Arab Saudi

Kerajaan Arab Saudi
المملكة العربية السعودية (Arab)
al-Mamlakah al-ʿArabīyah as-Suʿūdīyah

Ibu negeri

Riyad

Nama pengendek

Arab
Saudi

Arab Saudi (hurup Arab Gundul: عرب سعودى; Arab: العربية السعودية al-ʿArabiyyah al-Suʿūdiyyah) atawa Arab (hurup Arab Gundul: عرب) atawa Negeri Arab (hurup Arab Gundul: نݢرى عرب) atawa Saudi (hurup Arab Gundul: سعودى; Arab: السعودية al-Suʿūdiyyah) atawa resminya Kerajaan Arab Saudi (hurup Arab Gundul: كراجأن عرب سعودى; Arab: المملكة العربية السعودية al-Mamlakah al-ʿArabiyyah al-Suʿūdiyyah) entu atu negara di Asia Kulon, masup juga' sebagèan besar Semenanjung Arab. Wilayah daratannya kurang lebi ampir 2.150.000 km² (830.000 mi²), jadinya Arab Saudi secara géograpisnya negara paling gedé ke-5 di Asia èn paling gedé ke-2 deri antéro negara-negara Arab abisnya Aljajaèr. Arab Saudi watesan ama Urdun èn Irak di blèlir, Kuwét di di belah lor-wètan, Katar, Bahrén, èn Imarat Arab Rempug di blètannya, Oman di belah kidul-wètannya, èn Yaman di bekidulnya. Ni negara juga' dipisahin deri Israèl èn Mesir ama Telok Agabah. Ni atu-atunya negara nyang ada di Laot Mèra ama di lingir panté Telok Parsi, èn sebagèan besar daratannya cègèr. Ni negara hopstadnya^[1] – Riyad.

Arab Saudi entu negara di mana agama Selam muncul pertama kali èn kadang digero "Tana Dua Mesigit Haram" atawa "Tana Haramén" nyang ngeruju' ke Mesjidilharam (di Mekah) èn Mesigit Nabi (di Medinah), dua tempat suci dalem agama Selam.

Adapun basa resminya – basa Arab.

Ni negara punya agama resmi entu Selam Ahlusunah. Plaktèk keagamaan minhum^[2] perboden di tempat-tempat umum, tapi kaga' perboden kalo bakal sendèwèkan. Mashab akidah Hambali entu nyang paling banyak sawabannya, serènta juga' gerakan Wahabiah dalem pèrkah^[3] Selam Ahlusunah juga' sering digero'-gero' jadi "atu ciri has deri Arab Saudi".

Arab Saudi ada punya kota nyang penting bakal agama Selam. Banyak orang Selam deri mana-mana dunia dateng di Mekah bakal naèk haji, sebab haji entu atu deri lima rukun Selam. Adapun kota-kota gedé laènnya antara laèn: Riyad, Jedah, ama Damam.

Arab Saudi punya mata uang – Rèal Saudi.

Ruju'an

↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).
↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. h. 2. Minhum (hurup Arab Gundul: منهم) – non-Islam, non-Muslim (Indo.); non-Islamic, non-Muslim (Ing.).
↑ Pèrkah (hurup Arap gundul: فرقة) – sekte (Indo.); sect (Ing.)

[1] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[2] Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. h. 2. Minhum (hurup Arab Gundul: منهم) – non-Islam, non-Muslim (Indo.); non-Islamic, non-Muslim (Ing.).

[3] Pèrkah (hurup Arap gundul: فرقة) – sekte (Indo.); sect (Ing.)

[1]

[2]

[3]