سوپر لیگ
| سوپر لیگ | |
| اؤلکه |  تورکیه
|
| دۆزنله‌ین | تورکیه فوتبال فدراسیونو |
| کونفدراسیون | یوفا |
| قورولوش | ۲۱ فوریه ۱۹۵۹ |
| درجه‌سی اؤلکه‌ده | ۱ |
| تاخیملارین سایی | ۱۹ |
| آشاغی لیگی | ۱. لیگ |
| یئرلی کوپا(لار) | تورکیه کوپاسی سوپر کوپا |
| بین‌الخالق کوپا(لار) | آوروپا شامپیونلار لیگی یوفا آوروپا لیگی یوفا کونفرانس لیگی |
| سوْن شامپیون | قالاتاسارای (۲۴–۲۰۲۳) |
| ان باشاریلی تاخیم | قالاتاسارای (۲۴ دفعه) |
| ان چوْخ اوْینایان | اوموت بولوت (۵۱۵) |
| ان چوْخ قوْل آتان | هاکان شوکور (۲۴۹) |
| گؤسترن تلویزیون‌لار | بین اسپورت |
| وئب‌سایت | tff.org |
سوپر لیگ (آنادولو تورکجه‌سی: Süper Lig) یادا اسپانسرلیق آدی ایله ترندیوْل سوپر لیگ (آنادولو تورکجه‌سی: Trendyol Süper Lig)، تورکیه‌نین ان اۆست فوتبال لیگی دیر. بیر مؤوسوم‌ده ۱۹ تاخیمین یاریشدیغی لیگده، ان اۆست سؽرادا یئر آلان تاخیم شامپیون اوْلورکن سوْن دؤرد تاخیم ۱. لیگه دۆشورلر. ۲۵–۲۰۲۴ مؤوسوموندن اعتیباراً لیگده بیرینجی اوْلان تاخیم آوروپا شامپیونلار لیگی قروپ مرحله‌سی، ایکینجی تاخیم پلی آف مرحله‌سی، اۆچونجو تاخیم یوفا آوروپا لیگی پلی آف مرحله‌سی و دؤردونجو تاخیم یوفا کونفرانس لیگی پلی آف مرحله‌سی‌نه حاق قازانیر. آیریجا تورکیه کوپاسیندا شامپیون اوْلوب ایلک اۆچ سؽرادا اوْلمایان تاخیم دؤردونجو تاخیم یئرینه یوفا کونفرانس لیگی پلی آف مرحله‌سی‌نه یوْل تاپیر.
سوپر لیگین ۶۵ مؤوسومو بوْیونجا، قالاتاسارای (۲۴ دفعه)، فنرباغچه (۱۹ دفعه)، بشیکتاش (۱۶ دفعه)، ترابزون ایسپور (۷ دفعه)، بورساایسپور (۱ دفعه) و باشاک‌شهیر (۱ دفعه) شامپیون اوْلوبلار.
تاریخی
[دَییشدیر]
تورکیه ده فوتبالین تاریخی ۱۹. یوز ایله دایانیر. همن ایللرده فوتبال اینگیلیس‌لر توسط ایله تورکیه‌یه گتیریلیب دیر.[۱] ۱۹۰۴-جو ایلده ایستانبول لیگی، ۱۹۲۰-جی ایلده اسکی شهر لیگی، ۱۹۲۳-جو ایلده ایسه آدانا، آنکارا، ترابزون و ایزمیر لیگلری قۇرولدو. تورکیه‌نین ایلک فوتبال لیگی تورکیه فوتبال شامپیوناسی آدی ایله ۱۹۵۱–۱۹۲۳ ایللری آراسیندا کئچیریلدی.[۲] ۱۹۵۰–۱۹۳۷ ایللری آراسیندا دۆزنله‌نن میلی کۆمه، ایستانبول لیگی‌نین ایلک ۴ تاخیمی، آنکارا و ایزمیر لیگلری‌نین ایلک ۲ تاخیملاری اوْلماق اۆزره جمعاً ۸ تاخیم آراسیندا کئچیریلدی.[۳][۴] ۱۹۵۱-جی ایلده تورکیه پئشه‌کار فوتبالی‌نین قبول ائدیلمه‌سی ایله تورکیه فوتبال فدراسیونو یئنی لیگ قۇرماقلا وظیفه‌لندی. ۱۹۵۵-جی ایله کیمی سۆرن یئنی‌لمه‌لر آلت یاپی اؤزللیکله ایستانبول، آنکارا و ایزمیر لیگلری‌نین گۆجلنمه‌سینه ندن اوْلدو. ۱۹۵۸–۱۹۵۶ ایللری آراسیندا تورکیه‌نین آوروپا شامپیونلار لیگی‌نه تمثیلچی سئچیلمه‌سی اۆچون دۆزنله‌نن فدراسیون کوپاسی کئچیریلدی.[۵][۶] فدراسیون ۱۹۵۹-جو ایلده یئنی لیگ دۆزنی‌نی آچیقلایاراق ایستانبول لیگی‌نین ایلک ۸ تاخیمی، آنکارا و ایزمیر لیگلری‌نین ایلک ۴ تاخیمی اوْلاراق جمعاً ۱۶ تاخیمین میلی لیگ آدلی یئنی لیگده یاریشاجاغینی بیلدیردی.[۷] لیگین آدی ۱۹۶۲-جی ایلده تورکیه ۱. فوتبال لیگی اوْلاراق دگیشیلدی. ۲۰۰۱-جی ایلدن ایسه سوپر لیگ آدی ایله کئچیریلن لیگ آوروپانین ان گۆجلو لیگلری آراسیندا یئر آلمیشدیر.
شامپیونلار
[دَییشدیر]| تاخیم | قهرمانلیق | ایکینجی روتبه |
|---|---|---|
قالاتاسارای
|
۲۴ | ۱۳ |
| فنرباغچه
|
۱۹ | ۲۵ |
| بشیکتاش
|
۱۶ | ۱۴ |
| ترابزون ایسپور
|
۷ | ۹ |
| باشاک‌شهیر | ۱ | ۲ |
| بورساایسپور | ۱ | - |
| هر بئش شامپیونلوق اۆچون بیر اولدوز | ||
قایناقلار
[دَییشدیر]- ^ Before the national Turkish Leagues. Erdinç Sivritepe.
- ^ Turkey Futbol Federasyonu Kuruluyor (tr). Turkish Football Federation. “1936'ya kadar süren bu dönemde ilk Türkiye Şampiyonası Ankara'da yapılmış ve şampiyon Harbiye olmuştur.”
- ^ Turkey Futbol Federasyonu Kuruluyor (tr). Turkish Football Federation. “...ilk deplasmanlı lig kapsamındaki Milli Küme maçları da yine bu dönemde tertip edilmiştir.”
- ^ Milli Küme. Erdinç Sivritepe.
- ^ Sivritepe, Erdinç Federation Cup 56/57 turkish-soccer.com, accessed 22 July 2010
- ^ Sivritepe, Erdinç Federation Cup 57/58 turkish-soccer.com, accessed 22 July 2010
- ^ Sivritepe, Erdinç 1959 Milli Lig turkish-soccer.com, accessed 22 July 2010