Neistod an da Doana
Neistod an da Doana (amtle: Neustadt a.d.Donau) is a Stod an da Westgrenz vom Landkreis Keaham in Nidabayan. Ma kennt Neistod wengan Kuaoat Bad Gegging.
| Woppn | Deitschlandkoatn | |
|---|---|---|
|
Koordinaten: 48° 49′ N, 11° 46′ O | |
| Basisdotn | ||
| Bundesland: | Bayern | |
| Landkroas: | Kelheim | |
| Hechn: | 354 m ü. NHN | |
| Flächn: | 93,56 km2 | |
| Eihwohna: | 14.493 (31. Dez. 2020)[1] | |
| Bevökarungsdichtn: | 155 Einwohner je km2 | |
| Postleitzoi: | 93333 | |
| Voawoien: | 09445 09444 (Mühlhausen) 08402 (Schwaig, Umbertshausen) | |
| Autokennzeichn: | KEH, MAI, PAR, RID, ROL | |
| Gmoaschlissl: | 09 2 73 152 | |
| Address vo da Stadtvawoitung: |
Stadtplatz 1 93333 Neistod an da Doana | |
| Webseitn: | ||
| Buagamoasta: | Thomas Reimer | |
| Log vo da Stadt Neistod an da Doana im Landkroas | ||
 | ||
Geografie
D'Stod liegt in da Mittn von Inglstod und Rengsbuag, mittn im Toi vo da Doana af a 5 km broadn Schottaehm. Im Südn vo da Stod san de letzten Woidhigl vo da Holladau, de im Tertiär entstandn san und im Nordn san de letzn Koichhäng vom bayrischen Jura zu findn. Uim und Oms lafan in Neistod ind Doana.
Oatstei
Zua Stod Neistod ghern 21 Deafa und oaschichtige Anwesn: Arasting, Bad Gegging, Deisnhofn, Eining, Geimasten, Hodafleg, Heilingstod, Heannam, Irnsing, Kapfastoa, Lina, Macham, Mauan , Mühlhausn , Nidaulro, Obaulro, Schwoag, Sittling, Umbatshausn und Wia.
In de Deafa lem vui Bauan. Hopfa und Spargl san bsondas wichti.
D'Geschichte
D'Stod Neistod is ausm Doaf Trephenau entstandn, des da Herzog Ludwig da Strenge zu a Stod umbaun lassn hod. Zerst hod de Stod no Seligenstod ghoassn. Unda dem Nam san da Stod d'Stadtrecht valiehn woan und zwa am 11.Mai 1273. Neistod hod domit s'eateste Stodrecht vo Bayern, des unda de Wittelsbacha valiehn woan is. Späda hod si statt Seligenstod da Nam Neistod eibirgad. 1277 hod da Abt vo Weatnbuag in a Uakundn erstmois vo Neistod gschriem.
Neistod is in da Vagangaheit oft zastert und vo da Doana ibaschwemmt woan. Z'lezt oba, hod si Neistod zu an Industriestandoat entwicket, mit 6900 Abeitspletz. Ogfanga hods mit da Raffanirie Neistod in de 1960er Joa. Weida ganga is in 1980er Joa, ois si vui Automobilzulifera ogsiedl hom. Net zuletzt hod Neistod a vom Kuaoat Gegging Nutzn zogn.
D'Oidstod vo Neistod hod si no erhoidn, so wias frias wa. Sie is quadratisch, viaeckig und reglmäßig afbaut. Da sid-estliche Tei vo da Oidstod is net reglmäßig, wesweng ma moand, dass des des oide Trephenau gwen is. Da Stodwoi is a no do. Genauso da Stodgrom und de drei Stoddiam. Afm Stodwoi hams im vorigen Jahundat schene Kastanienbam afi pflanzt. Heid kom ma duach a schene Kastanienallee, de net schena sei ko, geh.
Partnaschaftn mid andre Sted
Neistod is in da Abatsgmeinschaft Neustadt in Europa. 36 Neistod san do drin. Sogoa aus Ungan, Tschechien, Poln und da Slowakei. A Freindschaft bschteht zua Recoaro Terme,Provinz Vicenza, Italien
Wiatschaft und Infrastruktur
Vakehr
In Neistod kreizn se de Bundesstrassn B 16 und B2 999. Iba de zwoa Strassn kimd ma zua Audobahn A 9, de nach Minga oda Rengsbuag fiad. An Bahnhof hod Neistod a. In da Näh bei Keaham gibts an Doanhafn und da nexte Flugblooz is in Erding.
Seidn im Intanet
Commons: Neustadt an der Donau – Sammlung vo Buidl, Videos und Audiodateien- ↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).