Johann Heinrich Pestalozzi

Johann Heinrich Pestalozzi
profesor
Vida
Nacimientu	Zúrich, 12 de xineru de 1746
Nacionalidá	Suiza
Muerte	Brugg (es) , 17 de febreru de 1827 (81 años)
Sepultura	Birr (es)
Causa de la muerte	cáncanu
Familia
Casáu con	Anna Pestalozzi
Estudios
Estudios	Universidá de Zúrich
Llingües falaes	francés alemán
Alumnu de	Johann Rudolf Tschiffeli
Profesor de	Allan Kardec Friedrich Fröbel (es) Louis-Vincent Tardent Peter Kaiser
Oficiu	pedagogu, filántropu, filósofu, políticu, escritor, agricultor, profesor
Emplegadores	Universidá de Zúrich
Influyencies	Jean-Jacques Rousseau
Miembru de	Allumaos de Baviera Academia de les Ciencies de Baviera Helvetic Society (en)

Johann Heinrich Pestalozzi (12 de xineru de 1746, Zúrich – 17 de febreru de 1827, Brugg ^(es) ) foi un pedagogu, filántropu, filósofu, políticu, escritor, agricultor y profesor de Suiza. J.H. Pestalozzi foi ún de los primeros pensadores que somos nomar como pedagogu nel sen modernu de la pallabra, yá que se pue dicir que los había dende les dómines de Confucio.

Biografía

So pá yera ciruxanu de profesión y morrió cuando Pestalozzi tovía yera perpequeñu. So ma curiólu dende entós y la so familia aprobeció. La so perdifícil situación esforciólu aínda más na so infancia y mocedá. La so adolescencia averólu na conocencia de la realidá social, teniendo de lluchar muncho pa facese un llugar nuna sociedá separtada ente los nobles y los plebeyos. A lo llargo d'esi tiempu, recibió una educación relixosa protestante, anque él siempres curiaba que yera cristianu, ensin definise per nenguna relixón.

Depués de la llectura del Emilio, o De la educación, de Rousseau, Pestalozzi dexóse influyir pol movimientu Naturalista y tornóse revolucionariu, xuntándose a los que criticaben la situación política del estáu. Na Universidá de Zurique asocióse al poeta Lavater nun grupu de reformistes. Emplegó abondu tiempu en lluches polítiques, pero cola muerte del so collaciu y políticu Bluntschli, nel añu 1781, dexó'l partíu pa dedicase dafechu a la educación.

Casóse a los 23 años y mercó un migayín de tierra, pero'l fracasu fo abondo, teniéndolo de dexar. De la so casa fizo una escuela. Escribió Les Hores Nocherniegues d'un Ermitañu en 1780, arrexuntando una riestra de pensamientos y reflexiones. A esti llibru siguiólu la so obra Lleonardu y Xertrudis de 1781, un cuentu onde narra la reforma fecha primero nuna casa, depués nuna aldega, collecha del trabayu d'una bona muyer. La obra algamó la fama n'Alemaña, y Pestalozzi dexó l'anonimatu.

L'horror la guerra: naz el "Métodu Pestalozzi"

La invasión francesa de Suiza nel 1798 fizo surdir el so calter heroicu. Abondos neños diben d'un llau a otru nel Cantón d'Unterwalden, nos márxenes del Llagu de Lucerna, ensin casa, comida o abellugu.Pestalozzi' xuntó a munchos d'ellos nun conventu n'estáu d'abandonu. y pergastó les sos enerxíes na so educación. Nel iviernu curiaba de mena personal d'ellos con devoción a esgaya pero, en xunu de 1799, l'edificiu fo requisao polos franceses pa construyir un hospital, esfarrapando la so llabor.

En 1801 Pestalozzi arrexuntó les sos idees al rodiu la educación nun llibru entitulao Como Xertrudis deprende a los sos neños. Fala del so métodu pedagóxicu, de dir de lo fácil y cenciellu a los perdifícil y complexu.

