Torre de Babel

Torre de Babel
	narración bíblica (es) , tema artístico (es) , tópico literario (es) y Mitu fundacional
Llocalización
Historia y usu
Orixe del nome	Torre de Babel (es)
Relixón	cristianismu; xudaísmu

La Torre de Babel ye una construcción de tipu zigurat que ye mentada na Biblia. Según se narra nel capítulu 11 del Xénesis, los homes pretendíen, cola construcción d'esta torre, algamar el cielu.

Yahvé, pa torgar l'ésitu de la empresa (que s'oponía al su propósitu de que la humanidá s'espardiera per tola superfiecie de la Tierra, xorreciera nella y la soxulgara), fizo que los constructores entamaren a falar estremaes llingües, darréu de lo cualo reinó l'alloriu y dispersáronse.

Tola Tierra tenía una mesma llingua y emplegaba les mesmes pallabres. Los homes na so emigración haza oriente afayaron una llanura na rexón de Senaar y allugáronse ellí. Y dixéronse unos a otros: «Ea, faigamos lladriyos y cozámolos al fueu». Sirviéronse de los lladriyos en llugar de piedres y de betún en llugar d'argamasa. Llueu dixeron: «Ea, edifiquemos una ciudá y una torre cuya cima algame'l cielu. Faigámonos ansí famosos y nun teamos más espardíos so la faz la Tierra».

Mas Yahvé descendió pa ver la ciudá y la torre que los homes taben erguiendo y dixo: «He equí que toos formen un solu pueblu y toos falen una mesma llingua, siendo esti l'entamu de les sos empreses. Un res-yos torgará que lleven a cau tolo que se propongan. Pos bien, descendamos y ellí mesmu tracamundiemos el so llinguax de mou que nun s'entiendan los unos colos otros». Ansí, Yahvé dispersólos d'ellí sobre tola faz la Tierra y apararon na construcción de la ciudá. Por ellu nomósela Babel, porque ellí tracamundió Yahvé la llingua de tolos habitantes de la Tierra y dispersólos per tola superficie. (Xénesis 11:1-9.).

Nemrod, quien foi'l primeru en facese rei depués del Diluviu, y a quien la Biblia identifica como un poderosu cazador opuestu a Yahve, ye siñaláu como'l verdaderu xestor de la idea de llevar a cau esta pergrande empresa. Dellos intentaron identificalu con Sharrukin o Sargón I d'Akkad, el fundador del primer Imperiu semita (acadiu) de que se tien alcordanza. Otros creyen ver nesti vigorosu cazador la figura del dios asiriu Ninurta, dios de la guerra y de la caza que, como Nemrod, placíase en cazar a los sos enemigos.

Al nun disponer de piedra pa la construcción, decidióse fabricar lladriyos. Y comu tampocu cuntaben con cal, usaron betún comu argamasa.

El tiempu aproximáu de la so construcción pue deducise de la siguiente información. Péleg (cuyu nome perpetuóse nel d'una ciudá na confluyencia del Éufrates col Khabor, mentada nes tablilles de la ciudá de Mari, nel Éufrates mediu, y que na dómina grecorromana llevó'l nome de Phaliga)tendría vivíu dende aproximadamente 2269 e.C hasta aproximadamente 2030 e.C. El so nome significa "Dixebra", porque "nos sos díes dixebróse la tierra", esto ye, "la población de la tierra"; "d'ellí espardieralos Yahve sobre tola superficie de la tierra". (Xénesis 10:25; 11:9.). Un testu cuneiforme de Shar-kali-sharri, rei d'Akkad (y socesor de Sargón I d'Akkad), quien vivió nel tiempu de los patriarques, menta que restauró una torre-templu en Babilum (Babel, Babilonia), colo que da a entender que tal edificiu esistía enantes del so reináu. De fechu, nos rexistros sumerios apaez mentada comu Kadingira, que ye l'equivalente sumeriu del akkadio Babilum.

Arqueoloxía

Curiosamente, demientres cuatro sieglos arqueólogos occidentales intentaron asitiar esta famosa construcción na zona del actual Iraq. Ente otros sitios, foi buscada n'Akar Quf (al oeste de Bagdag), onde antaño esistió Dur Karigalzu (les ruines retorcíes de cuyu zigurat, identificáu por dellos viaxeros cola Torre de Babel, tovía desafía a los vientos que la modelaron); y en Birs Nimrud, onde s'alcuentren les ruines de l'antigua Borsippa, asitiada cerca de los restos de l'antigua Babilonia, haza'l suroeste.

En 1913, l'arqueólogu Robert Koldewey alcontró una estructura na ciudá de Babilonia qu'él identificó cola torre de Babel. Esta torre, según la so teoria, foi destruyía y reconstruyía en numberoses ocasiones, por por del camudante destín de la zona. Baltiaronla los asirios y tamién los arameos. Y foi reconstruyía en varirs ocasiones polos príncipes caldeos, ente ellos Nabopolasar (625-605 e.C). S'estima que la construcción más antigua de la Etemenanki, «Casa del Fundamentu del Cielu y de la Tierra» construyóse demientres el III mileniu enantes de Cristu.

La bas d'esta torre (sigún la toeria) foi un cuadráu de 92 m de llau, y el so altor orixinal fuera aumentçau en tiempos de Nabopolasar y Nabucodonosor II (605-592 e.C.), pa facela una digna esponente del so poderíu y grandura. Cálculos basaos notres escavaciones arqueolóxiques determinaron qu'esta torre escalonada puo tener ente 60 y 90 m d'altor.

Se conserva una mui interesante y detallada descripción d'esti zikkurratu (zigurat) nos escritos d'Heródoto, nomáu'l "Pá de la Hestoria", quien visitó Babilonia.

Güei namái se conserven ruines d'ella yá que la so construcción foi fecha con materiales mui sensibles a la intemperie.

Simboloxía

La esplicación bíblica del porqué de los estremaos idiomes tien trés representaciones principales nel arte: la construcción de la torre, l'esfarrape de la torre y el tracamundiu de les llingües, siguida de la esbilla. Los dos primeros foron munchu más representaos.

La torre representóse n'estremaes dómines al mou de les torres que na dómina y el llugar s'usaben, pero con rampes esteriores helicoidales a magar de fines del sieglu XVI. El tema fizose más raru a magar del sieglu XVII.

El tema de l'esfarrape nun se basa nel Xénesis, onde namái s'insinúa, sinón nel Apocalipsis, que lo trata nel su capítulu 18. La escena representose con grandes vientos o con rayos xurdíos del cielu.

El tracamundiu de llingües usóse en conxunción colos anteriores, pero tamién asociáu al milagru de les llingües que se ponen a falar los apóstoles en Pentecostés.

Referencies

Enllaces esternos

Wikimedia Commons tien conteníu multimedia tocante a Torre de Babel.