinos comunes, que son l'abelugu d'animales como la perdiz, la falpayar, la llebre o'l coneyu.

Demografía

Evolución demográfica de Ciguñuela
1991	1996	2001	2004	2008	2014
368	368	388	381	385	387
(Fonte: INE)

Edificios singulares

Cai de Ciguñuela, al fondu repara la ilesia del pueblu.

La ilesia de San Ginés ye'l so monumentu más emblemáticu. Ye l'edificiu más altu del pueblu, y foi construyida nel sieglu XVI. Nel so día sirvió pa comunicase cola talaya de Simancas o colos Castiellos de Peñaflor y Castromonte.

Dientro de la ilesia atopa'l Cristu del Humilladero, obra anónima, atribuyida n'ocasiones a Gil de Siloe, que data del sieglu XV. Formó parte d'esposiciones como "Les Edaes del Home".

El retablu mayor, del sieglu XVI, ye d'Esteban Xordán.

Otros edificios importantes son la ermita del Humilladero, la Plaza Mayor, onde s'atopa'l Conceyu, el Parque o la Caseta de los Cazadores.

El pueblu dispón tamién d'una ludoteca, archivu etnográficu, casa rural, oficina de turismu, centru médicu y telecentro; ente otros.

Festividaes

El día de San Ginés, patrón de la llocalidá, celébrase'l 25 d'agostu.

Camín de Santiago

El camín de Santiago na so ruta dende Madrid pasa por Ciguñuela. La llocalidá ta a 460 km de Santiago y dispón d'un albergue pa pelegrinos.

Personaxes célebres

Nesta llocalidá nació'l maestru de primera enseñanza Dióscoro Galindo, fusiláu n'agostu de 1936 xunto al poeta Federico García Lorca nel ribayu de Víznar.^[3] Taba destináu en Pulianas cuando foi executáu pola so ideoloxía republicana progresista.