Munshi Premchand
| Munshi Premchand | |
|---|---|
 | |
| Ganwyd | 31 Gorffennaf 1880  Varanasi |
| Bu farw | 8 Hydref 1936 Varanasi |
| Dinasyddiaeth | y Raj Prydeinig |
| Galwedigaeth | nofelydd, sgriptiwr, llenor |
| Adnabyddus am | Godaan, Bazaar-e-Husn, Karmabhoomi, Shatranj ke khiladi |
| Mudiad | Progressive Writers' Movement |
| Priod | Shivarani Devi |
| Plant | Amrit Rai |
| Perthnasau | Sara Rai |
| llofnod | |
 | |
Llenor Hindi ac Wrdw oedd Munshi Premchand, Hindi: प्रेमचंद, Urdu: پریمچںد, (31 Gorffennaf, 1880 - 8 Hydref, 1936).
Ei enw gwreiddiol oedd Dhanpat Rai Srivastava. Ganed ef ym mhentref Lamahi ger Varanasi, lle roedd ei dad yn glerc yn swyddfa'r post. Collodd ei rieni pan oedd yn ieuanc. Yn 1910, cafodd ei ddwyn o flaen Ynad Ardal Jamirpur am ei gasgliad o storïau byrion Soz-e-Watan (Galargan y Genedl), oedd yn cefnogi'r mudiad cenedlaethol. Gorchymynwyd llosgi pob copi o'r llyfr.
Hyd at y digwyddiad yma, roedd wedi ysgrifennu mewn Wrdw, ond o hyn ymlaen cymerodd y ffugenw Premchand ac ysgrifennu mewn Hindi. Ysgrifennodd dros 300 o storïau byrion, dwsin o nofelau a dwy ddrama. Cafodd ddylanwad mawr ar ddatblygiad llenyddiaeth Hindi fodern. Yn wahanol i awduron Hindi o'i flaen, ysgrifennai yn iaith y bobl ac am y bobl gyffredin.