Мірка Іваніч

Мірка Іваніч
Агульная інфармацыя
Нарадзіўся	13 верасня 1993(1993-09-13) (31 год) Бачкі-Ярак[d], Тэмерын[d], абшчына Тэмерын[d], Паўднёва-Бацкая акруга[d], аўтаномны край Ваяводзіна, Рэспубліка Сербія, Саюзная Рэспубліка Югаславія
Грамадзянства	Чарнагорыя Сербія
Рост	182 см
Вага	73 кг
Пазіцыя	паўабаронца
Інфармацыя пра клуб
Клуб	Црвена Звезда
Нумар	4
Клубная кар’ера
2012—2015 Вайводзіна (Нові-Сад) 56 (20) 2012—2013 →  Пролетар (Нові-Сад) 24 (5) 2013 →  Пролетар (Нові-Сад) 15 (6) 2016—2018 БАТЭ (Барысаў) 78 (17) 2019— Црвена Звезда (Бялград)
Нацыянальная зборная
2015 Сербія (да 21) 1 (0) 2017— Чарнагорыя 13 (1)
Медыяфайлы на Вікісховішчы

Мірка Іваніч (сербск.: Мирко Иванић, нар. 13 верасня 1993, Бачкі-Ярак, Сербія) — сербскі і чарнагорскі футбаліст, паўабаронца бялградскай «Црвены Звезды» і нацыянальнай зборнай Чарнагорыі.

Клубная кар’ера

Мірка з’яўляецца выхаванцам «Вайводзіны» з Нові-Сада. У 2012 годзе быў аддадзены ў арэнду тэрмінам на адзін год у «Пролетар», які выступаў у Першай лізе Сербіі. Дэбютны матч правёў 22 верасня 2012 года супраць «Младасці», выйшаўшы на замену ў канцы сустрэчы. 10 лістапада адзначыўся першым забітым голам у гульні з клубам «Чукарычкі». Усяго ў сезоне 2012/13 паўабаронца прыняў удзел у 24 гульнях і забіў 5 мячоў. Улетку 2013 года, вярнуўшыся ў «Вайводзіну», Мірка дэбютаваў у еўракубках, з’явіўшыся на полі ў канцы сустрэчы кваліфікацыі Лігі Еўропы з венгерскім клубам «Гонвед». Неўзабаве Іваніч ізноў быў арандаваны «Пролетарам».

У канцы восені 2013 года ў сувязі з рашэннем кіраўніцтва «Вайводзіны» аб амаладжэнні складу Іваніч быў адкліканы з арэнды. 22 сакавіка 2014 года правёў дэбютную гульню за клуб з Нові-Сада. 3 мая 2014 года ў гульні з «Яварам» адзначыўся забітым мячом, які стаў для Міркі першым у Суперлізе Сербіі.

Іваніч стаў уладальнікам Кубка Сербіі 2013/2014, прыняўшы ўдзел у фінальным матчы з «Ягодзінай», у якім паўабаронца запісаў на свой рахунак галявую перадачу.

2 лютага 2016 года было абвешчана аб пераходзе серба ў беларускі БАТЭ. У складзе барысаўскага клуба замацаваўся ў аснове на пазіцыі атакуючага паўабаронцы. У сезоне 2017 канчаткова асвоіўся ў складзе барысаўчан, у жніўні 2017 года ў двух матчах плэй-оф Лігі Еўропы забіў 3 галы ў браму «Александрыі», чым дапамог БАТЭ выйсці ў групавы этап, дзе 28 верасня паразіў браму лонданскага «Арсенала» (выніковы лік 2:4).

У сакавіку 2018 года падоўжыў кантракт з БАТЭ. У сезоне 2018 стаў найлепшым бамбардзірам каманды з 14 галамі ва ўсіх турнірах.

У лютым 2019 года за 1,3 млн еўра перайшоў у бялградскую «Црвену Звезду».

Міжнародная кар’ера

30 сакавіка 2015 года згуляў свой адзіны матч за моладзевую зборную Сербіі, выйшаўшы на замену ў канцы таварыскага матчу з Італіяй (1:0). Улетку таго ж года ў складзе зборнай паехаў на моладзевы чэмпіянат Еўропы ў Чэхію, але так і не з’явіўся на полі.

У сакавіку 2017 года быў запрошаны ў нацыянальную зборную Чарнагорыі, у складзе якой дэбютаваў 26 сакавіка 2017 года ў адборачным матчы чэмпіянату свету 2018 супраць Польшчы (1:2).

Дасягненні

• 01 Чэмпіён Сербіі (5): 2019, 2020, 2021, 2022, 2023
• Уладальнік Кубка Сербіі (4): 2014, 2021, 2022, 2023
• 01 Чэмпіён Беларусі (3): 2016, 2017, 2018
• Уладальнік Суперкубка Беларусі (2): 2016, 2017
• У спісе 22 найлепшых футбалістаў чэмпіянату Беларусі (2): 2017, 2018