Netscape Navigator
| Netscape Navigator | |
|---|---|
 | |
 | |
| Тып | браўзер |
| Распрацоўшчык | Netscape[d] і AOL |
| Першы выпуск | 15 снежня 1994 |
| Апошняя версія |
|
| Сайт | archive.netscape.com (англ.) |
 Медыяфайлы на Вікісховішчы | |
Netscape Navigator — прапрыетарны вэб-браўзер, створаны кампаніяй Netscape Communications Corp у 1994 годзе.
На працягу 1990-х Netscape Navigator заставаўся тэхнічным лідарам сярод вэб-браўзераў. Netscape прадставіла ў 1994 годзе паказ вэб-старонак на ляту — тэкст і графіка з’яўляліся на экране па меры спампоўкі вэб-старонкі. Ранейшыя вэб-браўзеры не паказвалі старонку, пакуль уся графіка на ёй не была спампавана — карыстальнік бачыў пустую старонку на працягу некалькіх хвілін. Інавацыямі Netscape Navigator былі таксама файлы cookie, фрэймы,[1] аўтаматычная канфігурацыя проксі-сервераў[2] і JavaScript.
Браўзер быў даступны для шырокага спектру аперацыйных сістэм: Windows (3.1, 95, 98, NT), Macintosh, Linux, OS/2,[3] многіх версій Unix, уключаючы OSF/1, Sun Solaris, BSD — і выглядаў і працаваў амаль аднолькава на кожнай з іх.
Netscape Navigator дамінаваў на рынку браўзераў у 1990-х гадах, аднак у выніку так званай першай вайны браўзераў — у тым ліку антыканкурэнтнага выкарыстання ў Windows браўзера Internet Explorer — страціў сваю ролю. Доля Netscape Navigator на рынку была больш за 90 працэнтаў у сярэдзіне 1990-х і паступова зменшылася да менш чым аднаго працэнта ў 2006 годзе.
28 снежня 2007 года распрацоўка браўзера была спынена, падтрымка з абнаўленнямі бяспекі працягвалася да 1 сакавіка 2008 года.
Спадчына
[правіць | правіць зыходнік]Найвялікшым укладам Netscape у Інтэрнэт з’яўляецца мова праграмавання JavaScript. Яе выніковая спецыфікацыя ECMAScript паводле Ecma International дазволіла падтрымліваць JavaScript некалькімі браўзерамі і выкарыстоўваць яго ў якасці міжбраўзернай мовы сцэнарыяў доўга пасля таго, як Netscape Navigator выйшаў з ужытку.
Іншым прыкладам з’яўляецца тэг FRAME, які быў уключаны ў афіцыйныя вэб-стандарты, такія як спецыфікацыя «HTML 4.01 Frameset».
У часопісе PC World за 2007 год Netscape Navigator быў названы «найлепшым тэхнічным прадуктам усіх часоў» з-за яго ўплыву на Інтэрнэт.[4]
Гл. таксама
[правіць | правіць зыходнік]Зноскі
- ↑ Ladd, Eric. Using HTML 3.2, Java 1.1, and CGI; Ch. 13, Frames. Архівавана з першакрыніцы 30 October 2007.
- ↑ Navigator Proxy Auto-Config File Format. dead. Архівавана з першакрыніцы 18 December 2006.
- ↑ Watson, Dave. A Quick Look at Netscape. live. The Southern California OS/2 User Group (21 ліпеня 2001). Архівавана з першакрыніцы 16 July 2011.
- ↑ The 50 Best Tech Products of All Time. live. PCWorld (2 красавіка 2007). Архівавана з першакрыніцы 6 September 2015.
Слоўнікі і энцыклапедыі | |
|---|---|
| Нарматыўны кантроль | NKC: ph117917 |
