PALOP

PALOP ye un acrónimu que designa a los países africanos que la so llingua oficial ye'l portugués (del portugués Países Africanos de Língua Oficial Portuguesa). Ye un grupu formáu por seis países lusófonos africanos nel añu 1996, cinco de los cualos fueron colonies de Portugal en África, que llograron la so independencia ente 1974 y 1975 y l'otru ye Guinea Ecuatorial, qu'en 2007 adoptó l'idioma portugués como una de les llingües oficiales del país.

Esta comunidá de países pertenez, de la mesma, a la Comunidá de Países de Llingua Portuguesa (CPLP), y robló protocolos d'intercambiu con Portugal nos campos de la cultura, la educación, el fomentu y el caltenimientu de la llingua portuguesa.

Miembros

Angola (idiomes: portugués y llingües bantús).
Cabu Verde (idiomes: portugués y criollu caboverdianu).
Guinea-Bisáu (idiomes: portugués y criollu de Guinea-Bisáu).
Mozambique (idiomes: portugués. Nesti país fálense diverses llingües natives, toes de la gran familia de llingües bantús, les principales de les cualos son: macua, falada pol 26,3% de la población, tsonga (11,4%), elomwe (7,9%), shona, ronga, echuwabo, ñanya, chope, bitonga, sena, ñungwe, ekoti, ciyao, maconde y mwani. Tamién, nel norte del país fálase suaḥili).
Santu Tomé y Príncipe (idiomes: portugués y fang).
Guinea Ecuatorial (idiomes: castellán o español y francés. Ente los idiomes autóctonos, fálense'l fang, el bubi, y otres llingües bantús que, xuntes, constitúin la llingua materna de la mayor parte de la población. El portugués ye una llingua oficial, por intereses económicos y comerciales, pero nun ye falada pola población, yá que l'últimu país européu en colonizalo foi España, a partir de 1778).

Ver tamién

Imperiu portugués

Referencies

Enllaces esternos