Şomu Nobori
| Şomu Nobori | |
|---|---|
| yap. 昇曙夢 | |
 | |
| Doğum tarixi | 17 iyul 1878 |
| Doğum yeri | |
| Vəfat tarixi | 22 noyabr 1958 (80 yaşında) |
| Vəfat yeri | |
| Fəaliyyəti | dilçi, tərcüməçi |
 Vikianbarda əlaqəli mediafayllar | |
Şomu Nobori (昇 曙夢, Nobori Şomu?, 17 iyul 1878, Oşima adası, Ryukyu adaları – 22 noyabr 1958, Tokio[d]) və ya doğum adı ilə Naotaka Nobori (昇 直隆, Nobori Naotaka?) – Yaponiya tərcüməçisi və pedaqoqu. O, rus dilinin mütəxəssisi olmuş və rus ədəbiyyatının bir çox əsərini yapon dilinə tərcümə etmişdir.
Həyatı
[redaktə | mənbəni redaktə et]Nobori 1878-ci ildə Kaqoşima prefekturasının Amami Oşima adasında doğulmuşdur.[1] Yaponiyalı Nikolay tərəfindən açılmış ilahiyyat seminariyasında rus dilini öyrənmişdir.[2] 1903-cü ildə Yunan Ortodoks Seminariyasından məzun olmuş və burada təlimçi kimi işləməyə başlamışdır. Daha sonra Hərbi Akademiyada rus dili üzrə professor olmuşdur. Vaseda və Nihon universitetlərində də müəllimlik etmişdir. Fyodr Dostoyevski, Lev Tolstoy, Aleksandr Kuprin, Leonid Andreyev və Fyodr Soloqub kimi bir çox rus ədibinin əsərlərini yapon dilinə tərcümə etmişdir.[1][3] Mixail Artsibaşevin "Sanin" romanını, eləcə də, "Qorxu" və "Gecə" hekayələrini yapon dilinə qazandırmışdır.[3] Nobori Rusiya ilə əlaqələr üzrə Yaponiya kabinetinin xüsusi məsləhətçisi olmuşdur. Sayqo Takamorinin sürgündə olduğu dövrü araşdırmış və bu barədə ən geniş hesabatı yazaraq 1927-ci ildə nəşr etdirmişdir.[4]
Nobori "Müasir rus ədəbi fikirlərinin tarixi" və "İnqilabdan sonra rus ədəbiyyatı" kitablarının müəllifi olmuşdur.[1] "Müasir rus ədəbi fikirlərinin tarixi" kitabı 1920-ci illərdə Çində Rusiya modernizminin yayılmasında vacib rol oynamış, 1933-cü ildə Çin dilinə tərcümə olunmuşdur.[5]
Yaponiyanın Sibir müdaxiləsi (1918–1922) zamanı Yaponiya ordusunun müşayiəti altında və sovet hökumətinin qonağı kimi (1928) Rusiyada olmuş, Maksim Qorki və Boris Pilnyak ilə görüşmüşdür.[6] O, ümumilikdə 4 dəfə Rusiyaya səyahət etmişdir.[1]
İkinci Dünya müharibəsindən sonra 1946–1953-cü illərdə Amami adalarının Yaponiyaya qaytarılması hərəkatının başçılarından biri olmuşdur.[7] O, Amami Sakinlərinin Federasiyasının Yaponiya Assosiasiyasının prezidenti seçilmiş[8] və adaların qaytarılması üçün Yuxarı Palatanın Xarici İşlər Komitəsində çıxış etmişdir. Onun səyləri nəticəsində Amami adaları 1953-cü ildə Yaponiyaya qaytarılmışdır.[9]
İstinadlar
[redaktə | mənbəni redaktə et]- ↑ 1 2 3 4 The Japan Biographical Encyclopedia & Who's Who. səh. 1075
- ↑ Yamaşita, Mariko. "Русский язык в Японии". Мир русского слова (rusca) (4). 2010: 92–96. 2023-08-23 tarixində arxivləşdirilib. İstifadə tarixi: 25 avqust 2023.
- ↑ 1 2 Gamsa. səh. 141
- ↑ Ravina, Mark. The Last Samurai: The Life and Battles of Saigo Takamori (ingiliscə). Wiley. 2011. səh. 256. ISBN 978-1118045565.. 2023-08-24 tarixində arxivləşdirilib. İstifadə tarixi: 24 avqust 2023.
- ↑ Gamsa. səh. 142
- ↑ Steohan, John J. "Review: The Russian Impact on Japan: Literature and Social Thought". Slavic Review (ingiliscə). 42 (3). aprel 1983: 522. 2023-08-24 tarixində arxivləşdirilib. İstifadə tarixi: 24 avqust 2023.
- ↑ Eldridge. səh. 13
- ↑ Eldridge. səh. 42
- ↑ Eldridge. səh. 46
Ədəbiyyat
[redaktə | mənbəni redaktə et]- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1075. İstifadə tarixi: 24 avqust 2023.
- Gamsa, Mark. The Chinese Translation of Russian Literature (ingiliscə). Brill. ISBN 9004168443,. İstifadə tarixi: 24 avqust 2023.
- Eldridge, Robert D. The Return of the Amami Islands: The Reversion Movement and U. S.-Japan relations (ingiliscə). Lexington Books. 2004. ISBN 0739107100. İstifadə tarixi: 25 avqust 2023.
Xarici keçidlər
[redaktə | mənbəni redaktə et]
Vikianbarda Şomu Nobori ilə əlaqəli mediafayllar var.- Həyatı haqqında
