بۆ ناوەڕۆک بازبدە

دیێگۆ فۆرلان

لە ئینسایکڵۆپیدیای ئازادی ویکیپیدیاوە
دیێگۆ فۆرلان
بە ئیسپانی: Diego Forlán
لەدایکبوون (١٩٧٩-٠٥-١٩) ١٩ی ئایاری ١٩٧٩ (تەمەن ٤٥ ساڵ)
مۆنتیڤیدیۆ، ئوروگوای
وڵاتی وەرزشئوروگوای
ناوی کاتی لەدایکبوونDiego Forlán Corazo
Second family name in Spanish name
ناوی خوازراوCachavacha
باوکPablo Forlán
خوشک و براAlejandra Forlán
خزمەکانJuan Carlos Corazzo
زمانی زگماکیزمانی ئیسپانی
زمانەکانی ئاخاوتنزمانی ئیسپانی، زمانی ئینگلیزی
پیشەیاریزانی تۆپی پێ
پۆستەکانباڵیۆزی نیازپاکی یوونیسێف
شوێنی یاریکردن لە تیپھێرشبەر
دەستپێکی چالاکی١٩٩٧
Coach of sports teamClub Atlético Peñarol
وەرزشتۆپی پێ
بەشداربووە لەجامی جیھانیی فیفای ٢٠١٤، جامی جیھانیی فیفای ٢٠١٠، جامی جیھانیی فیفای ٢٠٠٢
خولخولی نایابی ئینگلیزی
خەڵاتەکانWorld Cup Golden Ball، Order of Isabella the Catholic‎، European Golden Shoe، Pichichi Trophy
وێبگەhttp://www.diegoforlan.com/


دیێگۆ مارتین فۆرلان (لەدایکبووی ١٩ی ئایاری ١٩٧٩)ڕاھێنەری تۆپی پێ و یاریزانی پێشووی ئوروگوایییە، وەک ھێرشبەر یاری کردووە. فۆرلان بە یەکێک لە باشترین ھێرشبەرەکانی سەردەمی خۆی دادەنرێت، دووجار براوەی ھەردوو جامی پیچیچی و پێڵاوی زێڕینی ئەورووپییە لەسەر ئاستی یانەکان. لەگەڵ ھەڵبژاردەی ئوروگوای، سەرکەوتنی تاکەکەسی بەرچاوی لە جامی جیھانیی فیفای ٢٠١٠ بەدەستھێنا، کاتێک بووە گۆڵکاری پاڵەوانێتییەکە بەھاوبەشی بە تۆمارکردنی پێنج گۆڵ.

فۆرلان لە ئوروگوای لەگەڵ پێنارۆل و دانوبیۆ دەستی بە ژیانی وەرزشی کرد، پێش ئەوەی پەیوەندی بە یانەی ئیندیپێندێنتی ئەرژەنتینی بکات، لە ساڵی ٢٠٠٢دا لەگەڵ مانچستەر یونایتد گرێبەستی واژووکرد. لە وەرزی ٢٠٠٢–٢٠٠٣ نازناوی پرێمیەرلیگ و لە ٢٠٠٣–٢٠٠٤ جامی یەکێتی ئینگلتەرای بەدەستھێنا.

لە ھاوینی ٢٠٠٤ فۆرلان ڕووی لە یانەی ڤیاریاڵی ئیسپانی کرد. لە یەکەم وەرزیدا، جامی پیچیچی بەدەستھێنا. دوای دوو وەرزی سەرکەوتووی دیکە لەگەڵ ڤیاریال، فۆرلان پەیوەندی بە ئەتلەتیکۆ مەدریدەوە کرد و لەوێ جارێکی دیکە بووە گۆڵکاری خولەکە، و بووە یەکەم یاریزان کە دووجار جامی پیچیچی بەدەستبھێنێت لە دوای ڕۆناڵدۆ لە ساڵانی ١٩٩٦–٩٧ و ٢٠٠٣–٢٠٠٤. فۆرلان گۆڵێکی تۆمارکرد لە یارییەکەی ئەتلەتیکۆ لە یاریی کۆتاییی خولی ئەورووپای ٢٠١٠ بەرامبەر فولھام. لە ساڵی ٢٠١١ پەیوەندی بە ئینتەرمیلانی ئیتاڵیاوە کرد، دواتر لە ساڵی ٢٠١٢ ڕووی لە ئینتەرناسیۆناڵی بەڕازیلی کرد. دوای ئەوەی لە ژاپۆن لەگەڵ سێریزۆ ئۆساکا یاری کرد و گەڕایەوە ئوروگوای لەگەڵ یانەی پێنارۆلی کوڕێتی، لە ھیندستان لەگەڵ مۆمبای سیتی و لە ھۆنگ کۆنگ لەگەڵ کیچی، فۆرلان لە مانگی ئابی ٢٠١٩ وازھێنانی لە ژیانی پیشەگەری ڕاگەیاند.

