Міноры Сато

Міноры Сато
Нарадзіўся	2 сакавіка 1991(1991-03-02) (33 гады) Маэбасі, прэфектура Гуму, Японія
Грамадзянства	Японія
Рост	169 см
Вага	65 кг
Пазіцыя	паўабаронца
Інфармацыя пра клуб
Клуб	няма
Клубная кар’ера
2009 Зеспакусацу 29 (0) 2010 Індыяна Інвэйдэрс 10 (1) 2010 Пуэбла 0 (0) 2010 →  Гулбэнэ 2005 7 (10) 2011 Вэнтспілс 12 (0) 2011—2012 Сконта (Рыга) 38 (3) 2013 Дынама (Брэст) 27 (0) 2014—2016 Бунёдкар (Ташкент) 71 (10) 2017 Аль-Муайдар (Доха) 12 (2) 2017 Рыга 10 (0) 2018 Кванджу 12 (0) 2019 Рыга 10 (1) 2019—2020 СКА-Хабараўск 3 (0)

Міноры Сато (яп.: 佐藤穣, нар. 2 сакавіка 1991, прэфектура Гуму, Японія) — японскі футбаліст, паўабаронца.

Клубная кар’ера

Пачынаў кар’еру ў Японіі, пазней транзітам праз ЗША і Мексіку трапіў у Латвію, дзе змог праявіць сябе. Двойчы выйграваў Кубак Латвіі.

У сакавіку 2013 года перайшоў у брэсцкае «Дынама». У брэсцкім клубе адразу стаў адным з ключавых ігракоў, выступаў на пазіцыі атакуючага паўабаронцы. У снежні 2013 года кантракт з «Дынама» быў скасаваны.

У канцы 2013 — пачатку 2014 гадоў знаходзіўся на праглядзе ў розных клубах польскай Экстраклясы (шчэцінскай «Погані», гданьскай «Лехіі» і ўроцлаўскім «Шлёнску»), пасля ў казахстанскім «Спартаку». У выніку, у сакавіку 2014 года падпісаў двухгадовы кантракт з ташкенцкім «Бунёдкарам». У другой палове сезона 2014 стаў трывала гуляць у аснове «Бунёдкара».

У пачатку 2017 года перайшоў у катарскі клуб «Аль-Муайдар». Улетку таго ж года вярнуўся ў Латвію, стаўшы іграком клуба «Рыга». У студзені 2018 года перайшоў у паўднёвакарэйскі «Кванджу», а ў лютым 2019 года зноў далучыўся да «Рыгі».

У жніўні 2019 года стаў іграком «СКА-Хабараўска», дзе гуляў да канца сезона 2019/20.

Дасягненні

• 02 Срэбраны прызёр чэмпіянату Латвіі: 2012
• 03 Бронзавы прызёр чэмпіянату Латвіі: 2017
• Пераможца Кубка Латвіі (2): 2011, 2012
• Пераможца Першай лігі чэмпіянату Латвіі: 2010
• 02 Срэбраны прызёр чэмпіянату Узбекістана: 2016