लेजर

आसान भाषा में, लेजर चाहे लेस़र एगो अइसन उपकरण हवे जेकरे द्वारा प्रकाश के किरन के एकदम सकेत आ निश्चित मार्ग पर भेजल जा सके ला जवना से कि ऊ प्रकाश के किरण सभ आम प्रकाश से कुछ अलग गुन हासिल क लेला आ कई किसिम के इस्तेमाल में आ सके ला। अइसन उपकरण द्वारा निकले वाली किरन के भी लेजर कहल जाला; लेजर लाइट, लेजर किरन वगैरह भी कहल जाला। बैज्ञानिक भाषा में लेसर शब्द (Light Amplification by Stimulated Emission of Radiation) के छोट रूप हवे। मने कि अइसन उपकरण जेह में रेडियेशन एमिशन (प्रकाश) के स्टीमुलेट कइ के ओकरा के संबर्धित (एम्पलीफाई) क दिहल जाला।

पहिली बेर लेजर 1960 में थियोडोर एच मेमैन द्वारा ह्यूजेज रिसर्च लैब में बनावल गइल जे चार्ल्स हार्ड टाउंस आ आर्थर लियोनार्ड श्वालो के सैद्धांतिक काम पर आधारित रहल।