Мільянарыяс Багата

Мільянарыяс
Поўная назва	Azul y Blanco Millonarios Fútbol Club S.A.
Заснаваны	18 чэрвеня 1946
Горад	Багата, Калюмбія
Стадыён	Эль-Кампін Умяшчальнасьць: 36 343
Чэмпіянат	Прымэра А
· 2023	2 месца
Галерэя здымкаў у Вікісховішчы millonarios.com.co (гішп.)

«Мільяна́рыяс» (па-гішпанску: Millonarios) — калюмбійскі футбольны клюб з гораду Багаты. Гэта адзін з самых пасьпяховых і знакавых клюбаў краіны, які ёсьць адным з самых папулярных ня толькі ў Калюмбіі, але і ў Паўднёвай Амэрыцы. З моманту свайго стварэньня ў 1948 годзе «Мільянарыяс» браў удзел у розыгрышы чэмпіянату Калюмбіі. Галоўнымі супернікамі клюбу з Багаты ёсьць «Індэпэнд’ентэ Санта-Фэ», «Атлетыка Насьяналь» ды калійскія клюбы «Дэпартыва» і «Амэрыка». Свой першы тытул каманда здабыла ў 1949 годзе і паўтарыла свой посьпех у некалькі наступных гадах. У той час за багатыйцаў гуляў знакаміты аргентынскі нападнік Альфрэда Дзі Стэфана.

Гісторыя

У 1937 годзе група навучэнцаў з прыватнай каталіцкай школы імя Сан-Барталямэ, якая месьцілася ля пляцу Балівара ў гістарычным цэнтры сталіцы, пастанавіла стварыць футбольную каманду з мэтай гуляць матчы супраць камандаў зь іншых частак гораду. Свае першыя матчы дружына ладзіла на тэрыторыі маёнтку Ля-Мэрсэд, які належыў школе ў той час. Частка гульцоў мелася назваць каманду «Ўніён Хувэнтуд» (бел. Моладзевы зьвяз), але іншая частка аддавала перавагу назьве «Ўніён Багатана» (бел. Багатыйскі зьвяз). Гульцы вырашылі чаргаваць назву ад матчу да матчу, але, у рэшце рэшт, яны спыніліся на назве «Хувэнтуд Багатана», якая спалучала абодва варыянты.

Цягам годам клюб набыў папулярнасьць і быў запрошаны на міжнародныя гульні ў Панаму ў якасьці нацыянальнай зборнай Калюмбіі. На гэтых гульнях краінаў Цэнтральнай Амэрыкі і Карыбскага басэйну каманда здабыла бронзавыя мэдалі. У 1939 годзе за клюб гулялі тры аргентынскія футбалісты, што стала першым выпадкам, калі замежнікі абаранялі колеры клюбу з Багаты. У 1946 годзе клюб аб’яднаўся з клюбам «Дэпартыва Мунісыпаль», у выніку чаго ўтварыўся «Мільянарыяс». Клюб вельмі значна скарыстаўся страйкам футбалістам у аргентынскім футболе ў 1948 годзе, гэтак да каманды далучыліся Альфрэда Дзі Стэфана, Альфрэда Пэдэрнэра, Нэстар Росі ды іншыя. Акрамя некалькіх перамог у нацыянальным першынстве «Мільянарыяс» у сакавіку 1952 году наведаў Гішпанію, дзе на Сант’яга Бэрнабэў выгулялі мадрыдзкі «Рэал» зь лікам 4:2. На думку некаторых адмыслоўцаў гэтая калюмбійская каманда была найлепшай у сьвеце напачатку 1950-х гадоў.

Дасягненьні

• Чэмпіён Калюмбіі: 16

1949, 1951, 1952, 1953, 1959, 1961, 1962, 1963, 1964, 1972

1978, 1987, 1988, 2012–II, 2017–II, 2023–I

• Уладальнік Кубка Калюмбіі: 3

1953, 2011, 2022

• Пераможца Супэрлігі Калюмбіі: 3

2018

Склад

Актуальны на 13 верасьня 2024 году

№ Пазыцыя Імя Год нараджэньня 1 Бр Іван Арбаледа 1996 3 Аб Амар Бэртэль 1996 4 Аб Хуан Паблё Варгас 1995 6 Аб Сэрхіё Маскера 1994 7 ПА Фэлікс Чарупі 2001 8 ПА Даніель Гіральда 1992 9 Нап Радамэль Фалькао 1986 10 ПА Даніель Катаньнё 1992 11 Нап Даніель Мантыльля (ар. Дэп. Калі) 1996 12 Бр Дыега Навоа 1989 13 ПА Хуан Рамірэс 2002 14 ПА Давід Сыльва (капітан) 1986 15 Нап Джон Кордаба (ар. Малякатэка) 2000 16 Нап Хадэр Валенсія 1999 17 Аб Хорхэ Арыяс 1992 18 Нап Даніель Руіс Рывэра 2001 20 Аб Дановіс Бангера 1989

№ Пазыцыя Імя Год нараджэньня 21 ПА Хуан Карляс Пэрэйра 1993 22 Аб Дэльвін Альфонса 2000 23 Нап Леанарда Кастра 1992 24 ПА Ховані Вэльч (ар. Альянса) 1999 25 Нап Люіс Парэдэс 2001 26 Аб Андрэс Льінас 1997 28 ПА Стывэн Вэга 1998 29 Аб Алекс Марэна 2002 30 Аб Рыкарда Расалес 2001 31 Бр Альвара Мантэра 1995 32 Нап Сант’яга Джардана 1995 33 ПА Нікаляс Арэвалё 2003 34 Аб Сандэр Навара 2003 37 Аб Джоан Эрнандэс 2006 42 Нап Джон Ляргача 2004 77 Нап Кевін Палясіяс (ар. Фарталеса) 2000 — Аб Самуэль Аспрыльля 2003

Вонкавыя спасылкі

• Афіцыйны сайт клюбу