ھەروەھا فۆرلان یارییەکی سەرکەوتووی نێودەوڵەتی ھەبوو، ٣٦ گۆڵی بۆ ھەڵبژاردەکەی تۆمارکرد، لەنێویاندا شەش گۆڵی لە پاڵەوانییەتی جامی جیھانیی فیفا تۆمارکرد. لە ١٢ی تەممووزی ٢٠١١ لە جامی کۆپا ئەمریکا لە ئەرجەنتین کە ئۆرۆگوای نازناوەکەی بردەوە، فۆرلان ٧٩ھەمین یاری نێودەوڵەتی خۆی لە یارییەکدا کە بەرامبەر مەکسیک بوو ئەنجامدا، ئەمەش ژمارەی پێوانەیی شکاند کە لە ساڵی ١٩٨٦ەوە لەلایەن ڕۆدۆلفۆ ڕۆدریگێزی گۆڵپارێزەوە بەدەستییەوە بوو. لە ٢٠ی حوزەیرانی ٢٠١٣ لە یارییەکدا بەرامبەر نێجیریا لە جامی کیشوەرەکانی ٢٠١٣، فۆرلان بووە یەکەم یاریزانی ئوروگوای کە ١٠٠ یاری بباتەوە.[١] فۆڕلان لە ساڵی ٢٠١١ەوە پێشەنگی گۆڵکاری ئوروگوای بوو تا دوای دوو ساڵ لویس سوارێز پێشی کەوت. لە ٢٠ی کانوونی دووەمی ٢٠١٩، فۆرلان وەک بەڕێوەبەری یانەی پێشووی پێنارۆل دەستنیشانکرا. لە ١ی ئەیلوولی ٢٠٢٠ لە پۆستەکەی دوورخرایەوە، دوای ئەوەی لە کۆی یازدە یاری تەنھا چوار یاری بردەوە.[٢] لە ١٧ی ئازاری ٢٠٢١ وەک بەڕێوەبەری یانەی ئاتیناس دی سان کارلۆسی خولی پلە یەکی ئوروگوای دەستنیشانکرا. لە ١٦ی ئەیلوولی ٢٠٢١، دوای دۆڕانی ٢–١ بە ڕامپلا جونیۆرز، یانەکە دەستبەرداری بوو.[٣]

پیشەی نێودەوڵەتی

[دەستکاری]

١٠٠ھەمین یاری فۆڕلان لە یاری جامی کیشوەرەکانی فیفای ٢٠١٣بەرامبەر نەیجیریا بوو. لە ١١ی تشرینی یەکەمی ٢٠١١ گۆڵی ٣٢ی تۆمارکرد، ئەمەش بووە ھۆی ئەوەی ببێتە گۆڵکاری ھەموو کاتەکانی ئوروگوای لە یارییە فەرمییەکان، لە ھیکتۆر سکارۆنی بردەوە کە لە ساڵی ١٩٣٠ەوە بە تەنیا ٣١ گۆڵی تۆمارکردبوو[٤] (سکارۆن بە گشتی ٤٢ گۆڵی تۆمارکرد، بەڵام ١١ گۆڵیان لە یارییە نافەرمییەکاندا بوو).[٥]

٢٠٠٢ جامی جیھانی فیفا

[دەستکاری]

