سیروز
سیروز - قاراجیر لؤبول لرینین باغ توخومالاری واسطه‌چی‌لیگی ایله کؤچورولمه‌سی.
سیروزا بیر چوخ فرق‌لی تعریفلر وئریلمیش‌دیر. بونلار آراسین‌دا ان یاخشی تعریف "قاراجیرین بؤیوک بیر ساحه‌سینی ایحاطه ائدن، نورمال قورلوشونون یئرین‌ده آنورمال نودول لرین گؤرونمه‌سی ایله کاراکتریزه اولونان بیر دییشمه" اولاراق تعیین ائدن دۆنیا ساغلام‌لیق تشکیلاتینا عایید تعریف‌دیر. بو تعریفین ایچینه رگنراتور ایله دامارلانمادا و قان آخینین‌داکی دییشیک‌لیکلر داخیل‌دیر. چونکی، دویونلرده هر واخت رگنراتور تاپینتیلاری گؤرولمه‌یه بیلر؛ حقیقی رگنراتور دویونلر خستلیین ایرلی مرحله‌لرین‌ده راست گلینر.
دامارلانما و قان آخینی پوزوقلوقلاری ایسه خستلیین پریمئر خصوصیتلری دئییل؛ تعریف‌ده ایشتیراک ائدن دیگر خصوصیتلرین (فیبروزیس و دویون‌لو قورولوش) نتیجه‌سی اولاراق عمله گلیر. سیروزون اساس خوصوصیتی اولان سکلئروزلاشما داوام‌لی هوجئیره داغیلماسینین نتیجه‌سی‌دیر. بو سببله دایمی هوجئیره زده‌له‌نمه‌سی عمله گتیره‌ن بیر چوخ کرونیکی قاراجیر خسته‌لیکلری سیروزلا نتیجه‌لنیر. بونلار آراسین‌دا اینفئکسیون، آوتویممون، مئتابولیتیک خسته‌لیکلر، اؤد یولو خسته‌لیکلری، درمان و توک‌سینلره باغلی قاراجیر زهرله‌نمه‌لری، قان دؤورانی پوزغونلوقلاری و باشقا سببلر ایشتیراک ائدر.
سینیفلان‌دیرماسی
[دَییشدیر]خستلیین سینیف ائتمه‌سین‌ده ان دوزگون یولو اتیولوژی(علّتی تانیماق) گؤره‌دیر. بونونلا بیرلیک‌ده، اننوی اولاراق سیروزلار مورفولوژی خصوصیتلرینه گؤره ده سینیف ائدیلیر.دنه‌لرین اؤچولرینه اساس آلیناراق میکرودنه‌لر (۳ ممده‌ن کیچیک)، ماکرودنه‌لر (۳ ممده‌ن بؤیوک) و میکست (میکرو-ماکرو) دنه‌لر عاییددیر. بو سینیف ائتمه بیوپ‌سییادا چوخ اعتیبارلی دئییل‌دیر، چونکی هیستوپاتولوژیک اولاراق تطبیق اولونماسی چتین‌دیر. لاکین بوتون قاراجیرین آنالیز ائدیله بیلدیی یاریلمالاردا و ترانسپلانتاسییا اسناسین‌دا چیخاریلان خسته قا¬راجیئرلرده تطبیق ائتمک اولار.