Zülallar üçün mənbəyə bax

[[Fayl: Protein_mosaic.jpg|thumb|Zülal modelləri mozaikası]]
'''Zülal''' — α-aminturşu qalıqlarından təşkil olunmuş yüksək molekullu təbii birləşmədir.

== Zülal ==
Üzvi maddələr arasında mühüm əhəmiyyət kəsb edən və çox mürəkkəb quruluşa malik olan birləşmələrdən biri də zülallardır. Züllallar bitki, heyvan və insan orqanizminin yaranması və inkişafında müstəsna əhəmiyyətə malikdir. Zülallar canlı orqanizmdə müxtəlif funksiyalar daşıyırlar. Onlar dərinin, əzələlərin, müxtəlif orqanların toxumalarının tərkibinə daxildir. Bəzi zülallar bioloji katalizator (fermentlər) xassəsinə malik olub, orqanizmdə gedən bütün kimyəvi proseslərdə iştirak edirlər. Zülallar orqanizmin enerji mənbələrindən biri olmaqla bərabər, orqanizm üçün infeksiyalardan müdafiə rolunu oynayırlar.
[[Fayl:Fried egg, sunny side up.jpg|thumb|Yumurtanın denaturasiyası]]
[[Fayl:Antoine François, comte de Fourcroy.jpg|thumb|''Antuan Fransua de Furkrua'', zülalları öyrənən alim]]

== Quruluşları ==
α-aminturşulardan təbii sintezolunmuş üzvi birləşmə, canlı hüceyrənin əsas tərkib hissəsi. Molekul kütləsi on minlərdən milyonadək və daha çoxdur. Amfoter elektrolitdir, molekullarında sərbəst karboksil və amin turşuları var. Bəzi zülal suda. digəri duz məhlulunda, 1 qismi isə qələvi və başqa məhlulda həll olur. Canlı orqanizmdə olan zülal əsasən 20 növ aminturşudan ibarətdir. Hər zülal onu təşkil edən aminturşunun miqdar və növü ilə fərqlənir. Zülal molekulunda aminturşular bir-biri ilə pentid rabitəsi (―CO―NH―), sistemi aminturşular olan yerlərdə isə disulfid rabitəsi (―S―S―) ilə ardıcıl birləşərək zülalların I quruluşunu əmələ gətirir. Zülal molekulunun polipeptid zənciri qırılıb xüsusi spiralvari konfiqurasiya əmələ gətirir, spiralın qonşu burumlarındakı ―NH― və ―CO― qrupları hidrogen rabitəsi vasitəsilə "tikilib" möhkəmlənərək zülalların II quruluşunun yaranmasına səbəb olur. Polipeptid spiralı özünəməxsus qaydada üst-üstə yığıb, müxtəlif rabitə ilə möhkəmləndirilir. Bu zülalların III quruluşudur.
[[Fayl:Amino-veresterung.jpg|thumb|450px|Zülal molekulunun ilkin quruluşu]]
[[Fayl:Protein-structure ru.jpg|thumb|200px|left|Quruluşları: 1 — ilkin, 2 — ikinci, 3 — üçüncü, 4 — dördüncü]]

== Tərkibinə görə növləri ==
'''Zülallar''' kimyəvi tərkibinə görə ''sadə və mürəkkəb'' olmaqla iki yerə bölünür:
* '''polipeptid''',
* '''protein (Sadə zülal) ''' və ya '''Proteid''' — (protos: birinci, vacib) [[Amin turşusu|aminturşulardan]] ibarət bir və ya birdən çox sayıda uzun zəncirdən ibarət bioloji əhəmiyyətli makromolekullardır. Zülallar canlı hüceyrəsində [[Metabolizm|metabolik]] reaksiyaları [[Katalizator|katalizləmək]], [[Dezoksiribonuklein turşusu|DNT]]-ni çoxaltmaq, xarici stimulların qarşısında hərəkətə keçmək, maddələri hüceyrə içərisində bir nöqtədən digərinə daşımaq, hüceyrənin bir çox strukturunu əmələ gətirmək və sairə kimi bioloji fəaliyyətin çox önəmli bir qismini yerinə yetirirlər. Canlı hüceyrədəki zülalların əksəriyyəti [[Fermentlər|ferment]]dir. Proteinlər əsas bir-birindən aminturşu ardıcıllıqları baxımından fərqlənirlər. Təxminən 20 növ aminturşu proteinlərdə özünəməxsus spesifik sıra yəni ardıcıllıqla düzülərək əmələ gələn zülalın funksiyasının təyin edir. Bu spesifik ardıcıllıq informasiyası DNT-nin [[gen]] adı verilən bölgələrindən gəlməkdədir.

== Həllolma qabiliyyətinə görə növləri ==
Həllolma qabiliyyətinə görə zülallar ''həllolan'' (qlobulyar) və ''həllolmayan'' (fibrolyar) zülallara bölünür. Həllolan zülallar adətən kürə formasında olur. Hemoqlobin (qanın zülalı), albumin (Yumurtanın zülalı), insulin (mədəaltı vəzinin zülalı) göstərmək olar.

== Həmçinin bax ==
*[[Zülali yemlər]]
== Mənbə ==
* Альбертс Б., Брей Д., Льюис Дж. и др. Молекулярная биология клетки. В 3 томах. — М.: Мир, 1994. — ISBN 5-03-001986-3.
* Ленинджер А. Основы биохимии. В 3 томах. — М.: Мир, 1985.
* Страйер Л. Биохимия. В 3 томах. — М.: Мир, 1984

== İstinadlar ==
{{İstinad siyahısı}}
{{Üzvi maddələr}}
{{Biologiya}}{{Xarici keçidlər}}
[[Kateqoriya:Üzvi maddələr]]
[[Kateqoriya:Azot birləşmələri]]
[[Kateqoriya:Zülallar]]