Jambatan Sei Alalak
Jembatan Sungai Alalak | |
|---|---|
 Jambatan Sei Alalak | |
| Koordinat | 3°16′39″S 114°35′23″E / 3.2775°LS 114.58972°BTKoordinat: 3°16′39″S 114°35′23″E / 3.2775°LS 114.58972°BT |
| Moda transportasi | 2 lajur |
| Maliwati | Sungai Alalak |
| Lukal | Kalimantan Selatan (Banjarmasin-Barito Kuala) |
| Ngaran rasmi | Jambatan Sei Alalak |
| Karaktiristik | |
| Disain | Jambatan kabal pancang |
| Libar | 20 meter (66 ft) |
| Bantang pamanjangnya | 850 meter (2789 ft) |
| Jumlah bantangan | 1 (jambatan utama) |
| Sajarah | |
| Dirasmikan | 21 Uktubir 2021 |
| Wadah | |
 | |
Jambatan Sei Alalak atawa Jambatan Sungai Alalak yaitu sabuting jambatan nang malintang di atas Sungai Alalak wan mahubungakan antara Kuta Banjarmasin lawan Kabupatin Barito Kuala, Prupinsi Kalimantan Selatan. Jambatan ngini dirasmiakan wayah 21 Uktubir 2021 ulih Parisidin RI, Joko Widodo wan baisi 4 lajur dua mara, panjang labih kurang 850 mitir wan libar 20 mitir.[1]
Jambatan Sei Alalak jadi jambatan lingkung nang panambaian di Indunisia wan dibangun gasan manggantiakan Jambatan Kayu Tangi 1 nang sudah bausia 30 tahun wan dipakai sabagai jalur utama masuk Kuta Banjarmasin matan babagai wilayah di Kalimantan Selatan wan di Kalimantan Tangah wan maatasi takangnya jalan lingkar utara.[2]
Sabalumnya, jambatan ngini baisi usulan ngaran ulih DPRD Kalimantan Selatan. Salah satu ngaran nang diusulakan manjadi ngaran jambatan yaitu Aberani Sulaiman[3], Letjen TNI (Purn) Zaini Azhar Maulani, Abdussamad Sulaiman HB, Brigjen H Hasan Basry wan Muhammad Said.[4] bahkan akibat meme nang rami di média sosial, jambatan ngini ditandai ulih warga lawan ngaran Jambatan Basit.[5] Tagal wayah parasmian, ngaran jambatan tatap mamakai ngaran Sei Alalak sabagai ngaran rasmi.[6]
Struktur jambatan
[babak | babak asal-mulanya]Pilar jambatan Sei Alalak didiriakan di atas lahan baruh wan baisi kadalaman pilar labih kurang 75 m lawan diamitir pancangnya saganal 1,8 mitir. Jambatan ngini baisi talu bagian, yaitu jambatan utama lawan struktur cable stayed sapanjang 130 mitir, jambatan pamarak lawan struktur pileslab sapanjang 295 mitir wan oprit jambatan sapanjang 425 mitir. Désain jambatan digambar gasan dilintasi ulih kandaraan lawan tonase maksimal 10 ton.[7]
Metode konstruksi nang dipakai gasan Jambatan Sei Alalak yaitu longline matchcast system. Imbah itu, geometri tihang pylon asimetris dipakai gasan maatur cable stayed supaya kada basinggungan wan tatap di luar deck jambatan wan manambah bungasnya jambatan. Pahadangan beton nang dipakai yaitu beton kualitas tinggi fc’45 Mpa (K-500) wan mamakai material lokal.[8]
Pambangunan
[babak | babak asal-mulanya]Pambangunan Jambatan Sei Alalak mahabisakan biaya Rp 278,4 milyar wan asalnya tumatan Surat Berharga Syariah Negara (SBSN).[9] Tagal ini dalas hancap dibaiki'i ulih walikuta Banjarmasin, Ibnu Sina nang manyambat amun biaya itu balum tamasuk ka dalam biaya pambibasan lahan nang angkanya Rp 40 milyar sahingga tutal biaya pambangunan Jambatan Sei Alalak yaitu Rp 318 milyar.[10]
