Rhys Ifans

Rhys Ifans
Vida
Nacimientu	Hwlffordd, 22 de xunetu de 1967 (57 años)
Nacionalidá	Reinu Xuníu ; Gales
Residencia	Londres
Familia
Pareyes	Anna Friel; Sienna Miller
Hermanos/es	Llŷr Ifans
Estudios
Estudios	Guildhall School of Music and Drama (es) ; Ysgol Maes Garmon (en) ; Real Academia Escocesa (es)
Llingües falaes	inglés
Oficiu	actor de teatru, actor de cine, actor, actor de televisión, músicu
Premios	ver Premios BAFTA (2005) ;
Xéneru artísticu	Comedia; melodrama
IMDb	nm0406975

Rhys Ifans (nacíu como Rhys Owain Evans,^[3] en Haverfordwest, Gales, el 22 de xunetu de 1967)^[4] ye un actor británicu de cine y televisión. Ganador del BAFTA al meyor actor de televisión.^[5] Participó en películes como Notting Hill (1999), Little Nicky (2000), Hannibal Rising (2007), Nanny McPhee and the Big Bang (2010), Harry Potter and the Deathly Hallows: Part I (2010)^[6] o The Amazing Spider-Man (2012).

Biografía

Rhys Ifans nació en Haverfordwest (Gales).^[7] Ye fíu de Beti Wyn (maestra de parvulario na Ysgol Pentrecelyn School) y de Erwin Evans (profesor d'enseñanza primaria). La so llingua materna ye'l galés y él dixo qu'empezó a usar la ortografía de dichu idioma nel so nome artísticu una y bones el so apellíu Evans en galés pronúnciase Ifans.^[7]

Creció nel pueblu de Ruthin, nel norte de Gales, y recibió la so educación primaria na Ysgol Pentrecelyn School, onde la so madre trabayaba como profesora.^[8] De siguío asistió a la Ysgol Maes Garmon, un institutu d'enseñanza secundaria en Mold, Flintshire. Finalmente tamién cursó estudios na Royal Scottish Academy.^[9]

Carrera

Ifans consiguió'l so primer papel relevante na taquillera comedia romántica Notting Hill (1999), protagonizada por Julia Roberts y Hugh Grant na qu'interpretaba a Spike, l'amigu d'esti postreru, la so participación valió-y una nominación a los BAFTA al meyor actor de repartu y a los Satellite Award al meyor actor de repartu Musical o comedia.^[10]^[5] Yá nos años 2000 participó en películes como The Replacements (2000) con Keanu Reeves y Gene Hackman; na esitosa comedia Little Nicky (2000) con Adam Sandler o na comedia Human Nature (2001) con Tim Robbins.

Participó en papeles pequeños o secundarios en películes como The Shipping News (2001), protagonizada por Kevin Spacey, en Vanity Fair (2004) xunto a Reese Witherspoon; en 2004 protagonizó una película pa la televisión titulada Not Only But Always y que-y supunxo'l so primer BAFTA na categoría de meyor actor de televisión.^[5] Depués, participó como un maniáticu obsesivu na película Enduring Love colos actores Daniel Craig y Samantha Morton. Más tarde emprestó la so voz a la película española El suañu d'una nueche de San Xuan (2005) y na secuela Garfield: A Tail of Two Kitties. Per otru llau apaeció na fracasada precuela Hannibal Rising (2007) y na cinta de dómina protagonizada por Cate Blanchett Elizabeth: The Golden Age (2007), que llogró dos nominaciones a los Óscar.^[11]^[12]

Tamién en 2005 protagonizó, xunto a los hermanos Gallagher (Oasis), el videu del cantar The importance of being idle, del álbum Don't believe the truth.

Ifans atropa numberosos proyeutos nel añu 2010, como Mr. Nice (2010) na que participen los españoles Luis Tosar y Elsa Pataky; la secuela titulada Nanny McPhee and the Big Bang (2010), na qu'interpreta al villanu de la película, protagonizada por Emma Thompson. Apaez na súperproducción Harry Potter and the Deathly Hallows: part I interpretando a Xenophilius Lovegood.^[13] Amás va protagonizar xunto a Mickey Rourke, Bill Murray y Megan Fox el thriller Passion Play (2010).Tamién foi'l protagonista principal de la película Anonymous (2011) encarnando a Edward de Vere (de mayor), XVII Conde de Oxford, como "supuestu" auténticu autor de les obres de William Shakespeare nuna versión ficticia de la so vida.

En 2014 apaez nel drama románticu Sele, xunto con Bradley Cooper y Jennifer Lawrence. En 2015 rodó Snowden, película empobinada por Oliver Stone sobre la vida d'Edward Snowden. El so, hasta'l momentu, últimu proyeutu ye la versión cinematográfica d'Alicia al traviés del Espeyu (2016), xunto con Johnny Depp y Mia Wasikowska.

