Tilambung tinggi (Malumbar urat)

Nicole Forrester saikung atlit tilambung tinggi dunia.

Tilambung tinggi adalah sabuting bantuk garakan manilambung ka atas lawan cara maangkat batis ka muka wan ka atas gasan upaya mambawa titik barat awak satinggi-tingginya wan sahancap-hancapnya gugur (mandarat) lawan cara manggawi tunjulan di sasabuting batis gasan mancapai sabuting katinggian tatantu. Tujuan tatambaian matan tilambung tinggi adalah maangkat awak satinggi-tingginta anggaran kawa malalui mistar. Tingginya tilambungan bagantung lawan talu panyabab. Panambaian, panilambung musti mangambangakan daya angkat saganal-ganalnya anggaran kawa manimbai awak ka udara lawan kahancapan nang saganal-ganalnya. Tinggi nang dicapai ulih awak sasuai lawan kahancapan nang dipakai gasan maninggalakan tanah. Kadua, buncu tunjulan sakawa mungkin mamaraki tagak lurus anggaran kawa mamusatakan gaya gasan mancapai katinggian, tagal buncu tunjulan ngitu musti mayu gasan mambawa awak matan subalah mistar ka subalah nang lain. Katalu, jarak di mana titik barat awak kawa diangkat tawatas. Di sasahan tilambungan, watas jarak musti antara 2 wan 3 batis di mana sasaurang panilambung nang tabaik kawa manunjulakan titik baratnya ka atas matan sikap badiri lawan tangan di higa awak.