Jambatan itu jadi jambatan cable stayed pylon asimetrik lawan struktur malingkung panambaian di Indunisia, tahan lindu wan dijanak kawa nahap sampai 100 tahun. Jambatan ngini dibangun ulih kontraktor PT Wijaya Karya-Pandji wan didésain ulih Direktorat Jenderal Bina Marga.[2]
Salawas pambangunan jambatan dalam waktu talu tahun, jalan masuk warga diugahakan ka jalur pangganti nang malintasi Jambatan Sei Alalak 2. Jambatan ngini mulai dibangun wayah tahun 2018[11] wan tuntung wayah 4 Siptimbir 2021.[12] Tahap uji angkutan ka jambatan itu digawi wayah 30-31 Agustus 2021, lawan mambawa sabanyak 32 truk lawan asing-asingnya angkutan baratnya 24 ton.[2]
Huhulutan Jambatan Basit
[babak | babak asal-mulanya]Sabalum dirasmiakan ulih Parisidin RI Joko Widodo, jambatan itu masih ditutup wan balum dibuka gasan umum. Tagal, tauar vidéo di média sosial nang maliatakan sabuting mubil kawa masuk maliwati jambatan nang ditutup ulih urang nang bagawi di situ imbah baucap "Aku ading Basit".[13] Ayungannya katahuan amun Basit tu salah satu urang nang bagawi di situ nang mambangun jambatan itu.[14] Imbah itu hal ini manjadi mémé, nang mana urang kawa mamakai jambatan walau parisidin gin balum suah mamakai.[15][16] Pamakai média sosial di Banua mahuluti jambatan itu lawan sambatan "Jambatan Basit".[16][13] Ngaran itu ayungannya diandak jadi ngaran lain jambatan itu ulih babarapa média habar wan di Google Maps.[17][18] Antropolog Indunisia matan Universitas Lambung Mangkurat baucap amun huhulutan itu bantuk kritik sosial ka palanggaran hukum wan hak asasi manusia.[13][19]
Kajadian
[babak | babak asal-mulanya]Wayah Pibruari 2022, tali kabal panarangan di Jambatan Sei Alalak langlam wan diduga dicuntan, nang maulah jambatan kadap salawas satu minggu. Imbah itu pihak BPJN mamasang CCTV di kawasan jambatan supaya kawa maitihi wan kadada kajadian kacuntanan lagi.[20]
Bahan acuan
[babak | babak asal-mulanya]- ^ Al-Farraby, Raden Muhammad Ikhsan (2021-10-21). "Resmikan Jembatan Sei Alalak, Presiden: Manfaatkan dengan Baik". Presiden RI (dalam bahasa Indonesia). Diakses tanggal 9 Juni 2024.
- ^ a b c "Presiden Jokowi Resmikan Jembatan Sei Alalak, Struktur Unik Cable Stayed Melengkung Asimetrik". Kementerian PUPR (dalam bahasa Indonesia). Diarsipkan dari versi asli tanggal 2023-06-10. Diakses tanggal 9 Juni 2024.
- ^ Amin, Muhammad (2021-09-29). "Jembatan Sei Alalak, Diusulkan Diberi Nama Jembatan Gubernur Aberani Sulaiman". Teras 7 (dalam bahasa Indonesia). Diakses tanggal 9 Juni 2024.
- ^ Asyikin (2021-10-21). "Tetap Jembatan Sei Alalak, Usulan Nama Lima Tokoh Banua Bertepuk Sebelah Tangan". jejakrekam.com (dalam bahasa Indonesia). Diakses tanggal 9 Juni 2024.
- ^ Mordiadi (2021-09-23). "Jembatan Basit Alalak, 'Nama Baru' Pengganti Jembatan Kayu Tangi 1 Kalsel". Pikiran Rakyat (dalam bahasa Indonesia). Diakses tanggal 9 Juni 2024.
