Psixodeliklər
Psixodelik (q.yun. ψυχή - "ruh", "şüur" və δῆλος - "aydın", "təmiz") — qavramanı dəyişdirən, emosional vəziyyətə və bir çox psixi proseslərə təsir edən psixoaktiv maddələr sinfi. Psixodeliklər insanı dəyişilmiş şüur vəziyyətinə sala bilər. Onlar asılılıq və ya aludəçilik törətmək baxımından təhlükəli hesab edilmir.
Opiatlar və ya stimulyatorlar kimi əksər digər psixoaktiv maddələrdən fərqli olaraq, psixodeliklərin qəbulu əvvəlcədən müəyyən edilmiş ruh halına nail olmağa zəmanət vermir. Psixodelik təcrübə şüurun dəyişdirilmiş və ya trans vəziyyətlərini yaşamaqdan ibarətdir və bu təcrübənin məzmunu çox müxtəlif ola bilər.
Farmakoloji nöqteyi-nəzərdən, bir çox psixodeliklər ən çox iki əsas qrupa aid olan 5-HT <sub id="mwIA">2A</sub> tipli serotonin reseptorlarının aqonistləridir: triptaminlər və ya feniletilaminlər . Bununla belə, sinir reseptorlarının geniş spektrinə təsir edən demək olar ki, hər hansı bir strukturun maddələri psixodelik xüsusiyyətlərə malik ola bilər.
Əksər ölkələrdə psixikodeliklərin istifadəsi və yayılması qanunaziddir. Bununla belə, son vaxtlar tütün və alkoqol asılılığından qurtulmaq üçün psixodeliklərin tətbiqi və xərçəng xəstələrinə psixoloji yardım haqqında tədqiqatlar aparılmışdır.