En 1799 llogró permisu pa entamar con una escuela en Burgdof, onde trabayó hasta 1804. En 1802 fo como diputáu a París, lluchando porque Napoleón s'interesare nun sistema nacional d'educación primaria. El conquistador díxo-y que nun taba pa perder el tiempu col alfabetu.

La escuela

En 1805 coló pa Yverdon, nel Llagu Neuchâtel, y per venti años dedicóse al so trabayu desiguío. Ellí yera visitáu por tolos que s'interesaben pola educación. En 1815 van surdir diferencies estremaes ente los profesores de la so escuela, siendo los caberos diez años de trabayu enllenos de tristura. En 1825 fo vivir a Neuhof. Escribió les sos memories y l'últimu trabayu, El Canciu del Cisne, morriendo en Brugg.

Pedagoxía Naturalista

Fo un gran almirador de Rouseau, poniendo en práutica el Naturalismo. Asina, nun deprendió a lleer a los sos fíos hasta los 11 años.

Dexóse empobinar pol so espíritu humanitariu, trabayando pal pueblu, pa los probes. D'esta miente, creó la escuela popular, dirixida a tol mundiu, alimentada nun calter social, non pública nin institucional.

Pa él, el nucleu dafechu de la educación asítiase na familia, tres la que ta la escuela y el mediu vital y social.

Un Métodu: Intuición Global

Pestalozzi

Cuidaba que la mecanización de la enseñanza atopábase na búsqueda d'un Métodu. Ésti taba nel valor de la intuición y na perceición global.

Cuido que nun se pue suañar con llograr el progresu na instrucción del pueblu mentanto nun s’atope menes d'enseñanza que falen del maestru, polo menos hasta la fin de los estudios elementales. Algamar el cenciellu instrumentu mecánicu d'un métodu que debe los sos resultaos a la naturaleza de los sos procedimientos, y non a l'habilidá d'aquel que lu prautica.

El so métodu taba afincáu nestos pegoyos:

1. ’’’Forma’’’ (observar, midir, debuxar y escribir): Deprende-yos a estremar la forma de cada oxetu, les sos dimensiones y proporciones. ‘’’¿Cuála ye la so forma?’’’.
   Enanchar la memoria de los neños con esplicaciones cencielles d'oxetos y materiales.
   Deprende-yos a describir y a decatase de les sos perceiciones.
   Deprender a los neños, al traviés del dibuxu, a midir tolos oxetos que ten delantre los sos güeyos y algamar les habilidaes pa reproducilos. ‘’’Pestalozzi’’’ camentaba que los neños exercitaben la escritura col debuxu.
2. ’’’Númberu’’’ (rellaciones métriques y numbériques): Deprender a los neños a considerar caún de los oxetos que se-yos da a conocer como unidá, separtándolo d'aquellos colos qu'apaez asociáu. ‘’’¿Cuántos hai?’’’ Emplegando tables con lletres, acumulaes de 1 en 1 pa que’l neñu supiere la rellación de los númberos, de mla que deprende les lletres.
   Dir de les coses más cencielles a les más complicaes.
3. ’’’Nome’’’: Avezalos dende bien neños del conxuntu de pallabres y de nomes de tolos oxetos de los que tien conocencia. ‘’’¿Cómo se nomen?’’’.

El métodu de ‘’’Pestalozzi’’’ ye un métodu lóxicu, basáu na conceición “analítica y sistemática del so deprendizaxe.

Finalidá de la Educación

Pestalozzi y los güérfanos de Stans

• Llograr que l'home llegue a la perfeición (desendolcando les capacidaes humanes).
• La humanización del home ye la fin de la educación.
• Triple actividá:
  • Espíritu: vida intelectual.
  • Corazón: vida moral.
  • Mano: vida práutica.
• La educación sigue l'esporpolle de la Humanidá.
• El camín que tien de siguir la educación:
  • Ser instintivu, faese responsable la familia: educación familiar.
  • Ser social, faese resposable l'Estáu: educación escolar.
  • Ser moral, faese responsable la Humanidá: educación moral y social.
• Dába-y un calter perfavoratible a la educación relixosa, siempres que nun fuere dogmática y confesional.

