Anastasiya Bliznyuk

Anastasiya Bliznyuk
rus. Анастасия Ильинична Близнюк
Şəxsi məlumatlar
Ləqəbi	Nastya
Vətəndaşlığı	Rusiya
Doğum tarixi	28 iyun 1994
Doğum yeri	Zaporojya, Ukrayna
Boyu	173 sm
Çəkisi	51 kq
İdman növü	Bədii gimnastika
Medallar Olimpiya Oyunları Qızıl 2012 London Çoxnövçülük Qızıl 2016 Rio-de-Janeyro Çoxnövçülük Dövlət təltifləri Rusiya Federasiyası Prezidentinin Fəxri Diplomu
Vikianbarda əlaqəli mediafayllar

Anastasiya İlyiniçna Bliznyuk (d. 28 iyun 1994, Zaporojya, Ukrayna) — Rusiyanı təmsil edən bədii gimnast. Anastasiya Bliznyuk, Rusiyanı 2012 London və Rio-de-Janeyro Olimpiadalarında təmsil edib və 2 dəfə qızıl medal qazanıb.

Anastasiya Bliznyuk həm də, bir dəfə Dünya, üç dəfə isə Avropa çempionu olub.

Karyerası

Soldan sağa: Bliznyuk, Donskova, Makarenko, Nazarenko və Sevastyanova

Anastasiya Bliznyuk, 2012-ci ildə Rusiya bayrağı altında Birləşmiş Krallığın paytaxtı London şəhərində baş tutan XXX Yay Olimpiya Oyunlarına qatıldı. O, qrup yarışlarında komanda yoldaşları Ulyana Donskova, Alina Makarenko, Kseniya Dudkina, Anastasiya Nazarenko və Karolina Sevastyanova ilə birgə finalda 57.000 xal toplayaq 1-ci yeri tutdu və Olimpiya Oyunlarının qızıl medalını qazandı.

Anastasiya Bliznyuk, növbəti dəfə Olimpiya Oyunlarına 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarına qatıldı. O, qrup yarışlarında komanda yoldaşları Vera Biryukova, Anastasiya Maksimova, Anastasiya Tatareva və Mariya Tolkaçeva ilə birgə final yarışlarında 36.233 xal toplayaraq 1-ci yeri tutdu və 2-ci dəfə Olimpiya Oyunlarının qızıl medalını qazandı.