Міхаіл Кікоін

Міхаіл Кікоін
фр.: Michel Kikoine
Дата нараджэння	31 мая 1892(1892-05-31)[…]
Месца нараджэння	Гомель, Гомельскі павет, Магілёўская губерня, Расійская імперыя або Рэчыца, Рэчыцкі павет, Мінская губерня, Расійская імперыя
Дата смерці	4 лістапада 1968(1968-11-04)[…] (76 гадоў)
Месца смерці	XIV акруга Парыжа, Парыж, рэгіён Іль-дэ-Франс, Метраполія Францыі, Францыя
Грамадзянства	Расійская імперыя  Францыя
Дзеці	Жак Янкель[d]
Род дзейнасці	мастак
Жанр	партрэт і нацюрморт
Вучоба	Нацыянальная вышэйшая школа прыгожых мастацтваў
Мастацкі кірунак	экспрэсіянізм і Парыжская школа[d]
Медыяфайлы на Вікісховішчы

Міхаіл Кікоін (Мішэль Кікоін, фр.: Michel Kikoïne; 31 мая 1892, Гомель — 4 лістапада 1968, Парыж) — беларускі і французскі мастак яўрэйскага паходжання, прадстаўнік Парыжскай школы.

Біяграфія

Нарадзіўся ў сям'і камерсанта ў Гомелі. У хуткім часе сям'я пераехала ў г. Рэжыцу Віцебскай губерні (цяпер Рэзэкнэ, Латвія). У 1904 сям'я перабралася ў Мінск.

Міхаіл Кікоін (у першым шэрагу злева), Вільня (1912)

Вучыўся ў прыватнай школе мастака Я. Кругера (Минск, 1907—1910), потым у малявальнай школе мастака І. Трутнева (Вільня, 1910—1912). З'ехаў у Парыж у 1912, дзе пасяліўся ў інтэрнаце бедных мастакоў «Вулле» («La Ruche»). На працягу некалькі месяцаў занімаўся ў парыжскай Нацыянальнай вышэйшай школе.

З 1914 прымаў удзел у выстаўках Восеньскага салона і салона Незалежных у Парыжы.

У 1920 выконваў абавязкі сакратара Восеньскага салона.

Першыя персанальныя выстаўкі прайшлі ў 1919 (галерэя «Cheron») і 1924 (галерыі «Netter», «L. Zborovsky»).

У 1924 атрымаў французскае грамадзянства.

Удзельнічаў у выстаўке сучаснага французскага мастацтва ў Маскве (1928).

З 1928 працаваў ва ўласным атэлье–майстэрні на Манпарнасе, актыўна ўдзельнічаў у шматлікіх выстаўках.

У 1968 памёр у Парыжы ў сваёй майстэрні.

Яго сын — французскі мастак Якаб Кікоін (14 красавіка 1920 — 2 красавіка 2020, псеўданім Жак Янкель). Разам з сястрой Клэр (1915—2013) ён заснаваў Фонд Кікоіна пад эгідай грамадскай арганізацыі «Fondation du Judaïsme Français».

У экспазіцыі Нацыянальнага мастацкага музея Рэспублікі Беларусь знаходзіцца адзін твор Міхаіла Кікоіна. У карпаратыўнай калекцыі ААТ «Белгазпрамбанк» налічваецца шэсць жывапісных работ мастака.

Па замове ААТ «Белгазпрамбанк» быў зняты фільм «Михаил Кикоин. Поэтический мир на холсте».

Публічныя зборы

• Musée d'art et d'histoire du Judaïsme (Парыж, Францыя) — http://www.mahj.org/
• Museum voor Moderne Kunst (Астэндэ, Фландрыя, Бельгія) — http://www.pmmk.be/ Архівавана 6 снежня 2000.

Літаратура

• Владимир Счастный. Художники Парижской школы из Беларуси: эссе, биографии, путеводитель. - 2-е изд., переработанное и дополненное. - Минск : Четыре четверти, 2012. - 173 с. - ISBN 978-985-7026-60-9.
• Kikoïne: Les pionniers de l’Ecole de Paris. Textes de Ariel Kyrou et al., Ed. de l’Albaron, Thonon-les-Bains (Fondation Kikoïne),1996.
• Kikoïne et ses amis de l’École de Paris (Paris: Fondation Kikoïne, sous l’égide du Judaïsme Français, 1993).
• Kikoïne, un maître de l'Ecole de Paris. Textes de Jean-Marie Dunoyer et Gilles Néret. Ed. Arte, Adrien Maegt, Paris, 1987.
• Hommage a Kikoine: [Catalogue]. Galerie de France. Paris, 1973.
• Kikoine. Catalogue Raisonné sur l'oeuvre de Kikoïne / Préface de Jean Cassou: Textes Edouard Roditi, Mendel Mann, Jacques Yankel. Paris: Ed. d’Art H. Piazza, 1973.

Спасылкі

Вонкавыя выявы
Работы Міхаіла Кікоіна
	«Нацюрморт», Нацыянальны мастацкі музей Рэспублікі Беларусь

• Михаил Кикоин Архівавана 30 жніўня 2020. // на сайце artbelarus.by
• Michel Kikoïne // www.photo.rmn.fr.