فۆرلان یەکەم یاری خۆی لەگەڵ ئوروگوای لە ٢٧ی ئازاری ٢٠٠٢ ئەنجامدا و یەکەم گۆڵی لە یاریی دۆستانەدا بەرامبەر عەرەبستانی سعوودی بە ئەنجامی ٣–٢ تۆمارکرد.[٦][٧] لە جامی جیھانیی فیفای ٢٠٠٢ لە ١١ی حوزەیرانی ٢٠٠٢ لە قۆناغی کۆمەڵەکاندا بەرامبەر سەنیگال بە ئەنجامی ٣–٣ یەکسان بوو، گۆڵێکی تۆمارکرد.[٨] سەرەڕای ئەوەی ئوروگوای لە سێ گۆڵی دابەزینی یارییەکەدا یەکسان بوو، بەڵام لەگەڵ فەرەنسا لە کۆمەڵەی یەکەمدا لە پاڵەوانێتییەکە دوورخرایەوە.[٩]

جامی کۆپا ئەمریکای ٢٠٠٤ و ٢٠٠٧

[دەستکاری]

فۆڕلان لە جامی کۆپا ئەمریکای ٢٠٠٤ لە پیرۆ ژمارە ٢١ی بۆ ئوروگوای لەبەرکردبوو، کەمێک پێش گواستنەوەی لە مانچستەر یونایتدەوە بۆ ڤیاریال. ھەر شەش یارییەکەی ئەنجامدا، چونکە ئەوان لەژێر بەڕێوەبەرایەتی خۆرخی فۆساتی پلەی سێیەمی بەدەستھێنا. تاکە گۆڵی فۆڕلان لەم پاڵەوانێتییەدا لە یارییەکەدا بوو کە بە ئەنجامی ٢–١ لە ئیکوادۆر بردەوە، کە تاکە بردنەوەی ئوروگوای بوو لە یاری کۆمەڵەکاندا. لە کۆی چوار لە کۆمەڵەکەدا پلەی سێیەمیان بەدەستھێنا.

لە قۆناغی پێش کۆتایی جامی کۆپا ئەمریکای ٢٠٠٧، فۆرلان لە خولەکی ٣٥دا بەرامبەر بەڕازیل گۆڵیتۆمارکرد؛ بەڵام لە کاتی لێدانی سزای دواتردا لێدانەکەی لەدەستدا، کە لە کۆتاییدا بەڕازیل بە ئەنجامی ٥–٤ سەرکەوتنی بەدەستھێنا.[١٠]

جامی جیھانیی فیفا ٢٠١٠

[دەستکاری]
فۆرلان (ڕاست) لەگەڵ لویس سوارێز لە جامی جیھانیی فیفای ٢٠١٠ی ئەفریقای باشوور

لە ١٧ی حوزەیرانی ٢٠٠٨، فۆرلان لە یارییەکی پاڵاوتن بۆ مۆندیال بەرامبەر پیرۆ ھاتریکی تۆمارکرد.[١١]

٢٠١١ جامی ئەمریکا

[دەستکاری]
فۆرلان لە یاری کۆتایی جامی کۆپا ئەمریکای ٢٠١١ .

لە ٢٤ی تەممووزی ٢٠١١، فۆرلان دوو گۆڵی تۆمارکرد دوای گۆڵی یەکەمی لویس سوارێز کە یارمەتی ئۆرۆگوای دا بۆ بەدەستھێنانی نازناوی پازدەھەمین نازناوی کۆپا ئەمریکا و بووە گۆڵکاری ھاوبەشی ئوروگوای لەسەر ئاستی نێودەوڵەتی، ٣١ گۆڵەکەی ھاوتای گۆڵەکانی ھیکتۆر سکارۆنی بوو دوای ئەوەی لە یاری کۆتاییدا بە ئەنجامی ٣–٠ لە پاراگوای بردەوە. باوک و باپیرەی فۆرلان پاڵەوانی ئەمریکای باشوور بوون لەگەڵ ئوروگوای لە ماوەی ٩٥ ساڵی کۆنترین پاڵەوانێتی چالاک لە جیھاندا.[١٢]

جامی کیشوەرەکانی فیفای ٢٠١٣

[دەستکاری]

