Арабістыка

Арабістыка — сукупнасць навуковых дысцыплін, якія вывучаюць арабскую мову, літаратуру, гісторыю, эканоміку, культуру, рэлігію, этнаграфію арабскіх краін.

Першыя арабісты (асобы, што вывучаюць розныя аспекты арабскага свету, але не належаць да яго) з’явіліся ў сярэднявечнай Іспаніі, па якой праходзіла граніца паміж мусульманскім і хрысціянскім светам. Пераклады арабскіх тэкстаў на лацінскую мову з’яўляюцца ўжо ў 10 стагоддзі, галоўным цэнтрам з 12 стагоддзя становіцца таледская школа.

Пасля заняпаду ў часы Рэфармацыі арабістыка пачынае імкліва развівацца і распаўсюджваецца на іншыя еўрапейскія краіны: Англію, Італію, Францыю, Германію, Нідэрланды.

З 18 стагоддзя арабістыка развіваецца ў Расіі. У СССР праблемы арабістыкі распрацоўваліся ў Маскве, Ленінградзе, Баку, Ташкенце, Тбілісі, Душанбэ, Ерэване.

У цяперашні час беларускіх арабістаў рыхтуюць Ваенны універсітэт Міністэрства абароны РФ (былы Ваенны інстытут замежных моў), Школа замежных моў Інстытута ўзброеных сіл Катара, Беларускі дзяржаўны універсітэт, Мінскі дзяржаўны лінгвістычны універсітэт.

Постаці арабістыкі

• Уладзімір Фёдаравіч Гіргас
• Уладзімір Паўлавіч Дзямідчык
• Ігнацій Юльянавіч Крачкоўскі
• Антон Восіпавіч Мухлінскі