Brigham Young
Si Brigham Young (/ˈbrɪɡəm/; Hunyo 1, 1801 – Agosto 29, 1877) sarong Amerikanong lider nin Kahiroan nin mga Banal sa Huring-Aldaw asin sarong paraerok sa Kasulnopan kan Estado Unidos. Siya sarong Presidente kan An Simbahan ni Jesukristo nin mga Banal sa Huring-aldaw (LDS Church) magpoon 1847 sagkod na siya naggadan kan 1877, siya an pundador kan Salt Lake City, asin siya nagsirbe bilang pinakaenot na gobernador sa Utah, Estados Unidos. Siya man an nangenot na ipagpundar an University of Utah asin Brigham Young University.
Si Brigham Young nagkaigwa nin manlaenlaen na gaha, sa mga ini mas bantog siyang pinag-aapod na “Amerikanong Moises”, (alternatibong kaapudan iyo an “Modernong Moises” o an “Mormon Moises” nin huli ta, arog sa biblikong pigura, si Young an nangenot sa saiyang mga parasunod, an Mormon Pioneers, sa sarong eksodus na nag-agi sa disyerto, hanggan sa nanagboan ninda bilang sarong pinagpromisang kadagaan. Si Young pinag-apod man kan saiyang mga parasunod na an “Leon nin Kagurangnan” nin huli kan saiyang pusoanong personalidad, asin bantugan man sa kaapudan na “Brother Brigham” kan Mga Banal sa Huring-Aldaw. Si Young sarong poligamista asin imbuwelto sa mga kontrobersiya mapanungod sa mga Maitom na katawohan asin an Pagkasaserdote, an Giyera sa Utah, asin an masaker sa Mountain Meadows.
