Sampi
Sampi (hurup Arab Gundul: سمفى) atawa emo' (hurup Arab Gundul: اموء) entu héwan angonan anggota beraya Bovidae èn anakpermili Bovinae. Sampi dipiara lantaran diambil susu ama dagingnya bakal daharan manusia. Hasil sampingan, kaya' kulit, jeroan, badug, èn tainya, dipaké bakal macem-macem manusia punya kebutuan. Di berapa tempat, sampi juga' dipaké bakal penggerak gandaran, ngeluku, ama alat penggawéan lainnya (kaya' bakal ngebejeg tebu). Bahnanya ni kegunaan nyang roncèt, sampi ada jadi bagèan deri macem-macem kebudayaan manusia sempragan jaman bahola. Hata, ni kegiatan nyang maké sampi gè' masing ngamprah ampé wayah gini.