Knut Hamsun

Knut Hamsun a oa ur skrivagner norvegek, en deus tapet Priz Nobel al lennegezh. Ganet e oa bet Knut Pedersen, evel ma oa e anv gwir, d’ar 4 a viz Eost 1859, ha marvet e oa d’an 19 a viz C'hwevrer 1952.

Ganet e oa bet Knut Hamsun e Vågå, e-kreiz Norvegia. Goude ur yaouankiz kalet, en em lakaas d’ober a bep seurt micherioù ha kregiñ da skrivañ. Mont a reas d’ar Stadoù Unanet ha da Bariz. Eno e reas anaoudegezh gant tud evel al livour gall Paul Gauguin hag ar skrivagner svedek August Strindberg. Goude beajoù e Finland, Rusia, Iran ha Turkia, en em stalias e Norvegia en-dro, goude 1911. Brud a zeuas dezhañ goude embannadur e romant kentañ, Sult (Naon), e 1890.

E-pad an Eil brezel bed e savas Knut Hamsun a-du gant an Nazied ha gant gouarnamant Vidkun Quisling. E 1946 e voe kaset dirak al lez-varn evit se met lavaret e voe ne oa ket e holl spered gantañ ha ne voe kondaonet nemet d’un dell-gastiz.

Hamsun a voe roet dezhañ Priz Nobel al lennegezh, e 1920. Sellout a reer outañ evel unan eus brasañ romantourien al lennegezh norvegek, ur skrivagner modern e doare William Faulkner pe Franz Kafka. Mervel a reas e-kichen Grimstad e su Norvegia.

E skridoù

Den Gaadefulde (1877)
Et Gjensyn (1878)
Bjørger (1878)
Lars Oftedal (1889)
Fra det moderne Amerikas Aandsliv (1889)
Sult (Naon), 1890
Mysterier (1892)
Redaktør Lynge (1893)
Ny Jord (1893)
Pan (1894)
Ved Rigets Port (1895)
Livets Spil (1896)
Siesta (1897)
Aftenrøde (1898)
Victoria (1898)
Munken Vendt (1902)
Kratskog (1903)
Dronning Tamara (1903)
I Æventyrland (1903)
Det vilde Kor (diktsamling, 1904)
Sværmere (1904)
Stridende Liv (1905)
Under Høststjærnen (1906)
Benoni (1907)
Rosa (1908)
En Vandrer spiller med Sordin (1909)
Livet ivold (1910)
Den siste Glæde (1912)
Børn av Tiden (1913)
Segelfoss By (1915)
Markens Grøde (1917)
Sproget i Fare (1918)
Konerne ved Vandposten (1920)
Siste Kapitel (1923)
Landstrykere (1927)
August (1930)
Men Livet lever (1933)
Ringen sluttet (1936)
Artikler i utvalg (red.: Francis Bull) (1939)
Paa gjengrodde Stier (1949)

Liammoù diavaez