Azad Məmmədov (aktyor)
| Azad Məmmədov | |
|---|---|
| Məmmədov Azad Əşrəf oğlu | |
 | |
| Doğum adı | Məmmədov Azad Əşrəf oğlu |
| Doğum tarixi | |
| Doğum yeri | Şuşa, Azərbaycan SSR, SSRİ |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Fəaliyyəti | aktyor |
| Fəaliyyət illəri | 1990–indiyə kimi |
| Təhsili |
Şuşa Musiqi Texnikumu Azərbaycan Dövlət Mədəniyyət və İncəsənət Universiteti |
| Teatr | Şuşa Dövlət Musiqili Dram Teatrı |
| Mükafatları |
 |
Məmmədov Azad Əşrəf oğlu (12 dekabr 1964, Şuşa, DQMV) — Şuşa Dövlət Musiqili Dram Teatrının aktyoru, Azərbaycan Respublikasının əməkdar artisti (2013).[1]
Həyatı
[redaktə | mənbəni redaktə et]Azad Məmmədov 12 dekabr 1964-cü ildə Şuşada anadan olmuşdur. 1980–1984-cü illərdə Mir Möhsün Nəvvab adına Şuşa Musiqi Texnikumunun kamança sinfində təhsil almış, sonradan burada müəllim kimi fəaliyyət göstərmişdir. 1988–1993-cü illərdə Azərbaycan Dövlət Mədəniyyət və İncəsənət Universitetinin özfəaliyyət teatr kollektivinin rəhbəri fakültəsində qiyabi təhsil alıb.[2]
1990-cı ildən Şuşa Dövlət Musiqili Dram Teatrında aktyor, 1994-cü ildən isə, həm də direktor müavini kimi fəaliyyət göstərir.[2]
"Nəğmədir, gülüşdür hər dərdə məlhəm" adlı konsert-tamaşada həm aktyor, həm də musiqiçi kimi çıxış edib. Teatrda hazırlanan bir neçə tamaşanın musiqi tərtibatçısı olub: C.Cabbarlı "Aydın", S.S.Axundov "Tamahkar", Ə.Haqverdiyev "Dağılan tifaq", C.Məmmədquluzadə "Kamança", H.Mirələmov "Güllələnmiş heykəllərin fəryadı", İ.Əfəndiyev "Sən həmişə mənimləsən", N.Qənbər "Meymunun dəfni".[3][4]
1994-cü ildə keçirilən "Him-cim" pantomim festivalında R.Şahsuvarovun "Üç nöqtə, vergül, nida, sual" pantomim tamaşasındakı Bala ördək (mim), 1999-cu ildə keçirilən "Milli klassika" festivalında M.F.Axundovun "Hekayəti Müsyö Jordan Həkimi-Nəbatat və Dərviş Məstəli Şah Cadükuni Məşhur" tamaşasındakı Hatəmxan ağa, 2005-ci ildə keçirilən "Boş məkanın dolğunluğu" teatr festivalında Kişi ("Musiqili məktublar", F.Mustafa) və Nikita İvanıç ("Qu quşunun nəğməsi", A.P.Çexov) rollarını oynayıb.[5]
Mükafatları
[redaktə | mənbəni redaktə et]- Azərbaycan Teatr Xadimləri İttifaqının "Qızıl Dərviş" mükafatı ("Əyri oturaq, düz danışaq" tamaşasının yaradıcı heyəti ilə birlikdə) — 2002[6]
- Prezident mükafatı — 2005
- Azərbaycan Respublikasının əməkdar artisti — 25 iyun 2013[1]
İfa etdiyi əsas rollar
[redaktə | mənbəni redaktə et]| Tamaşa | Müəllif | Rol |
|---|---|---|
| Arşın mal alan | Üzeyir Hacıbəyov | Vəli |
| Özümüz bilərik | Süleyman Ələsgərov və Şıxəli Qurbanov | Miriş |
| Durna | Səid Rüstəmov və Süleyman Rüstəm | Hilal |
| Ayının min bir oyunu | Sultan Məcid Qənizadə | Rüstəm bəy və Ağacəfər Qalibani |
| Marqaritka | Arman Salakru | Qoca |
| Gözəlləri necə qaçırırlar | Bilal Appayev | Hopay |
| Xəlifə Leylək | Vilhelm Hauff | Nağılçı və müdrik Səlim |
| Aydın | Cəfər Cabbarlı | Surxay və Mirzə Cavad |
| Ağıllı adam | Firuz Mustafa | Jurnalist |
| Sehirli kreslo | Frideş Karinti | Dahi |
| Bayramın birinci günü | Nazim Hikmət | Rüstəm |
| Millət dostları | Əbdürrəhim bəy Haqverdiyev | Səfər bəy |
| Dağılan tifaq | Əbdürrəhim bəy Haqverdiyev | Dəllək Haqverdi |
| Kamança | Cəlil Məmmədquluzadə | Kamançaçı Baxşı |
| Sərgüzəşti-vəziri-xani-Lənkəran | Mirzə Fətəli Axundov | Hacı Salah |
| Nənəmin şahlıq quşu | Əliağa Kürçaylı və Vasif Adıgözəlov | Qulu |
| Sən həmişə mənimləsən | İlyas Əfəndiyev | Fərəc |
| Şuşa dağlarını duman bürüyüb | Elçin Əfəndiyev | Doppa Dadaş |
Filmoqrafiya
[redaktə | mənbəni redaktə et]- Yol yoldaşları (film, 2003)
- Böyük türk (film, 2007)
- Sonuncu dərviş (film, 2009)
- 3 bacı (film, 2012-2014)
- Döngələr (teleserial, 2012)
- Dalan (film, 2012)
- 2 ömür (film, 2016-2017)
İstinadlar
[redaktə | mənbəni redaktə et]- ↑ 1 2 "Azərbaycan Respublikasının teatr xadimlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az (az.). 2013. 2020-03-06 tarixində arxivləşdirilib. İstifadə tarixi: 2020-02-21.
- ↑ 1 2 İlham Rəhimli. Azərbaycan Teatr Ensiklopediyası (az.). 1. Bakı: "Azərnəşr". səh. 71.
- ↑ "ŞUŞA TEATRI..." (PDF). azteatr.musigi-dunya.az (az.). 2016-10-20 tarixində arxivləşdirilib (PDF). İstifadə tarixi: 2020-02-21.
- ↑ İlham Rəhimli. Azərbaycan Teatr Ensiklopediyası (az.). 1. Bakı: "Azərnəşr". səh. 72.
- ↑ "Şuşa Dövlət Musiqili Dram Teatrı". azteatr.musigi-dunya.az (az.). 2020-08-24 tarixində arxivləşdirilib. İstifadə tarixi: 2020-02-21.
- ↑ "«QIZIL DƏRVİŞ» mükafatı". teatrittifaqi.az (az.). 2020-03-06 tarixində orijinalından arxivləşdirilib. İstifadə tarixi: 2020-02-21.