West Virginia

Hauptstod:

Charleston

Stootsmotto:

Montani Semper Liberi
(lat.:Die Bergbewohner sind immer frei)

Fläch:

62.755 km²

Eihwohna:

1.852.994 (Zensus 2010) (29 E. / km²)

Mitglied seit:

20. Juni 1863

Zeit:

Eastern: UTC-5/-4

Häxda Punkt:

1.482 m (Spruce Knob)

Durchschn. Hächn:

455 m

Diafsta Punkt:

73 m Potomac

Gouverneur:

Earl Ray Tomblin (D)

Post / Amt / ISO

WV / / US-WV

Koartn vo West Virginia

Topografische Karte West Virginias

West Virginia (engl. Aussprache [wɛst vɝːd͡ʒɪnjə], deitsch ejda a West-Virginien) is oana vo de Bundesstaatn vo de Vereinigtn Staatn a da Region vo de Appalachen, oigmoa a bekannt ois The Mountain State (Da Bergstaat). West Virginia hod se vo Virginia am Sezessionsgriag trennd.

Eadkunde

Ling duads a de Appalachen, grenzt am Noadostn an Pennsylvania und Maryland, an Virginia am Siadostn, an Ohio am Noadwestn und am Siadwestn an Kentucky. Mid arana Flächn vo 62.755 km² is da 41 grässte Stod vo de Vaeinigtn Staatn.

Bevejkarung

Virginia hod 1.818.470 Eiwohna (Stand: Zensus 1. Juli 2006), davo hand 94,6% Weiße, 3,2% Afro-Amerikana, 0,8% Mittl- bzw. Lateinamerikana, 0,6% Asiatn und 0,2% Indiana.^[1]

Grod 1,1% vo de Eiwohna vo dem Bundesstod hand ned a de Vereinigtn Staatn geboan. Aussadem hod da Stod den gleanstn Brozentanteil vo de Eiwohna (2,7%) vo olle Bundesstaatn, de wos dahoamd a andane Sproch ois wia Englisch schmatznd.

De fimft gresstn Gruppm vo Voafohn hand: Amerikana (23,2%), Deitsche (17,2%), Iren (13,5%), Englända (12%) und Idaliena (4,8%). Gressane deitschstämmige Bvejkarungsteile hand am Noadostn vo West Virginia ogsiedld.

5,6% vo da Bvejkarung vo West Virginia hand unda 5 Jea oid, 22,3 % unda 18, und 15,3 % hand ejda ois wia 60e. Da Ateil vo de Fraun vo da Gsamdbvejkarung is bei 51,4 Brozent.

Gresstn Städt

Buidung

De wichtigte Hochschui is d West Virginia University.

Kuitua und Sengswiadigkeitn

Allegheny Mountains

De hand oba nu ned so stoag touristisch daschlossn, obwois grod a boa Audostundn vo de Medroboin vo de Ostkistn wegad hand.

New River Gorge

A bekannte 300 m diafe Schlucht, de wos grod iban Wossaweg (Rafting) zum dareicha is, westle vo da Ortschaft Lewisburg oda vo da Eisnbahnbruck vom Amtrakzug aus mid am phantastischm Ausblick zum genießn. An Haufa Extremsportler reizt oba a Sprung mid am Gleitfoischiam mehra.