- ^ Redaksi. "Jembatan Basit Batal Diberi Nama Tokoh Kalsel | Radar Banjarmasin". kalsel.prokal.co (dalam bahasa Indonesian). Diakses tanggal 9 Juni 2024.
- ^ Silaban, Martha (2021-09-04). "Profil Sei Alalak, Jembatan Lengkung Pertama RI yang Akan Diresmikan Jokowi". Tempo (dalam bahasa Indonesia). Diakses tanggal 9 Juni 2024.
- ^ Agustinus, Michael (2021-09-27). "Melihat Kemegahan Sei Alalak, Jembatan Lengkung Pertama RI yang Mulai Dibuka". Kumparan (dalam bahasa Indonesia). Diakses tanggal 9 Juni 2024.
- ^ Pratiwi, Yenni (2021-10-22). "Perkuat Konektivitas Antar Wilayah, Presiden Jokowi Resmikan Jembatan Sei Alalak". Direktorat Jenderal Kekayaan Negara Kementrian Keuangan RI. Diakses tanggal 9 Juni 2024.
- ^ Riyadi, Ahmad (2021-10-21). "Koreksi Biaya Jembatan Sei Alalak, Walikota Ibnu Sina : Yang Benar Rp 318 Miliar". jejakrekam (dalam bahasa Indonesia). Diakses tanggal 9 Juni 2024.
- ^ Suherni, Nani (2021-09-27). "Fakta-Fakta Jembatan Sei Alalak Kalsel, Nomor 3 Tahan Gempa hingga Awet 100 Tahun". iNews (dalam bahasa Indonesia). Diakses tanggal 9 Juni 2024.
- ^ Firman (2021-09-28). "Jembatan Sei Alalak jadi kebanggaan baru bagi warga Kalsel". ANTARA News Kalimantan Selatan. Diakses tanggal 9 Juni 2024.
- ^ a b c antaranews.com (2021-09-24). "Antropolog: Jembatan Sei Alalak viral dengan sebutan Jembatan Basit". Antara News (dalam bahasa Indonesia). Diakses tanggal 2024-08-20.
- ^ "Terungkap, Sosok Basit yang Sedang Viral di Banjarmasin Ternyata Wakar". Banjarmasinpost.co.id (dalam bahasa Indonesia). Diakses tanggal 2024-08-20.
- ^ Hasanuddin (2021-09-22). "Viral, Kode "Ading Basit" Bisa Melintas Jembatan Alalak Banjarmasin". PojokBanua.com (dalam bahasa Inggris). Diakses tanggal 2024-08-20.
- ^ a b Agency, ANTARA News. "Jembatan Basit, aspek viral yang bisa dijadikan nama jembatan Sei Alalak di Kalsel". ANTARA News Kalimantan Selatan. Diakses tanggal 2024-08-20.
- ^ Ridhani, Fauzan. "Ternyata, Anggaran Pembangunan Jembatan Basit Bersumber Dari Sini - Prokal". Ternyata, Anggaran Pembangunan Jembatan Basit Bersumber Dari Sini - Prokal (dalam bahasa Indonesia). Diakses tanggal 2024-08-20.
- ^ kalselpos (2021-09-23). "Jembatan Alalak di Google Maps berganti "Jembatan Basit"". kalselpos (dalam bahasa Indonesia). Diakses tanggal 2024-08-20.
- ^ Firman (2021-09-24). "Jembatan Basit, aspek viral yang bisa dijadikan nama jambatan Sei Alalak di Kalsel". ANTARA News Kalimantan Selatan. Diakses tanggal 9 Juni 2024.
- ^ "Jembatan Basit Gelap Gegara Pencurian KabelBPJN Akan Laporkan ke Polisi". Kalimantan Post (dalam bahasa Indonesia). 2022-02-05. Diakses tanggal 9 Juni 2024.