لە ١٦ی حوزەیرانی ٢٠١٣، فۆرلان لە خولەکی ٦٩دا وەک یاریزانێکی یەدەگ لە یەکەم یاری ئوروگوای لە جامی کیشوەرەکانی ٢٠١٣ بەرامبەر ئیسپانیا بەشداری کرد. لە دووەم یاری ئۆرۆگوای لە کۆمەڵەکاندا، کە یارییەکە ١٠٠ھەمین یاری خۆی بۆ ھەڵبژاردەکەی، فۆرلان گۆڵی بردنەوەی تۆمارکرد و بە ئەنجامی ٢–١ لە نەیجیریای بردەوە. دواتر بۆ یاری داھاتوو بەرامبەر تاھیتی پشوودرا. دیسانەوە لە پێکھاتەی سەرەکیدا بوو، کاتێک ئوروگوای لە قۆناغی پێش کۆتاییدا بە ئەنجامی ١–٢ بە بەرازیل دۆڕا، کە لێدانێکی سزای لەلایەن گۆڵپارێزی بەڕازیلی ژۆلیۆ سیزار گەڕێندرایەوە.

جامی جیھانیی فیفا ٢٠١٤

[دەستکاری]

فۆرلان بەشێک بوو لە پێکھاتەی ئۆرۆگوای بۆ مۆندیالی ٢٠١٤ی بەرازیل. لە تەمەنی ٣٥ ساڵیدا، لە شوێنی لویس سوارێز، یاریی یەکەمی بەرامبەر کۆستاریکای ژێردەستەی کۆمەڵەکانی دەستپێکرد. لێدانێکی لاوازی ھەبوو کە لەلایەن کیلۆر ناڤاسی گۆڵپارێزی کۆستاریکییەوە ڕزگارکرا، کاتێک ئۆرۆگوای یارییەکەی بە ئەنجامی ٣–١ دۆڕا. فۆڕلان تا قۆناغی ١٦ جارێکی تر دەرنەکەوتەوە، کە ئۆرۆگوای بە ئەنجامی ٢–٠ لە کۆڵۆمبیا بردەوە.[١٣]

لە ١١ی ئازاری ٢٠١٥ فۆرلان وازھێنانی لە ھەڵبژاردەی نیشتمانی ڕاگەیاند. نوێنەرایەتی ئوروگوای لە ١١٢ یاری کرد و ٣٦ گۆڵی تۆمارکرد.

نازناوەکان

[دەستکاری]

مانچستەر یونایتد[١٤][١٥]

  • پرێمەرلیگ: ٢٠٠٢–٢٠٠٣
  • جامی یەکێتی ئینگلتەرا: ٢٠٠٣–٠٤
  • قەڵغانی کۆمەڵگەیFA: ٢٠٠٣
  • جامی ئینتەرتۆتۆی ئەورووپا: ٢٠٠٤

ئەتلەتیکۆ مەدرید[١٦]

کیچی[١٧]