Función Social na Educación: L'oxetivu yera integrar a los neños de recursos amenorgaos a la vida social, al travies del deprendizaxe d'un oficiu. Camentaba que los mesmos alumnos seríen los educadores nel futuru.

Exerciciu del docente: L'educador nun s'espeyaba na imaxe del autoritarismu. Nesti sen, el docente tien d'ufiertar los sos servicios a les necesidaes del alumnu.

Conceutu d'alumnu: Hai de sofitar les capacidaes del neñu.

Papel de la escuela: Taba perafitada la enseñanza d'un trabayu dientro del establecimientu escolar, asina más qu'escuela yera taller.

Conceutu de los valores: El cimeru valor yera'l de la educación igualitaria, deprender a xente marxinao. Confiaba dafechu na educación popular.

Aspeutos Xenerales de la Educación

• Pon en práutica el métodu de deprender a unos al traviés d'otros, debíu al gran númberu de neños.
• El deprendizaxe de dambos sexos (coeducación).
• Importancia de la educación creativa y productiva.
• Deprendizaxe de moral y relixón, que se tien d'entamar na familia.
• Cuidar que les rellaciones afeutives ente ma y fíos condicionen a esti a algamar sentimientos de bondá y amor d'una mena seliquino.
• Deprendizaxe Social: tien d'entamase na familia y siguise na escuela.
• La práutica de la escuela-trabayu, meciendo'l deprendizaxe de la llectura, escritura, cálculu, dibuxu, moral y relixón coles actividaes agrícoles.

La Educación Preescolar

epitafiu

1. Dába-y muncha importancia al desarrollu del neñu.
2. Punxo en práutica l'entamu d'esperiencies y actividaes al travies del xuegu.
3. Valoró les actividaes llibres feches polos neños.
4. Punxo munchu puxu na exercitación d'actividaes manuales.
5. Cuidó que la exercitación nel dibuxu meyoraría l'emplegu la mano, sirviéndo-y de base pa la escritura.
6. Exercitó'l llinguax al traviés de la conversación cenciella, pa depués deprender a lleer.
7. Punxu munchu procuru nos exercicios corporales mecíos colos cancios.
8. Camentó que'l desendolque de los neños nos primeros intres tien de ser na familia.
9. Dio-y importancia a l'afeutividá dende la nacencia del neñu.
10. Destacó'l desendolque social del neñu, de mano na familia pa depués facelo na escuela.
11. Entamó la idea de facer instituciones p'atender a los neños ensin recursos económicos.

Obres

Dalgunes de les sos obres más importantes son:

• Vixilia d'un solitariu (1780)
• Una fueya suiza (1782). Ye una revista fecha por Pestalozzi.
• Les mios indagaciones al respeutu'l procesu la naturaleza nel desarrollu de la humanidá(1797)
• Cómo Xertrudis deprende a los sos fios (1801)
• Llibru de les mas (1803)
• Carta a un collaciu sobre la mio estancia en Stans (1807)
• Al bon talante, la seriedá y la fidalguía de la mio dómina y de la mio patria (1815)
• Cartes sobre educación infantil (1819)
• El canciu del cisne y los destinos de la mio vida (1826)
• Epístola a Friné sobre la amistá (1782)

Los trabayos completos de Pestalozzi fueron espublizaos en Stuttgart en 1819, 1826, nuna edición preparada por Seyffarth apaecida en Berlín en 1881.

Enllaces esternos

• Wikimedia Commons tien conteníu multimedia tocante a Johann Heinrich Pestalozzi.
• Llibru sobre Pestalozzi. Biblioteca Grandes Educadores d'Editorial MAD Eduforma Archiváu 2007-08-28 en Wayback Machine
• Asociación Pestalozzi de Niterói Archiváu 2011-09-18 en Wayback Machine
• Escuela Nueva Archiváu 2004-09-11 en Wayback Machine

• Datos: Q105428
• Multimedia: Johann Heinrich Pestalozzi