Der Spiegel (Eignschreibweis: DER SPIEGEL) is a deitsches Nochrichtnmagazin, des im Spiegel-Valog in Hamburg erscheint und wejdweit vatriem wird. Mit oana Auflogn vo knopp iaba oana Million Exemplarn is des de gresste aktuelle Zeitschrift in Deitschland.[1]
Der Spiegel wird wegn seim großn Einfluss ois Leitmedium bezeichnet.[2][3] In da bundesdeitschn Pressegschicht nehman Der Spiegel und sei Grinda Rudolf Augstein a ganz wichtig Roin ein.[4] Des 1947 grindte Blattl hod sei Bedeitung im Kampf um de Pressefreiheit in da (Spiegel-Affäre) erreicht und wegn da Afdeckung vo zoireichn Affärn und Skandaln.
Der Spiegel erscheint montogs (in Berlin, Lübeck und Dresden sonntags). Mit am wirtschoftli und redaktionell eignständign Spiegel Online betreibt da Valog außadem de reichweitnstärkste Nochrichtn-Netzseitn im deitschsprochign Internet.
