Kuat Anuak

Anuak ee kuat Luo ke kɔc kiir kɔu cieŋ lɔŋ pabak Apirïka. Kek ee ŋääm ke nɔŋ caka tök kekë kɔcakeunhiimken tɔ̈ parut, Luo ku Culuk, ku kek awëër thuöŋ tök kekë kɔcakeunhiimken tɔ̈ paguöt, Acoli. Thuoŋdɛn ee tök kam thook de ruäidït de thook Kiir-Piɛnyliɛɛt. Kek ee cieŋ kiirkɔ̈u në bɛɛibëc paguötbak Paguöt Thudän ku jɔl yaa paguötcuɔl Ethiopia. Anɔŋ piirëk Anuak 200,000 ka 300,000 në pinynhom.

Anuak ku kɔc kɔ̈k cieŋ në ɣanthuth ë Gambela në Ethiopia aa jiɛ̈ɛ̈mwei në wëët cin ke tiɛɛlwei në kuat kɔ̈k de Ethiopia, ye anɔŋ dɛlɣëër ku cieŋ ɣänthöny. Kän acë Anuak pëën piöckeŋ, konyëkiim ku käk wën ë miɔc, ku aya piny pɛɛn latuëŋ mäth.

Yen ee but näŋ kɛɛk në kaam Anuak ku Yɔ̈ɔ̈mtɔŋ de Ethiopia. Nawën cï kɔc kabɛ̈t Ethiopia ke cieŋ në ɣanthany nɔk në Pɛnëthiäärkurou 13, 2003, go Anuak nyieny, go yöömracpuou kɔcɣanthany ku apurukakuma lɔthin ku nakkï raan 400 kɔcbaai ku rïɛɛckï tëcït baai 1,000 nɔŋ Anuak. Go Akutëbänyëluɔi Lajikëlöŋ ë Anuak lɔ ŋiɛɛny në wët aci akuma de Ethiopia të nɔŋ akutajuɛɛr kaampanmac cïmën Ɣönluk Awuöc Kaampamaac. Go kɔc Tiit ë Yinyraan [Human Rights Watch] weltuoc cɔk ŋic në Pɛnëdiäk 24, 2005 yenakë ŋɔɔtkï de wët näkdït cë rɔtlɔi tënɔŋ Anuak në Akutapuruk de Ethiopia ku jɔl yaa kɔc Ethiopia. Kän ee nyuoth ademuöm ŋuën raanëbɛ̈n [crimes against humanity], lakin acïï ran ŋic kë cë rɔtlɔi.