Primer República Francesa

	estáu desapaecíu
Bandera de Francia
Himnu nacional	La Marsellesa;
Alministración
Nome oficial	Première République (fr)
Capital	París
Forma de gobiernu	República parllamentaria ; sistema directorial (es) (de 26 ochobre 1795 a 9 payares 1799); Triunviratu (dende 10 payares 1799)
Llingües oficiales	francés
Xeografía
Coordenaes	48°51′55″N 2°19′38″E / 48.8653°N 2.3272°E
Economía
Moneda	asignado (es) , libra francesa (es) y franco francés (es)

La Primer República Francesa, oficialmente la República Francesa (en francés: Republique française) foi'l nome dau a una serie de rexímenes parllamentarios y republicanos que s'asocedieron ente'l 21 de setiembre de 1792 y el 18 de mayu de 1804, mientres la Revolución francesa. Empezó oficialmente'l día que los diputaos de la Convención nacional aprobaron l'abolición de la monarquía, confirmando asina la destitución del rei Lluis XVI que fuera suspendíu nel intre de la Xornada del 10 d'agostu de 1792. Duró un total de doce años, hasta l'establecimientu del Primer Imperiu francés por Napoleón Bonaparte en mayu de 1804.

Gobiernos

La Primer República pasó por trés formes de gobiernu mientres los sos dolce años d'esistencia:^[1]

La Convención Nacional, ente 1792 y 1795, con un gobiernu girondino primeru y unu xacobín dempués, conocíu como El Terror, siendo'l líder más conocíu d'esta última etapa Maximilien Robespierre. El periodu que s'empecipia a partir de la so cayida lleva'l nome de Convención termidoriana, y defínese pola so antijacobinismo, la vuelta al poder de los girondinos y de los republicanos moderaos, la presión de los monárquicos y la vuelta a una economía de corte más lliberal.
El Directoriu, ente 1795 y 1799, de calter más moderáu. Carauterizáu poles victories militares del exércitu de la República, una grave crisis económica y les disensiones ente los Direutores, que llinden la so capacidá pa gobernar.
El Consuláu, ente'l 10 de payares de 1799 y 18 de mayu de 1804: creáu a raigañu del golpe d'Estáu del 18 de Brumario y definíu pola Constitución del añu VIII, termina dempués de la coronación de Napoleón Bonaparte y l'establecimientu del Primer Imperiu francés. Na Constitución del añu XII, ta claro que'l gobiernu de la República ye exercíu por un emperador hereditariu. El nome "República francesa" sume pasu ente pasu en beneficiu de "Imperiu francés".

↑ «La France et la République» (francés) páx. 4. Ligue des droits de l'Homme (xineru de 2011). Consultáu'l 24 de xunetu de 2016.