Iechyd Cyhoeddus Cymru

Iechyd Cyhoeddus Cymru

Math	sefydliad meddygol
Sefydlwyd	1 Hydref 2009
Daearyddiaeth
Rhan o'r canlynol	GIG Cymru
Sir	Dinas a Sir Caerdydd
Gwlad	y Deyrnas Unedig
Cyfesurynnau	51.47695°N 3.166712°W
Cod post	CF11 9LJ

Mae Iechyd Cyhoeddus Cymru (neu ICC; Saesneg: Public Health Wales) yn un o'r 11 sefydliad sy'n ffurfio GIG Cymru (neu "NHS Cymru" ar lafar). Mae'n un o dair ymddiriedolaeth hefyd, a sefydlwyd ar 1 Hydref 2009 fel rhan o ailstrwythuro'r gwasanaeth iechyd yng Nghymru. Y ddwy ymddiriedolaeth arall yw: Ymddiriedolaeth GIG Prifysgol Felindre a Gwasanaeth Ambiwlans Cymru.

Prif nod ICC yw amddiffyn a gwella iechyd a lles a lleihau anghydraddoldebau iechyd yng Nghymru.

Mae eu strategaeth hirdymor yn cwmpasu'r cyfnod 2018-30. Ynddi, gwelir saith blaenoriaeth strategol, sy'n cysylltu â'i gilydd er mwyn cyflawni prif bwrpas ICC, sef "Gweithio i Wireddu Dyfodol Iachach i Gymru":

1. Dylanwadu ar benderfynyddion ehangach iechyd
2. Gwella llesiant meddyliol a chydnerthedd
3. Hyrwyddo ymddygiad iach
4. Sicrhau dyfodol iach ar gyfer y genhedlaeth newydd
5. Diogelu'r cyhoedd rhag heintiau a bygythiadau amgylcheddol i iechyd
6. Cefnogi gwaith i ddatblygu system iechyd a gofal gynaliadwy sy'n canolbwyntio ar atal ac ymyrryd yn gynnar
7. Meithrin a defnyddio gwybodaeth a sgiliau i wella iechyd a llesiant ledled Cymru

Strategaeth

Mae gan Iechyd Cyhoeddus Cymru fwrdd Rheoli, sy'n gyfrifol am gyfeiriad strategol, fframwaith llywodraethu, diwylliant a datblygiad sefydliadol a chysylltiadau â rhanddeiliaid. Mae'n cynnwys Cadeirydd, chwe Chyfarwyddwr Anweithredol a phum Cyfarwyddwr Gweithredol, dan arweiniad Prif Weithredwr.

Dolen allanol

• Cyngor parthed COVID-19 yng ngwanwyn 2020.