سەرچاوەکان

[دەستکاری]
  1. ^ «Centurion Forlan downs Nigeria». FIFA. 20 June 2013. لە ڕەسەنەکە لە 24 June 2013 ئەرشیڤ کراوە. لە 8 August 2013 ھێنراوە. {{cite news}}: نرخەکانی ڕێکەوت بپشکنە لە: |access-date=، |date=، و |archive-date= (یارمەتی)
  2. ^ «Forlan sacked by hometown club Penarol after 11 games». BBC. 1 September 2020. لە 1 September 2020 ھێنراوە. {{cite news}}: نرخەکانی ڕێکەوت بپشکنە لە: |access-date= و |date= (یارمەتی)
  3. ^ «¡El futuro es hoy! Diego Forlán fue destituido como DT en Uruguay vía Zoom». Mediotiempo (بە ئیسپانی). ٢٠ی ئەیلوولی ٢٠٢١. لە ٢٩ی ئەیلوولی ٢٠٢١ ھێنراوە.
  4. ^ «Internationals: Forlan, record and disappointment». inter.it. ١٢ی تشرینی یەکەمی ٢٠١١. لە ڕەسەنەکە لە ١٩ی تشرینی دووەمی ٢٠١١ ئەرشیڤ کراوە. لە ١٣ی کانوونی یەکەمی ٢٠٢٣ ھێنراوە.
  5. ^ «Héctor Scarone – Goals in International matches». Rec.Sport.Soccer Statistics Foundation. لە ٧ی ئازاری ٢٠١٢ ھێنراوە.
  6. ^ «Diego Forlan Corazo – International Appearances». Rec.Sport.Soccer Statistics Foundation. لە ٢٤ی کانوونی دووەمی ٢٠١١ ھێنراوە.
  7. ^ «2002 Matches – Intercontinental (January – March)». Rec.Sport.Soccer Statistics Foundation. لە ٢٤ی کانوونی دووەمی ٢٠١١ ھێنراوە.
  8. ^ «Senegal cling on to qualify». BBC Sport. 11 June 2002. لە 24 January 2011 ھێنراوە. {{cite news}}: نرخەکانی ڕێکەوت بپشکنە لە: |access-date= و |date= (یارمەتی)
  9. ^ «Senegal cling on to qualify». BBC Sport. 11 June 2002. لە 16 June 2010 ھێنراوە. {{cite news}}: نرخەکانی ڕێکەوت بپشکنە لە: |access-date= و |date= (یارمەتی)
  10. ^ «Copa America: Brazil eliminates Uruguay on penalties». International Herald Tribune. ٢٩ی ئازاری ٢٠٠٩. لە ڕەسەنەکە لە ٢ی کانوونی یەکەمی ٢٠٠٨ ئەرشیڤ کراوە. لە ٢٦ی حوزەیرانی ٢٠١٠ ھێنراوە.
  11. ^ «Uruguay 6–0 Peru». ESPN Soccernet. ESPN. 17 May 2008. لە ڕەسەنەکە لە ٢٥ی تشرینی یەکەمی ٢٠١٢ ئەرشیڤ کراوە. لە 16 June 2010 ھێنراوە. {{cite news}}: زیاتر لە یەک دانە لە |ناونیشانی ئەرشیڤ= و |archive-url= دیاری کراوە (یارمەتی); نرخەکانی ڕێکەوت بپشکنە لە: |access-date= و |date= (یارمەتی)
  12. ^ Perez، Damian. «Forlan follows in family footsteps with Copa America win». (Reuters) Yahoo.Sports. لە ڕەسەنەکە لە ٦ی تشرینی یەکەمی ٢٠١١ ئەرشیڤ کراوە. لە 25 July 2011 ھێنراوە. {{cite news}}: زیاتر لە یەک دانە لە |ناونیشانی ئەرشیڤ= و |archive-url= دیاری کراوە (یارمەتی); نرخەکانی ڕێکەوت بپشکنە لە: |access-date= (یارمەتی)
  13. ^ McNulty، Phil (28 June 2014). «Colombia 2–0 Uruguay». BBC Sport. لە 15 July 2018 ھێنراوە. {{cite news}}: نرخەکانی ڕێکەوت بپشکنە لە: |access-date= و |date= (یارمەتی)
  14. ^ «Diego Forlán: Overview». Premier League. لە ٥ی ئایاری ٢٠٢٠ ھێنراوە.
  15. ^ «Peñarol homenajea a Diego Forlán por su trayectoria y paso por el club» (بە ئیسپانی). EFE. ١٩ی ئابی ٢٠١٩. لە ٨ی تشرینی یەکەمی ٢٠٢٠ ھێنراوە.
  16. ^ «Diego Forlán has joined a new club aged 37, giving hope to late bloomers». The Guardian. ١٦ی ئابی ٢٠١٦. لە ٨ی تشرینی یەکەمی ٢٠٢٠ ھێنراوە.
  17. ^ «'A beautiful stage closes full of great memories' – former Uruguay and Kitchee striker Diego Forlan announces retirement». South China Morning Post. ٧ی ئابی ٢٠١٩. لە ٨ی تشرینی یەکەمی ٢٠٢٠ ھێنراوە.
وەرگیراو لە «https://ckb.wikipedia.org/w/index.php?title=دیێگۆ_فۆرلان&oldid=1355103»