Unvaniezh 90/Ar Re C'hlas

Unvaniezh 90/Ar Re C'hlas (Bündnis 90/Die Grünen en alamaneg) a zo ur strollad politikel ekologour alaman diazezet e 1980 en Alamagn ar C'hornôg dindan an anv Ar Re C'hlas. En em deuziñ a ra gant Unvaniezh 90 e 1993, ur strollad krouet en Alamagn ar Reter. Ar strollad en deus 118 dileuriad er Bundestag (14,8% eus ar gannaded).

Istor

Ar strollad politikel alaman Die Grünen a voe savet en Alamagn ar C'hornôg da vare ar stourmoù ekologel ha peoc'hgarour e dibenn ar bloavezhioù 1970. Peursavet e voe e 1982, gant tud evel Joschka Fischer hag Otto Schily. An dilennidi gentañ a voe er Bundestag e 1983, hag ur strollad ennañ e 1987. Koll a rejont anezhañ en dilennadegoù da-heul adunvaniezh Alamagn e 1990. Met ar strollad Bündnis 90 (Unvaniezh 90), a zeuas a-benn da gaout un nebeud dilennidi peogwir e oa bet miret plasoù evit ar strolladoù eus DDR. Ur strollad politikel dazeilat e oa. Kendeuzet e voe strollad Ar Re C'hlas hag Unvaniezh 90 e 1993.

Re C'hlas Alamagn o vanifestiñ a-enep an nerzh nukleel e miz Du 2008

Ar Re C'hlas e gouarnamantoù Alamagn

1998-2002 : e gouarnamant ar c'hañseller Gerhard Schröder (SPD)
2002-2005 : e gouarnamant ar c'hañseller Gerhard Schröder (SPD)

Tud vrudet

Daniel Cohn-Bendit : kannad e parlamant Europa, kenbrezidant ar strollad Glas/Emglev Dieub Europa e Parlamant Europa

Joschka Fischer : bet bezkañsellerz ha ministr an aferioù diavaez
Renate Künast : bet ministr gwareziñ ar vevezerien, ar bevañs hag al labour-douar
Jürgen Trittin : bet ministr an endro, gwareziñ an natur hag ar surentez nukleel
Volker Beck : bet an hini kentañ e penn strollad ar Re C'hlas er Bundestag
Claudia Roth : -
Reinhard Bütikofer : bet prezidant ar strollad
Cem Özdemir : kenbrezidant ar strollad, kannad e parlamant Europa
Antje Vollmer : kenbrezidantez ar Bundestag abaoe an 10 a viz Du 1994
Rebecca Harms, : kannadez e parlamant Europa, kenbrezidantez ar strollad Glas/Emglev Dieub Europa e Parlamant Europa
Simone Peter : kenbrezidantez ar strollad