Сэндфард Флемінг

Сэндфард Флемінг
англ.: Sandford Fleming
Род дзейнасці	дызайнер паштовых марак, вынаходнік, інжынер
Дата нараджэння	7 студзеня 1827(1827-01-07)
Месца нараджэння	Керкалдзі[d], Kirkcaldy[d], Файф, Шатландыя, Злучанае каралеўства Вялікабрытаніі і Ірландыі
Дата смерці	22 ліпеня 1915(1915-07-22) (88 гадоў)
Месца смерці	Галіфакс Сіці[d], Галіфакс, Новая Шатландыя, Канада
Месца пахавання	Beechwood Cemetery[d]
Грамадзянства	Канада  Злучанае каралеўства Вялікабрытаніі і Ірландыі
Дзеці	Lily Frances Fleming[d]
Член у	Каралеўскае таварыства Канады Каралеўскае таварыства Канады (1889)
Узнагароды і прэміі
Медыяфайлы на Вікісховішчы

Сэр Сэндфард Флемінг (англ.: Sandford Fleming; 7 студзеня 1827 — 22 ліпеня 1915) — інжынер, які стварыў чыгуначную сетку Канады.

Дзякуючы Флемінгу свет быў умоўна падзелены на часавыя паясы — ідэю абгрунтаваў у 1869 годзе Чарлз Ф. Дауд, дырэктар школы з Саратога Спрынгс, а сэр Сэндфард Флемінг актыўна падтрымаў яе. Таксама ён быў дызайнерам першых канадскіх паштовых марак.

Біяграфія

Нарадзіўся ў Керкалдзі, Файф, Шатландыя. У 14-гадовым узросце стаў памочнікам каморніка. У 18-гадовым узросце разам са старэйшым братам пераехаў у Канаду. Браты доўга падарожнічалі па Канадзе, наведалі большасць буйных гарадоў краіны, пакуль не пасяліліся ў Пітэрбара. У 1849 годзе Стэнфард Флемінг уладкаваўся каморнікам. У тым жа 1849 годзе стаў студэнтам Каралеўскага Канадскага інстытута. Спачатку інстытут планаваўся як установа па практычных курсах для інжынераў і геадэзістаў. Але пазней у ім сабралася ўплывовая навуковая супольнасць. У 1851 годзе Стэндфард Флемінг узяў удзел у распрацоўцы першай канадскай маркі Threepenny Beaver.

Спачатку працаваў геадэзістам, пасля быў павышаны да галоўнага інжынера Паўночнай Канадскай чыгункі. Флемінг актыўна падтрымліваў адмову ад драўляных мастоў на карысць металічных. У гэтым перыяд шмат канфліктуе з архітэктарам Фрэдэрыкам Уільямам Камберлендам.

У 1862 годзе Флемінгу даручылі будаўніцтва транскантынентальнай чыгункі. Далёка не ўсе падтрымлівалі яго ідэю будаваць металічныя чыгуначныя масты — дужа дарагімі яны былі. Толькі пазней кіраўніцтва зразумела іх надзейнасць і пажараўстойлівасць.

У 1863 годзе прызначаны галоўным урадавым геадэзістам Новай Шатландыі. На гэтай пасадзе ўзначальваў будаўніцтва адной з новых чыгуначных ліній. Неўзабаве Флемінг адмаўляецца супрацоўнічаць з падрадчыкамі з-за, на яго думку, занадта высокіх цэн. Яму прапанавалі заняцца будаўніцтвам самому. Флемінг будуе чыгуначную лінію параўнальна танна і ашчаджае значныя бюджэтныя сродкі.

У 1880 годзе пакідае геадэзію і ўладкоўваецца ў Каралеўскі Інстытут Кінгстана, дзе застаецца на пасадзе ганаровага рэктара да канца жыцця.

Спасылкі

• Sir Sandford Fleming (англ.)
• Біяграфія С. Флемінга (руск.)