Альбін Курці

Альбін Курці
алб.: Albin Kurti
Прэм’ер-міністр Косава[d] 3 лютага 2020 — 3 чэрвеня 2020
Папярэднік	Рамуш Харадзінай[d]
Пераемнік	Авдула Хоці[d]
Прэм’ер-міністр Косава[d] з 22 сакавіка 2021
Папярэднік	Авдула Хоці[d]
Нараджэнне	24 сакавіка 1975(1975-03-24) (49 гадоў) Прышціна, абшчына Прышціна[d], Сацыялістычны аўтаномны край Косава, Сацыялістычная Рэспубліка Сербія, СФРЮ
Партыя	Самавызначэнне
Адукацыя	Прышцінскі ўніверсітэт
Аўтограф
Медыяфайлы на Вікісховішчы

Альбін Курці (алб.: Albin Kurti; 24 сакавіка 1975, Прышціна, СФРЮ) — косаўскі палітык. Лідар партыі «Самавызначэнне». Дзеючы прэм’ер-міністр Косава з 22 сакавіка 2021 года. У мінулым — выконваючы абавязкі прэм’ер-міністра (2020), раней — прэм’ер-міністр Косава з 3 лютага па 25 сакавіка 2020 года. Да і падчас Косаўскай вайны ў 1999 годзе — студэнцкі лідар і палітычны зняволены.

Біяграфія

Вучыўся ва ўніверсітэце Прышціны, быў кіраўніком Незалежнага саюза студэнтаў універсітэта Прышціны і адным з арганізатараў хваляванняў албанскіх студэнтаў, якія выступалі за падзел Югаславіі. У 1997 годзе ён далучыўся да байцоў Арміі вызвалення Косава. З 1997 па 1999 год Курці арганізоўваў пратэсты студэнтаў у Прышціне і іншых буйных гарадах Косава. У 1999 годзе быў прысуджаны да 15 гадоў турэмнага зняволення; ў 2001 годзе пасля падзення Мілошавіча быў вызвалены новым югаслаўскім урадам.

За гэты час ён атрымаў статус аднаго з самых вядомых лідараў косаўскага руху за незалежнасць. Курці набыў шырокі палітычны вопыт і падтрымку за мяжой у Вашынгтоне, Нью-Ёрку, Бруселі, Капенгагене і ў Еўрапейскім парламенце ў Страсбургу. Ён таксама сустракаўся з высокапастаўленымі прадстаўнікамі Заходняй Еўропы і ЗША.

3 лютага 2020 года парламент Косава зацвердзіў урад Курці. 25 сакавіка парламент выказаў вотум недаверу першаму кабінету Курці за адмову ўвесці надзвычайнае становішча ў сувязі з пандэміяй COVID-19.

Партыя Курці перамагла на парламенцкіх выбарах 2021 года і 22 сакавіка 2021 года парламент Косава зацвердзіў другі кабінет Курці.

Спасылкі

• Kosova Crisis Center