Qleb Panfilov

Qleb Panfilov
rus. Глеб Анатольевич Панфилов
Doğum tarixi	21 may 1934(1934-05-21)
Doğum yeri	Maqnitoqorsk, Çelyabinsk vilayəti, RSFSR, SSRİ
Vəfat tarixi	26 avqust 2023(2023-08-26) (89 yaşında)
Vəfat yeri	Moskva, Rusiya
Dəfn yeri	Novodeviçye qəbiristanlığı
Milliyyəti	rus
Həyat yoldaşı	İnna Çurikova
Fəaliyyəti	kinorejissor, ssenarist, film ssenaristi[d]
Fəaliyyət illəri	1958–2023
Təhsili	Ali rejissor və ssenarist kursu[d], Sergey Gerasimov adına Ümumrusiya Dövlət Kinematoqrafiya Universiteti
Üzvlüyü	SSRİ Kinematoqrafçılar İttifaqı
Mükafatları
IMDb	ID0659368
glebpanfilov.ru
Vikianbarda əlaqəli mediafayllar

Qleb Anatolyeviç Panfilov (rus. Глеб Анатольевич Панфилов; 21 may 1934, Maqnitoqorsk, Çelyabinsk vilayəti – 26 avqust 2023, Moskva) — Rusiya və Sovet rejissoru və ssenaristi.

Həyatı

Qleb Panfilov 21 may 1934-cü ildə Maqnitoqorskda doğulub. 1957-ci ildə Ural Politexnik İnstitutunun kimya fakültəsini bitirir. 1961-ci ildə Sverdlovsk televiziyasında çalışmağa başlayır. 1960–1963-cü illərdə Sergey Gerasimov adına Ümum-Rusiya Dövlət Kinematoqrafiya İnstitutunda operatorluq fakültəsində qiyabi təhsil alır, sonra isə rejissorluq şöbəsində əyani təhsilə keçir. 1966-cı ildə Lenfilmdə çalışmağa başlayaraq, orada 1967-ci ildə "В огне брода нет" (Yanğında keçid yoxdur) adlı ilk bədii filmini çəkir. 1970-ci ildə "Начало" (Başlanğıc) filmini çəkir. Filmin çəkilişləri zamanı Panfilov aktrisa İnna Çurikova ilə ailə həyatı qurur. O vaxtdan bəri o, onun ilham pərisinə çevrilir. Rejissorun başqa məşhur işləri arasında "Прошу слова" (Söz istəyirəm), "Тема" (Mövzu), "Валентина" (Valentina), "Васса" (Vassa), "Мать" (Ana) kimi filmlər var. Panfilov həyat yoldaşı İnna Çurikovanın ölümündən yeddi ay sonra 2023-cü il avqustun 26-da 89 yaşında Moskvada vəfat etdi.