Filmografía

Filmografía destacada en cine y televisión

Añu	Película/Serie
1999	Notting Hill
2000	The Replacements
2000	Little Nicky
2001	Formula 51
2001	The Shipping News
2003	Danny Deckchair - (L'amor ta nel aire)
2004	Vanity Fair
	Not Only But Always (TV)
	Enduring Love
2005	Chromophobia
2006	Garfield: A Tail of Two Kitties
2007	Hannibal Rising
	Elizabeth: The Golden Age
	Four Last Songs
2009	The Boat That Rocked
2010	Mr. Nice
	Mr. Nobody
	Nanny McPhee and the Big Bang
	Harry Potter and the Deathly Hallows - Part 1
	Passion Play
2011	Anonymous
2011	Greenberg
2012	The Amazing Spider-Man
2012	The Five-Year Engagement
2013	Elementary (TV)
2014	Sele
2015	Snowden
2016	Alicia al traviés del espeyu

Premios

Premios BAFTA

Añu	Categoría	Película	Resultáu
2005	Meyor actor - TV	Not Only But Always	Ganador
2000	BAFTA al meyor actor de repartu	Notting Hill	Candidatu

Satellite Awards

Añu	Categoría	Película	Resultáu
2000	Satellite Award al meyor actor de repartu Musical o comedia	Notting Hill	Candidatu

Referencies

↑ URL de la referencia: http://www.clickonline.com/movies/uncut-interview--rhys-ifans-(the-amazing-spider-man)/11254/.
↑ Afirmao en: idRef. Identificador de referencia de idRef SUDOC: 08527870X. Data de consulta: 1r mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
↑ El so nome pronúnciase /rís ívans/.
↑ Error de cita: La etiqueta <ref> nun ye válida; nun se conseñó testu pa les referencies nomaes IMDB edá
↑ ^5,0 ^5,1 ^5,2 Premios y nominaciones de Rhys Ifans, IMDb, n'inglés, consultáu en 2010.
↑ Filmografía como actor, ficha en IMDb, n'inglés, consultáu en 2010.
↑ ^7,0 ^7,1 Biografía de Rhys Ifans, en FilmReference.com, n'inglés, consultada en 2010.
↑ Biografía de Rhys Ifans, en Moono.com, n'inglés, consultada en 2010.
↑ Biografía de Rhys Ifans, en IMDb, n'inglés, consultáu en 2010.
↑ Notting Hill na taquilla mundial, en Box Office Mojo, n'inglés, consultáu en 2010.
↑ Hannibal Rising na taquilla mundial, en Box Office Mojo, n'inglés, consultáu en 2010.
↑ Premios y nominaciones de Elizabeth: The Golden Age, en IMDb, n'inglés, consultáu en 2010.
↑ Xenophilius Lovegood (personaxe), en IMDb, n'inglés, consultáu en 2010.

Enllaces esternos

Rhys Ifans na Internet Movie Database (n'inglés)

[1c8e15aa4fe94ba9b21bb7aceb3e489acab4d5bc-1] URL de la referencia: http://www.clickonline.com/movies/uncut-interview--rhys-ifans-(the-amazing-spider-man)/11254/.

[821f13e9bd5969623d15626f44587088dd0f20fb-2] Afirmao en: idRef. Identificador de referencia de idRef SUDOC: 08527870X. Data de consulta: 1r mayu 2020. Editorial: Agencia Bibliográfica de Enseñanza Superior. Llingua de la obra o nome: francés.

[3] El so nome pronúnciase /rís ívans/.

[IMDB_edá-4] Error de cita: La etiqueta <ref> nun ye válida; nun se conseñó testu pa les referencies nomaes IMDB edá

[premios-5] 5,0 ^5,1 ^5,2 Premios y nominaciones de Rhys Ifans, IMDb, n'inglés, consultáu en 2010.

[6] Filmografía como actor, ficha en IMDb, n'inglés, consultáu en 2010.

[biografía-7] 7,0 ^7,1 Biografía de Rhys Ifans, en FilmReference.com, n'inglés, consultada en 2010.

[8] Biografía de Rhys Ifans, en Moono.com, n'inglés, consultada en 2010.

[9] Biografía de Rhys Ifans, en IMDb, n'inglés, consultáu en 2010.

[10] Notting Hill na taquilla mundial, en Box Office Mojo, n'inglés, consultáu en 2010.

[11] Hannibal Rising na taquilla mundial, en Box Office Mojo, n'inglés, consultáu en 2010.

[12] Premios y nominaciones de Elizabeth: The Golden Age, en IMDb, n'inglés, consultáu en 2010.

[13] Xenophilius Lovegood (personaxe), en IMDb, n'inglés, consultáu en 2010.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]