Postoina

Postoina
Alministración
País	Eslovenia
Municipio (es)	Municipalidad del Postojina (es)
Tipu d'entidá	ciudá
Nome oficial	Postojna (sl)
Nome llocal	Postojna (sl)
Códigu postal	6230
Xeografía
Coordenaes	45°46′28″N 14°12′55″E / 45.77435°N 14.21528°E
	Postoina Postoina (Eslovenia)
Superficie	269.9 km²
Altitú	554 m y 556,4 m
Demografía
Población	9605 hab. (1r xineru 2020); - 4831 homes (1r xineru 2020); - 4774 muyeres (1r xineru 2020)
Porcentaxe	100% de Municipalidad del Postojina (es)
Densidá	35,59 hab/km²
Más información
Prefixu telefónicu	05
Estaya horaria	Hora central europea ; UTC+01:00 (horariu estándar); UTC+02:00 (horariu de branu)
	postojna.si

Postoina (eslovenu: Postojna, alemán: Adelsberg, italianu: Postumia) ye una ciudá y conceyu del suroeste d'Eslovenia, con una población de 14.581 habitantes (2002). Falta unos 50 km de la capital, Liubliana a metá de camín escontra'l mar Adriáticu. Postojna ye conocida sobremanera poles sos cueves, que tienen un llargor de 20 km, y el Castiellu Predjama (Predjamski Grad).

Rellacionáu con estes cueves ta l'Institutu del relieve cársticu o cársico, que pertenez a l'Academia de les Ciencies d'Eslovenia, y sito nun edificiu históricu na plaza del mercáu de Postojna. La so publicación periódica, "Acta Carsologica", tien un prestíu mundial.

Tamién rellacionáu col Karst (n'italianu Carso), el muséu Notranjski muzej Postojna caltién afayos arqueolóxicos, históricos y xeolóxicos de primer orde.

La so situación xeográfica, a metá de camín escontra centros turísticos de la mariña d'Istria, y xunto a l'autopista, dexa faer una parada de descansu, les temperatures branices son más prestoses que na mariña, por causa del altor. Esiste un gran cámping.

Historia

Siempres tuvo na exa de comunicaciones terrestres que xunía Viena, Maribor, Liubliana y Trieste, constituyendo la única salida al mar nel Imperiu austrohúngaru. El cosmopolotismo de l'antigua monarquía habsbúrgica y el bienestar de la mesma refléxase nel fechu de que, yá en 1820, desenvolviérase una protoindustria turística en redol a la cueva. Cola construcción del ferrocarril ente Viena y Trieste Postojna dispunxo d'una estación que dexó multiplicar por cuatro la cifra de visitantes. D'esta miente la ciudá cunta con una de les infraestructures turístiques más antigües del mundu.

Tres la Primer Guerra Mundial, Postoina, como tola zona del Mariña eslovena, perteneció a Italia (ente 1918 y 1945). A lo llargo d'esta zona fronteriza, l'exércitu italianu construyó numberosos Bunker y munches cueves fueron interconectaes por aciu túneles. Tres la II Guerra Mundial, la ciudá pasó a formar parte de la República Federativa de Yugoslavia. Dende la década de 1980 visiten la Cueva de Postoina (n'eslovenu Postojnska jama) un millón de turistes al añu.

Weblinks

Páxina oficial de Postoina (eslovenu, inglés ya italianu)
Karst Research Institute (eslovenu, inglés)
Notranjski muzej Postojna (eslovenu, inglés)
Cueves de Postoina (inglés)

Referencies

Enllaces esternos

Wikimedia Commons tien conteníu multimedia tocante a Postoina.